dokta shein ahimiza wananchi kujitokeza kwa wingi kwenye sherehe za mapinduzi

Rais wa Zanzibar na Mwenyekiti wa Baraza la Mapinduzi Dk. Ali Mohamed Shein ametoa wito kwa wananchi wa Unguja na Pemba kujitokeza kwa wingi kusherehekea maadhimisho ya miaka 52 ya Mapinduzi yanayoanza jana.

Dk. Shein amesema wananchi wana kila sababu za kushiriki maadhimisho hayo kwa kuwa Mapinduzi ya tarehe 12 Januari, 1964 ndiyo yaliyoleta Uhuru kwa wananchi wa Unguja na Pemba kutoka kwa wakoloni.

Akizungumza na waandishi wa habari mara baada ya kushiriki zoezi la kufanya usafi katika soko la matunda la Mombasa mjini Unguja leo, Dk. Shein alisema wananchi wanaelewa vyema historia ya Mapinduzi ya Zanzibar na kwamba wanajua wajibu wao katika kuyalinda na kuyadumisha.

Dk Shein alisisitiza kuwa “Kila mtu ana haki na wajibu wa kuyaenzi na kuyaendeleza Mapinduzi ya mwaka 1964” kwa kuwa ni dhahiri hakuna mwananchi asiethamini uhuru wake.

Rais wa Zanzibar aliwaeleza waandishi wa habari na wananchi waliohudhuria zoezi hilo kuwa Mapinduzi ya mwaka 1964 yameleta maendeleo kwa kila mwananchi na kwamba hakuna mwananchi asiyefaidika na matunda ya Mapinduzi.

Dk. Shein alisema Mapinduzi ya mwaka 1964 yalifanyika kwa malengo maalum ya kuwakomboa wananchi Zanzibar kwa kuwa mazingira yaliyokuwepo wakati huo kitendo cha kufanya Mapinduzi kilikuwa hakiwezi kuepukika.

Alibainisha kuwa wapo wanaoyakumbuka kwa furaha na wengine wamenuna lakini Mapinduzi yalikuwa ni lazima na ndivyo ilivyofanyika na sasa Zanzibar iko huru.

Aliwataka wananchi kushiriki katika ratiba mbalimbali za maadhimisho hayo yakiwemo mashindano ya mpira wa miguu ya Kombe la Mapinduzi yanayoanza leo katika uwanja wa Amaan Zanzibar.

JUMUIYA YA KUKUSANYA ZAKA NA SADAKA ZANZIBAR (JUZASA) YAFANYA MKUTANO MKUU WAKE.

 Mwenyekiti wa Jumuiya ya kukusanya Zaka na Sadaka Zanzibar (JUZASA) Shekh. Said Masoud (Gwiji) akitoa maelezo ya Jumuiya na kumkaribisha mgeni rasmi (kushoto) Katibu Mtendaji Kamisheni ya Wakfu na Mali ya amana Zanzibar Shekh. Abdalla Talib kufungua Mkutano wa Jumuiya hiyo uliofanyika katika ukumbi Sha-Ntimba Mombasa Zanzibar.Picha na Makame Mshenga-Maelezo Zanziba

 Baadhi ya wanachama wa Jumuiya na wageni walikwa wakisikiliza nasaha za Mwenyekiti wa Jumuiya ya kukusanya Zaka na Sadaka Zanzibar (JUZASA) Shekh. Said Masoud (Gwiji) hayupo pichani wakati wa Mkutano Mkuu wa Jumuiya hiyo.

 Mgeni rasmin Katibu Mtendaji Kamisheni ya Wakfu na Mali ya amana Zanzibar Shekh. Abdalla Talib akifungua Mkutano Mkuu wa Jumuiya ya kukusanya Zaka na Sadaka Zanzibar uliofanyika katika ukumbi Sha-Ntimba Mombasa Zanzibar.

 Shekh. Ahmad Haydar Jabir akikumbusha juu ya kutoa Zaka na Sadaka, na kutofautisha baina Sadaka na Zaka, amewataka waumini kusama kuyajua hayo.

 Mmoja wawalikwa Shekh Said Khalid Said akichangia katika Mkutano huo.

Mjumbe wa Bodi ya Jumuiya hiyo Dkt. Muh'd Hafidh akitoa neno la shukrani mara baada ya kumaliza kwa Mkutano. Picha na Makame Mshenga-Maelezo Zanzibar.

Taasisi za kiislamu nchini zimeshauriwa kushawishi kuwepo kwa mfumo wa pamoja wa ukusanyaji wa Zaka na Sadaka ili ziweze kuleta tija katika kundi kubwa la jamii ya Kislam.
Katibu mtendaji wa kamisheni ya mufti namali ya amana Zanzibar sheikh abdalla talib amesema Lengo la mfumo huo uliwekwa kwa mujibu wa sheria za kiislamu ni kusadia na kupunguza umasikini katika jamii lakini kwa sasa wengi wanaotaoa sadka hizo hazifikii lengo hilo kwa vile kumekosekana mfumo bora  unaowafikia watu wengi na kuleta mabadiliko makubwa.
Akifungua mkutano wa jumuiya ya zaka na sadaka Zanzibar ZASA ametolea mfano wan chi ya denmar amabyo ina waislamu kwa asilimi 3 tu imekuw ana utaratibu mzuri wa ukusanyaji wa sadka na zaka  hali iliyofanikisha kupatikana  misaada mingi iliyosaidia  katika nchi hiyo na hata nchi nyengine.
Amefahamisha kuwa  kwa kuwa  Zanzibar asilimia kubwa ya wanananchi wake ni waislamu ina nafasi ya kufikia malengo hayo kama pia itatoa elimu kwa wananchi hasa wenye uwezo  ili kufahamu  umuhimu wa Ibada hiyo pamoja na njia bora za kutoa zaka na sadaka katika jamii.
Nae mwenyekii wa jumuiy hiyo sheikh said masoud  amesema kwa sasa umekuwa na mwamko mdogo hasa kwa wafanyabiashara kutoa zaka na sadaka  kulingana na taratibu zinazotakiwa  kidini.
Nae katibu wa jumuiya hiyo ya jusaza omar abubakar Mohamed amesema jumuiya hiyo  imeshatoa zaka kwa watu 46 zikiwemo za fedha taslim, charahani, friza na wengine kujengewa nyumba.

SHEREHE ZA MAPINDUZI ZIPO KAMA KAWAIDA ASEMA MAKAMU WA PILI WA RAIS

Makamu wa Pili wa Rais wa Zanzibar Balozi Seif Ali Iddi alisema kwamba Maadhimisho ya Sherehe za kutimia Miaka 52 ya Mapinduzi ya Zanzibar ya mwaka 1964  yatafanyika kama kawaida na kupangwa kuanza rasmi jumapili ya Tarehe 3 Januri 2016.

Alisema Serikali imejipanga kikamilifu kuhakikisha kwamba katika muda wote wa maandamisho hayo kunakuwa na hali ya utulivu na usalama mkubwa katika maeneo yote ya Visiwa vya vya Unguja na Pemba.

Balozi Seif Ali Iddi ambae pia ni Mwenyekiti wa Halmashauri ya Maadhimisho ya Kitaifa Zanzibar alisema hayo wakati akitoa Taarifa rasmi ya ratiba ya maadhimisho ya sherehe za Miaka 52 ya Mapinduzi ya Zanzibar mbele ya Wana Habari hapo Ofisini kwake Vuga Mjini Zanzibar.

Alisema suala la upande wa Upinzani kuzisusia sherehe za Mapinduzi   kwa kisingizio cha Rais aliyepo madarakani si halali ni muendelezo wa kuwapotosha Wananchi walio wengi nchini.

Balozi Seif alifafanua kuwa Rais wa sasa Dr. Ali Mohammed Shein ataendelea kuwa rais hadi yule atakayechaguliwa rasmi na kihalali na Wananchi ale kiapo kwa mujibu wa Katiba ya Zanzibar  ya mwaka 1984 kama ilivyokwishatolewa ufafanuzi na wanasheria walio wengi.

Alisema tukio hili la maadhimisho ya sherehe za Mapinduzi ya Zanzibar kutimia miaka 52 ni jambo la kujivunia kwa kila Mwananchi  wa Visiwa vya Unguja na Pemba mpenda maendeleo na anayeifahamu vyema Historia ya Zanzibar kabla na baada ya Mapinduzi.

Alieleza kwamba ipo miradi mingi na tofauti ya Wananchi ambayo Viongozi na hata baadhi ya  wanachama wa upande wa upinzani walishiriki kuibuni sasa inakuaje miradi hiyo waiachie wakati tayari imeshalengwa kuinufaisha jamii iliyowazunguuka.

“ Tuna kila sababu na ni haki yetu kusherehekea siku hii adhimu katika Maisha yetu. Hivyo tuambizane, tushajiishane na tushiriki katika matukio mbali mbali ya maadhimisho ya sherehe hizi kuanzia mwanzo hadi mwisho “. Alisema Balozi Seif.

Makamu wa Pili wa Rais wa Zanzibar  alieleza kwamba Miradi yote ya Maendeleo ipatayo 24 ambapo 16 ikiwa imekamilika na Minane inatarajiwa kuwekwa mawe ya msingi imehusishwa katika maadhimisho hayo itakayoanza Jumatatu ijayo.

Alisema madhimisho hayo yataanza rasmi kesho Jumapili  ikiwa ni siku maalum kwa kazi za usafishaji wa masingira katika maeneo mbali mbali Unguja na Pemba ukilenga zaidi katika sehemu za kutolea huduma za kijamii kama Hospitali, Vituo vya Afya pamoja na  masoko.

Mwenyekiti huyo wa Halmashauri ya Maadhimisho ya Kitaifa Zanzibar alifahamisha kwamba ingawa zoezi hilo hufanyika kila zinaponza sherehe za Mapinduzi lakini mwaka huu juhudi malum zinapaswa kuchukuliwa ili kuhakikisha maeneo yote yanakuwa katika hali ya usafi muda wote.

Alikumbusha kuwa hivi sasa Taifa linakabiliwa na tatizo la kuwepo kwa maradhi ya Kipindupindu, hivyo jamii  ina wajibu wa kutumia fursa hizi za maadhimisho ya sherehe za Mapinduzi kwa kuchukuwa hatua za kujikinga na kupambana na maradhi hayo ambayo kwa kiasi kikubwa husababishwa na mazingira machafu ya sehemu zinazotumika na jamii katika shughuli za kila siku.

Alisema kwa vile suala la usafi wa mazingira ni la lazima Viongozi Wakuu wa Kitaifa watahakikisha  wanaungana na Wananchi katika zoezi hilo kwenye maeneo watakayopangiwa.

Alieleza kwamba utaratibu maalum umeshaandaliwa kwa kila mamlaka za Mikoa, Wilaya, Baraza la Manispaa, Mabaraza ya Miji na Halmashauri za Wilaya katika kuratibu mfumo mzima wa kufanikisha zoezi hilo la usafi wa mazingira.  

Akigusia suala la hatma ya Uchaguzi Mkuu wa Zanzibar  ambalo limekuwa agenda kubwa kwa baadhi ya watu wakiwemo hata wanasiasa nchini wakiendelea kupotosha Wananchi  Balozi Seif alisema Taarifa rasmi ya vikao vinavyowakutanisha Viongozi wa juu kulijadili suala hilo itatolewa rasmi mara baada ya kukamilika kwa mazungumzo hayo.

Hata hivyo Balozi Seif alitanabahisha kwamba  Tume ya Uchaguzi ya Zanzibar         {  ZEC } kwa mujibu wa Katiba ya Zanzibar  ya mwaka 1984 ndio yenye mamlaka ya kuendesha na kusimamia uchaguzi Mkuu wa Zanzibar.

Alisema kwa vile tume hiyo kupitia Mwenyekiti wake  haikuridhika na mazingira yaliyojichomoza wakati wa zoezi la kupiga kura na kulazimika kufuta Uchaguzi pamoja na matokeo yake yote Taasisi hiyo hiyo ndio yenye uwezo wa kuitisha uchaguzi mwengine kwa mujibu wa katiba ya Zanzibar.

Akijibu baadhi ya maswali ya Waandishi wa Habari Balozi Seif alisema katiba ya Zanzibar ya Mwaka 1984 iko wazi na kutoa mamlaka kwa tume ya uchaguzi ya Zanzibar kupanga uchaguzi mwengine kufuatia kufutwa kwa ule wa mwezi oktoba mwaka 2015.

“ Kinachosubiriwa kwa sasa ni Tume ya Uchaguzi ya Zanzibar kutangaza Tarehe ya uchaguzi mwengine ambapo kujumu la kugharamia uchaguzi huo limo ndani ya mamlaka ya Serikali Kuu yenyewe “. Alisema Balozi Seif.

Kuhusu Wajumbe wa Baraza la Wawakilishi ambao baadhi ya watu wamekuwa wakitoa tafsiri potofu, Balozi Seif aliwajibu wanahabari hao kwamba  Baraza la Wawakilishi lilivunjwa lakini Rais wa Zanzibar  bado anayo Mamlaka  ya kuliitisha iwapo kuna suala muhimu la Kitaifa.

Othman Khamis Ame

Ofisi ya Makamu wa Pili wa Rais wa Zanzibar

MFAHAMU HILMY MTOTO MWENYE ULEMAVU ALOANZISHA TAASISI YA KUSAIDIA WALEMAVU WENZAKE

Na Hafidh Hussein, Zanzibar.

                MAISHA ya Mwanadamu yeyote katika sayari hii ya Dunia yametawaliwa na mambo mengi ambayo kimantiki uonekana kama furaha ama uzuni, ambayo yote hayo katika falsafa za kiimani uitwa mitihani inayotokana na majaaliwa ya Mola kwa wanadamu na viumbe vingine.

Kilichonisukuma kuandika makala haya ni kutokana na kuguswa na maisha halisi aliyepitia kijana mmoja mwenye historia ya kusisimua anayeitwa  Hilmy Faria Shawali tangu anazaliwa mpaka sasa kwa ufupi naweza kueleza kuwa kimtizamo ni masahibu na mitihani.

Lakini pia naweza kunasibisha msemo maarufu unaotumiwa na wazee wetu ama watu wazima wakati wanapokuwa wakitoa usia kwa vijana wao kwamba “Kama hujafa ujaumbika” msemo huu umekuwa na maana pana sana juu ya maisha ya mwanadamu ya kila siku kwani kila mmoja Mwenyezi mungu anampa mtihani wake katika hii dunia.

Kijana huyo ambaye ni Hilmy Faria Shawali ni mtoto wa kwanza katika Familia ya mzee Faria Shawali amezaliwa Septemba 29, mwaka wa 1996 katika hospitali ya  Chelsie Westminister katikati ya mji wa London nchini Uingereza.

Hilmy katika kipindi cha miaka 19 aliyonayo amepitia masahibu mengi mpaka kufikia alipo sasa na laiti kama sio ujasiri wa baba yake mzazi leo nisingeandika Makala hii.

Kama ilivyo kawaida ya nchi za wenzetu hasa za Magharibi zilizopiga hatua kubwa kimaendeleo kufuatilia makuzi ya mtoto toka akiwa tumboni kwa mama yake, kutokana na ukuwaji wa Teknolojia ya sayansi na vifaa vya kisasa katika Hospitali zao, hivyo wakati wa ujauzito wa miezi minne tayari Hilmy alishajulikana atakuwa ni mtoto wa namna gani.

Kutokana na maumbile yake Jopo la wataalamu wakiwemo wakunga na Matatibu wakashauri familia ya mimba ya Hilmy itolewe maana mtoto atakayezaliwa atakuwa mwenye ulemavu wa viungo.

Ushauri wa kutolewa mimba hiyo ni kutokana na Imani na tamaduni za wazungu walioamini kuwa motto huyo akizaliwa  anakuja kuwatesa na kuwasumbua wazazi wake lakini kutokana na Imani ya dini aliyokuwa nayo Baba yake Hilmy,  alikataa  ushauri huo na kutaka mtoto huyo azaliwe licha ya madaktari kumsihi mara kwa mara afuate ushauri wao.

Mzee Faria alianza kutawaliwa na  hofu kutokana na  Madaktari kumsumbua mara kwa mara akubali kutoa  mimba ya mkewe, hali iliyopelekea kwenda mara kwa mara katika hospitali aliyopangiwa mkewe Klinic licha ya kuwa mbali na sehemu aliyokuwa akiishi, lakini ilimlazimu kutumia usafiri wa (Public Transport).

Kutokana na Mzee huyo kuwa ni mgeni katika nchi hiyo ilibidi kuacha kazi kwa ajili ya kufuatilia kwa ukaribu hali ya mke wake ndipo baba yake akakutana na daktari mmoja kutoka kenya akamwambia kuwa yeye ni muislamu hawezi kukubali mimba ya mke wake itolewe.

“ Wewe unajua mimi ni muislam sitoweka kukubali mimba itolewe kwa misingi ya dini yangu, na isitoshe eti kutokana na kuwa kiumbe kilichokuwa ndani ya tumbo la mke wangu kina ulemavu”, alisisitiza Faria na kuendelea kuweka wazi msimamo wake huo kuwa ni lazima mtoto huyo azaliwe hali iliyopelekea Madaktari kumuunga mkono huku wakimwambia kuwa mtoto huyo akizaliwa kupona ni bahati.

Wakati wa kujifungua ulifika na ikabidi Mama yake Hilmy awe china ya uangalizi wa madaktari kwa lengo na kukabiliana na lolote linaloweza kutokea.

Jopo la Madaktari walifanya kazi kubwa ya kuokoa maisha ya Mama na mtoto kutoka lipozaliwa usiku wake alifanyiwa upasuaji (Operesheni) kubwa ambayo hata madaktari hawakutegemea kupona kwa mtoto huyo.

Upasuaji huo kitaalamu unaitwa  Spinali Bifida na kulazimika kukaa, Chumba cha wagonjwa Mahututi (ICU) kwa muda wa wiki mbili mara baada ya upasuaji  huo, alilazimika kufanyiwa upasuaji nyingine mkubwa wa kichwa ambayo ulijulikana kama Unshunt nayo madaktari walikuwa na nusu kwa nusu kunusuru maisha ya Hilmy, lakini kwa uwezo wa mola madaktari walipatwa na mshangao maana Hilmi alipona.

Akiendelea na matibabu yake Hilmy alikuwa akiishi katika maisha ya kufanyiwa matibabu kwa njia ya upasuaji ambapo mpaka sasa inasadikika tayari ameshafanyiwa upasuaji  50, kati ya hizo 13 zilikuwa za za kawaida, licha ya huzuni na majonzi kwa upande wa Mama yake Hilmy  lakini Baba mzazi wa kijana huyo, alisimama  kidete kwa kumliwaza na kumfariji mkewe kwa kuamini hiyo yote ni mipango ya mwenyezi mungu.

Maisha ya Hilmy yaliendelea chini ya uangalifu na umakinifu  wa wazazi wake na kujitahidi kumkuza mtoto wao katika hali ya kumfariji ili ajihisi yeye ni sawa na watoto wengine alipofikisha umri wa kwenda shule naye alipelekwa shule na wazazi wake ili kujiunga na watoto wenzake.

Hilmy alisoma katika shule za kawaida shule ya John Chilton walimu wa shule aliyosoma hawakumuacha mkono Hilmy  walimpa uangalizi wa hali ya juu kutokana na hali yake ya ulemavu aliyonayo na alisoma hapo mpaka alipo maliza kidato cha sita na mwaka huu wa 2015 Hilmy yupo Chuo Kikuu anasomea uandishi wa Habari za Michezo (Sport Journalism) .

Katika kusoma kwake Kijana huyo elimu ya Chuo kikuu anakabiliwa na changamoto kubwa ya umbali wa kutoka anapoishi mpaka kufika chuo maana anakaa Mji wa London Middlesex kitongoji cha Han Well anasoma katika university ya Hendon Middlesex.

Kama ilivyo kawaida kwa raia wa Zanzibar waishio nje ya nchi yao hutenga muda maalum kwa watoto wao aidha kila mwisho wa mwaka shule zinapofungwa au kila baada ya muda Fulani kuwaleta watoto wao katika nchi zao za asili walizozaliwa ili kujifunza lugha zao za asili yaani lugha mama au kuja kuzijulia hali familia zao kwa lengo la watoto kufahamu familia za wazazi wao.

Baada ya kutembelea familia zao zilizopo Zanzibar Hilmy aligundua  kitu cha ziada ambacho hata madaktari waliokuwa wakimuhudumia mama yake kipindi cha ujauzito wake walishindwa kugundua kitu gani kilifichikana katika mimba ile na vipi kitaleta faraja kwa walemavu wote wa Zanzibar na Tanzania kwa ujumla.

Mnamo mwaka 2013 akitokea katika jiji la London  kuja Zanzibar katika safari za kawaida kutembelea nchi ya wazazi wake hapo Hilmy akiwa na miaka kumi na saba alipofika alipata fursa ya kutembelea maeneo tofauti ya mji wa Unguja katika pita pita zake zake alikutana na watu tofauti bila ya mtu yeyote kujua nini Hilmy anafikiria na athari gani anaipata akiwa katika kigari chake cha kutembelea (Will Chair).

Katika hali isiyokuwa ya kawaida Hilmy alipokuwa akitembea katika maeneo mbali mbali, alikutana na Watu wenye maumbile kama yake yaani watu wenye ulemavu wanaohitaji misaada maalum kutokana na uhalisia wa maumbile yao.

Watu hao walimgusa kwa kiasi kikubwa kijana Halmy na muda wake mwingi kuzingatia ni kwa kiasi gani anaweza kuwasaidia ni watu wenye hali kama yake ambao ni walemavu maana aliguswa na hali zao na jinsi wanavyokosa mahitaji muhimu wengine wanasota hata nyenzo za kutumia kutoka sehemu moja au nyingine hawana.

Baada ya muda wa likizo kuisha na kurudi uingereza ndipo alipomwita Baba yake mzazi na kumuelezea dhamira na lengo lake la kuanzisha Jumuiya ambayo itamuwezesha kuwasadia watu wenye ulemavu wanaoishi Zanzibar.

Baada ya kijana huyo kuzungumza yaliyokuwepo moyoni na kueleza kinaga ubaga hali halisi ya watu wenye ulemavu wanaoishi Zanzibar, Baba yake alipoteza ujasiri na kuenda kukaa pembeni na kuanza kutokwa na machozi kwa kuona mwanawe amafikiria jambo kubwa ambalo hata yeye hakuwahi kulifikiria licha ya mara kwa mara alikuwa anakuja nyumbani kwao Zanzibar.

Baba Mzazi wa kijana huyo alifikria mengi na hata kuwaza kuwa alipokuwa anakuja Zanzibar alikuwa akikutana na Watu wenye ulemavu ambapo aliweza kumsaidia mtu mmoja mmoja na kwa vitu ambavyo haviwezi kukidhi mahitaji yao yote ya msingi lakini hakuwahi kuwaza kuanzisha jumiya (charity).

Malengo ya Hilmy juu ya Watu wenye ulemavu wa Zanzibar ni mengi jambo ambalo mwandishi wa Makala hii alipopata fursa ya kukaa na Hilmy na kuzungumzia masuala mbali mbali alimwambia mambo mengi anayopanga kuyafanya juu ya maendeleo ya watu wenye ulemavu.

Miongoni mwa mambo ya msingi aliyoyapa kipaumbele katika mipango yake ni kuwa anatamani siku moja awe na uwezo wa kuwafikia watu wote wenye ulemavu ili aweze kuwapa mahitaji yao ya msingi ili waishi kama watu wengine.

“ Natamani siku moja niwe na uwezo wa kuwafikia watu wenye ulemavu wote wa Zanzibar ili niweze kuwapatia mahitaji yao yote ya msingi”

Bado nina imani kuwa Mwenyezi mungu atanijaalia kufikia malengo yangu, kwani nakuwa naumia sana ninapoona mtu mwenye ulemavu kama mimi anaishi katika hali ya kukata tama kutokana na kukosa huduma za msingi hata za kumuezesha kutoka sehemu moja kwenda nyingine kwa usalama”,. alisema Hilmy huku akiwa na hisia za huruma na kuonyesha nia ya dhati ya kuwajali wao hao.

Katika juhudi za awali  kijana huyo amefanikiwa kuanzisha Taasisi yake kwa ajili ya kuwasaidia watu wenye ulemavu Zanzibar inayojulikana kama “Hilmy Charity” ambayo ni jumuiya isiyokuwa ya kiserikali inayotambuliwa na serikali ya Mapinduzi ya Zanzibar.

Jumuiya hiyo imesajiliwa mwaka ………na kuanza kufanya kazi zake rasmi mwaka…. Ambayo ipo  chini ya mwamvuli wa jumuiya zisizo za kiserikali Zanzibar (Angoza) inayofanywa kazi za kuwasaidia watu wenye ulemavu nchini.

Hilmy Charity tayari wametoa msaada wa vigari( Will Chear) vya watu wenye ulemavu  220, ambavyo tayari vimetolewa katika maeneo mbali mbali ya mikoa ya Zanzibar, kwa upande wa Unguja 150 pamoja na Pemba vigari 70.

Licha ya ulemavu wa Hilmy anauthibitishia ulimwengu kuwa ulemavu sio kikwazo cha kufikia malengo ambapo mpaka sasa  anashiriki mashindano ya mbio za vigari ya mita 200 na 400 ya watu wenye ulemavu na tayari ameshiriki katika mashindano mbali mbali ikiwemo London youth ,Middlesex, Bedford na mengineyo mengi na ameshinda katika baadhi ya mashindano na kuchukua medani sita za dhahabu na mategemeo yake ni ifikapo mwaka 2020 kushiriki mashindano ya Olimpic ya Tokyo.

Kijana huyo Hilmy Faria Shawal ni  mtoto wa mchezaji wa zamani wa mpira wa miguu katika timu ya Small Simba Zanzibar ambayeni ni Faria Shawal, pamoja na ulemavu wake haukumfanya wazazi wake wamfungie ndani na kumuona ni mkosi kwao bali walimpa fursa za kuishi kama watu wengine.

Kutokana na historia halisi ya Maisha ya Hlmy unaweza kuwa na maswali mengi ya kujiuliza ikiwemo kuwa je kama Baba yake angekubali Madaktari watoe mimba yake nyota yake ingeweza kung’ara kwa watu wengine, na je baada ya kuzaliwa laiti wazazi wake wangemfungia ndani na kumkosesha fursa ya kupata elimu angeweza kuwa msaada na mfano wa kuigwa kwa watu wengine, hivyo majawabu ya maswali hayo yapo vichwani mwa wasomaji wa makala hii huku tukikubaliana kuwa ulemavu kwa binadamu sio mkosi ama usumbufu kwa watu wengine bali ni majaaliwa ya mola.

Bado kijana huyo mwenye ulemavu anaishi kwa kujiamini na kutekeleza malengo yake kwa ufanisi, hivyo jamii ya Wazanzibar na Watanzania kwa ujumla wanapaswa kuendelea kuunga mkono juhudi za kijana huyo kwa lengo la kujenga jamii shirikishi ya watu wenye ulemavu ili waweze kuishi kwa amani na utulivu kama walivyo watu wengine.

Jamii ni vyema kuanzia sasa kila mmoja akajihesabu kuwa ni Mtu mwenye ulemavu wa kesho hata kama leo anajihesabu kakamilika kwani sababu za ulemavu kwa asilimia kubwa zinatokana na asili ya maisha yetu ya kila siku zikiwemo ajali, maradhi ama kuzaliwa na ulemavu mambo ambayo kwa kiasi kikubwa hayana kinga ya moja kwa moja hivyo kila mmoja anaweza kuwa katika hali hiyo, hivyo tuungane kwa pamoja kulaani vikali vitendo vya udhalilishaji kwa watu wenye ulemavu na kuwa mabalozi wema wa kuunga mkono juhudi za maendeleo za watu hao.

Katika mfululizo wa Makala za Maisha na Vipaji vya watu wenye ulemavu pia tukae tayari kupokea Makala nyingine  hivi karibuni  yenye kuelimisha na kusisimua ya Binti ambaye anaishi na ulemavu wa viungo vya macho aliyemaliza shahada yake ya sharia na kuwa msaada mkubwa kwa watu wenye ulemavu  Zanzibar.

MFAHAMU HILMY MTOTO MWENYE ULEMAVU ALOANZISHA TAASISI YA KUSAIDIA WALEMAVU WENZAKE

Na Hafidh Hussein, Zanzibar.

                MAISHA ya Mwanadamu yeyote katika sayari hii ya Dunia yametawaliwa na mambo mengi ambayo kimantiki uonekana kama furaha ama uzuni, ambayo yote hayo katika falsafa za kiimani uitwa mitihani inayotokana na majaaliwa ya Mola kwa wanadamu na viumbe vingine.

Kilichonisukuma kuandika makala haya ni kutokana na kuguswa na maisha halisi aliyepitia kijana mmoja mwenye historia ya kusisimua anayeitwa  Hilmy Faria Shawali tangu anazaliwa mpaka sasa kwa ufupi naweza kueleza kuwa kimtizamo ni masahibu na mitihani.

Lakini pia naweza kunasibisha msemo maarufu unaotumiwa na wazee wetu ama watu wazima wakati wanapokuwa wakitoa usia kwa vijana wao kwamba “Kama hujafa ujaumbika” msemo huu umekuwa na maana pana sana juu ya maisha ya mwanadamu ya kila siku kwani kila mmoja Mwenyezi mungu anampa mtihani wake katika hii dunia.

Kijana huyo ambaye ni Hilmy Faria Shawali ni mtoto wa kwanza katika Familia ya mzee Faria Shawali amezaliwa Septemba 29, mwaka wa 1996 katika hospitali ya  Chelsie Westminister katikati ya mji wa London nchini Uingereza.

Hilmy katika kipindi cha miaka 19 aliyonayo amepitia masahibu mengi mpaka kufikia alipo sasa na laiti kama sio ujasiri wa baba yake mzazi leo nisingeandika Makala hii.

Kama ilivyo kawaida ya nchi za wenzetu hasa za Magharibi zilizopiga hatua kubwa kimaendeleo kufuatilia makuzi ya mtoto toka akiwa tumboni kwa mama yake, kutokana na ukuwaji wa Teknolojia ya sayansi na vifaa vya kisasa katika Hospitali zao, hivyo wakati wa ujauzito wa miezi minne tayari Hilmy alishajulikana atakuwa ni mtoto wa namna gani.

Kutokana na maumbile yake Jopo la wataalamu wakiwemo wakunga na Matatibu wakashauri familia ya mimba ya Hilmy itolewe maana mtoto atakayezaliwa atakuwa mwenye ulemavu wa viungo.

Ushauri wa kutolewa mimba hiyo ni kutokana na Imani na tamaduni za wazungu walioamini kuwa motto huyo akizaliwa  anakuja kuwatesa na kuwasumbua wazazi wake lakini kutokana na Imani ya dini aliyokuwa nayo Baba yake Hilmy,  alikataa  ushauri huo na kutaka mtoto huyo azaliwe licha ya madaktari kumsihi mara kwa mara afuate ushauri wao.

Mzee Faria alianza kutawaliwa na  hofu kutokana na  Madaktari kumsumbua mara kwa mara akubali kutoa  mimba ya mkewe, hali iliyopelekea kwenda mara kwa mara katika hospitali aliyopangiwa mkewe Klinic licha ya kuwa mbali na sehemu aliyokuwa akiishi, lakini ilimlazimu kutumia usafiri wa (Public Transport).

Kutokana na Mzee huyo kuwa ni mgeni katika nchi hiyo ilibidi kuacha kazi kwa ajili ya kufuatilia kwa ukaribu hali ya mke wake ndipo baba yake akakutana na daktari mmoja kutoka kenya akamwambia kuwa yeye ni muislamu hawezi kukubali mimba ya mke wake itolewe.

“ Wewe unajua mimi ni muislam sitoweka kukubali mimba itolewe kwa misingi ya dini yangu, na isitoshe eti kutokana na kuwa kiumbe kilichokuwa ndani ya tumbo la mke wangu kina ulemavu”, alisisitiza Faria na kuendelea kuweka wazi msimamo wake huo kuwa ni lazima mtoto huyo azaliwe hali iliyopelekea Madaktari kumuunga mkono huku wakimwambia kuwa mtoto huyo akizaliwa kupona ni bahati.

Wakati wa kujifungua ulifika na ikabidi Mama yake Hilmy awe china ya uangalizi wa madaktari kwa lengo na kukabiliana na lolote linaloweza kutokea.

Jopo la Madaktari walifanya kazi kubwa ya kuokoa maisha ya Mama na mtoto kutoka lipozaliwa usiku wake alifanyiwa upasuaji (Operesheni) kubwa ambayo hata madaktari hawakutegemea kupona kwa mtoto huyo.

Upasuaji huo kitaalamu unaitwa  Spinali Bifida na kulazimika kukaa, Chumba cha wagonjwa Mahututi (ICU) kwa muda wa wiki mbili mara baada ya upasuaji  huo, alilazimika kufanyiwa upasuaji nyingine mkubwa wa kichwa ambayo ulijulikana kama Unshunt nayo madaktari walikuwa na nusu kwa nusu kunusuru maisha ya Hilmy, lakini kwa uwezo wa mola madaktari walipatwa na mshangao maana Hilmi alipona.

Akiendelea na matibabu yake Hilmy alikuwa akiishi katika maisha ya kufanyiwa matibabu kwa njia ya upasuaji ambapo mpaka sasa inasadikika tayari ameshafanyiwa upasuaji  50, kati ya hizo 13 zilikuwa za za kawaida, licha ya huzuni na majonzi kwa upande wa Mama yake Hilmy  lakini Baba mzazi wa kijana huyo, alisimama  kidete kwa kumliwaza na kumfariji mkewe kwa kuamini hiyo yote ni mipango ya mwenyezi mungu.

Maisha ya Hilmy yaliendelea chini ya uangalifu na umakinifu  wa wazazi wake na kujitahidi kumkuza mtoto wao katika hali ya kumfariji ili ajihisi yeye ni sawa na watoto wengine alipofikisha umri wa kwenda shule naye alipelekwa shule na wazazi wake ili kujiunga na watoto wenzake.

Hilmy alisoma katika shule za kawaida shule ya John Chilton walimu wa shule aliyosoma hawakumuacha mkono Hilmy  walimpa uangalizi wa hali ya juu kutokana na hali yake ya ulemavu aliyonayo na alisoma hapo mpaka alipo maliza kidato cha sita na mwaka huu wa 2015 Hilmy yupo Chuo Kikuu anasomea uandishi wa Habari za Michezo (Sport Journalism) .

Katika kusoma kwake Kijana huyo elimu ya Chuo kikuu anakabiliwa na changamoto kubwa ya umbali wa kutoka anapoishi mpaka kufika chuo maana anakaa Mji wa London Middlesex kitongoji cha Han Well anasoma katika university ya Hendon Middlesex.

Kama ilivyo kawaida kwa raia wa Zanzibar waishio nje ya nchi yao hutenga muda maalum kwa watoto wao aidha kila mwisho wa mwaka shule zinapofungwa au kila baada ya muda Fulani kuwaleta watoto wao katika nchi zao za asili walizozaliwa ili kujifunza lugha zao za asili yaani lugha mama au kuja kuzijulia hali familia zao kwa lengo la watoto kufahamu familia za wazazi wao.

Baada ya kutembelea familia zao zilizopo Zanzibar Hilmy aligundua  kitu cha ziada ambacho hata madaktari waliokuwa wakimuhudumia mama yake kipindi cha ujauzito wake walishindwa kugundua kitu gani kilifichikana katika mimba ile na vipi kitaleta faraja kwa walemavu wote wa Zanzibar na Tanzania kwa ujumla.

Mnamo mwaka 2013 akitokea katika jiji la London  kuja Zanzibar katika safari za kawaida kutembelea nchi ya wazazi wake hapo Hilmy akiwa na miaka kumi na saba alipofika alipata fursa ya kutembelea maeneo tofauti ya mji wa Unguja katika pita pita zake zake alikutana na watu tofauti bila ya mtu yeyote kujua nini Hilmy anafikiria na athari gani anaipata akiwa katika kigari chake cha kutembelea (Will Chair).

Katika hali isiyokuwa ya kawaida Hilmy alipokuwa akitembea katika maeneo mbali mbali, alikutana na Watu wenye maumbile kama yake yaani watu wenye ulemavu wanaohitaji misaada maalum kutokana na uhalisia wa maumbile yao.

Watu hao walimgusa kwa kiasi kikubwa kijana Halmy na muda wake mwingi kuzingatia ni kwa kiasi gani anaweza kuwasaidia ni watu wenye hali kama yake ambao ni walemavu maana aliguswa na hali zao na jinsi wanavyokosa mahitaji muhimu wengine wanasota hata nyenzo za kutumia kutoka sehemu moja au nyingine hawana.

Baada ya muda wa likizo kuisha na kurudi uingereza ndipo alipomwita Baba yake mzazi na kumuelezea dhamira na lengo lake la kuanzisha Jumuiya ambayo itamuwezesha kuwasadia watu wenye ulemavu wanaoishi Zanzibar.

Baada ya kijana huyo kuzungumza yaliyokuwepo moyoni na kueleza kinaga ubaga hali halisi ya watu wenye ulemavu wanaoishi Zanzibar, Baba yake alipoteza ujasiri na kuenda kukaa pembeni na kuanza kutokwa na machozi kwa kuona mwanawe amafikiria jambo kubwa ambalo hata yeye hakuwahi kulifikiria licha ya mara kwa mara alikuwa anakuja nyumbani kwao Zanzibar.

Baba Mzazi wa kijana huyo alifikria mengi na hata kuwaza kuwa alipokuwa anakuja Zanzibar alikuwa akikutana na Watu wenye ulemavu ambapo aliweza kumsaidia mtu mmoja mmoja na kwa vitu ambavyo haviwezi kukidhi mahitaji yao yote ya msingi lakini hakuwahi kuwaza kuanzisha jumiya (charity).

Malengo ya Hilmy juu ya Watu wenye ulemavu wa Zanzibar ni mengi jambo ambalo mwandishi wa Makala hii alipopata fursa ya kukaa na Hilmy na kuzungumzia masuala mbali mbali alimwambia mambo mengi anayopanga kuyafanya juu ya maendeleo ya watu wenye ulemavu.

Miongoni mwa mambo ya msingi aliyoyapa kipaumbele katika mipango yake ni kuwa anatamani siku moja awe na uwezo wa kuwafikia watu wote wenye ulemavu ili aweze kuwapa mahitaji yao ya msingi ili waishi kama watu wengine.

“ Natamani siku moja niwe na uwezo wa kuwafikia watu wenye ulemavu wote wa Zanzibar ili niweze kuwapatia mahitaji yao yote ya msingi”

Bado nina imani kuwa Mwenyezi mungu atanijaalia kufikia malengo yangu, kwani nakuwa naumia sana ninapoona mtu mwenye ulemavu kama mimi anaishi katika hali ya kukata tama kutokana na kukosa huduma za msingi hata za kumuezesha kutoka sehemu moja kwenda nyingine kwa usalama”,. alisema Hilmy huku akiwa na hisia za huruma na kuonyesha nia ya dhati ya kuwajali wao hao.

Katika juhudi za awali  kijana huyo amefanikiwa kuanzisha Taasisi yake kwa ajili ya kuwasaidia watu wenye ulemavu Zanzibar inayojulikana kama “Hilmy Charity” ambayo ni jumuiya isiyokuwa ya kiserikali inayotambuliwa na serikali ya Mapinduzi ya Zanzibar.

Jumuiya hiyo imesajiliwa mwaka ………na kuanza kufanya kazi zake rasmi mwaka…. Ambayo ipo  chini ya mwamvuli wa jumuiya zisizo za kiserikali Zanzibar (Angoza) inayofanywa kazi za kuwasaidia watu wenye ulemavu nchini.

Hilmy Charity tayari wametoa msaada wa vigari( Will Chear) vya watu wenye ulemavu  220, ambavyo tayari vimetolewa katika maeneo mbali mbali ya mikoa ya Zanzibar, kwa upande wa Unguja 150 pamoja na Pemba vigari 70.

Licha ya ulemavu wa Hilmy anauthibitishia ulimwengu kuwa ulemavu sio kikwazo cha kufikia malengo ambapo mpaka sasa  anashiriki mashindano ya mbio za vigari ya mita 200 na 400 ya watu wenye ulemavu na tayari ameshiriki katika mashindano mbali mbali ikiwemo London youth ,Middlesex, Bedford na mengineyo mengi na ameshinda katika baadhi ya mashindano na kuchukua medani sita za dhahabu na mategemeo yake ni ifikapo mwaka 2020 kushiriki mashindano ya Olimpic ya Tokyo.

Kijana huyo Hilmy Faria Shawal ni  mtoto wa mchezaji wa zamani wa mpira wa miguu katika timu ya Small Simba Zanzibar ambayeni ni Faria Shawal, pamoja na ulemavu wake haukumfanya wazazi wake wamfungie ndani na kumuona ni mkosi kwao bali walimpa fursa za kuishi kama watu wengine.

Kutokana na historia halisi ya Maisha ya Hlmy unaweza kuwa na maswali mengi ya kujiuliza ikiwemo kuwa je kama Baba yake angekubali Madaktari watoe mimba yake nyota yake ingeweza kung’ara kwa watu wengine, na je baada ya kuzaliwa laiti wazazi wake wangemfungia ndani na kumkosesha fursa ya kupata elimu angeweza kuwa msaada na mfano wa kuigwa kwa watu wengine, hivyo majawabu ya maswali hayo yapo vichwani mwa wasomaji wa makala hii huku tukikubaliana kuwa ulemavu kwa binadamu sio mkosi ama usumbufu kwa watu wengine bali ni majaaliwa ya mola.

Bado kijana huyo mwenye ulemavu anaishi kwa kujiamini na kutekeleza malengo yake kwa ufanisi, hivyo jamii ya Wazanzibar na Watanzania kwa ujumla wanapaswa kuendelea kuunga mkono juhudi za kijana huyo kwa lengo la kujenga jamii shirikishi ya watu wenye ulemavu ili waweze kuishi kwa amani na utulivu kama walivyo watu wengine.

Jamii ni vyema kuanzia sasa kila mmoja akajihesabu kuwa ni Mtu mwenye ulemavu wa kesho hata kama leo anajihesabu kakamilika kwani sababu za ulemavu kwa asilimia kubwa zinatokana na asili ya maisha yetu ya kila siku zikiwemo ajali, maradhi ama kuzaliwa na ulemavu mambo ambayo kwa kiasi kikubwa hayana kinga ya moja kwa moja hivyo kila mmoja anaweza kuwa katika hali hiyo, hivyo tuungane kwa pamoja kulaani vikali vitendo vya udhalilishaji kwa watu wenye ulemavu na kuwa mabalozi wema wa kuunga mkono juhudi za maendeleo za watu hao.

Katika mfululizo wa Makala za Maisha na Vipaji vya watu wenye ulemavu pia tukae tayari kupokea Makala nyingine  hivi karibuni  yenye kuelimisha na kusisimua ya Binti ambaye anaishi na ulemavu wa viungo vya macho aliyemaliza shahada yake ya sharia na kuwa msaada mkubwa kwa watu wenye ulemavu  Zanzibar.

DOKTA SHEIN ATOWA RISALA YA MWAKA MPYA

RAIS wa Zanzibar na Mwenyekiti wa Baraza la Mapinduzi Dk. Ali Mohamed Shein ametoa risala ya kuukaribisha mwaka mpya wa 2016 kwa wananchi na kueleza kuwa kufuatia takwimu za robo mbili za mwanzo wa mwaka 2015, uchumi wa Zanzibar umeendelea kuimarika.

Katika risala yake hiyo kwa wananchi, Dk. Shein alisema kuwa  huduma za jamii zikiwemo upatikanaji wa maji safi na salama, huduma za afya pamoja na  elimu nazo zimeimarika  ikiwa ni pamoja na kupiga hatua kubwa  katika kuimarisha miundombinu.

Dk. Shein alisema kuwa ujenzi wa barabara muhimu umemalizika na kuzinduliwa Unguja na Pemba pamoja na kukiimarisha kiwanja cha ndege cha Kimataifa cha Abeid Amani Karume pamoja na Kiwanja cha ndege cha Pemba ambacho tayari kimeshatiwa taa za kurukia  ndege.

Alisema kuwa hatua iliyofikiwa katika ujenzi wa viwanja hivyo tayari imepelekea kuwepo kwa ongezeko kubwa la idadi ya ndege za Kimataifa zinazokuja Zanzibar, jambo ambalo limepelekea kuimariska kwa sekta ya Utalii na shughuli za biashara.

Dk. Shein alisema kuwa Serikali ya Mapinduzi ya Zanzibar Awamu ya Saba imefanikiwa kutengenezesha meli mpya yenye mitambo ya kisasa katika Kampuni ya ‘Daewoo International’ ya Jamhuri ya Korea ambayo ina utaalamu na uzoefu mkubwa wa kutengeneza meli.

“Nasaha zangu kwenu nyote wananchi ni kuwa tuithamini na kuienzi meli yetu hiyo... tukumbuke msemo wa Marehemu  Mzee Abeid Amani Karume kuwa ‘kithamini chako mpaka usahau cha mwenzako”,alisema Dk. Shein.

Aidha, Dk. Shein katika risala hiyo alieleza kuwa katika mwaka 2015 Serikali imefanya juhudi kubwa katika kuhakikisha dhamira ya kujenga bandari ya Mpiga Duri inaanza kutekelezwa ambapo ujenzi huo unatarajiwa kuanza wakati wowote katika mwaka 2016.

Dk. Shein alieleza juhudi zilizochukuliwa katika kusambaza umeme vijijini Unguja na Pemba ikiwa ni pamoja na kuufikisha umeme huko Kisiwa Panza na Kisiwa cha Makoongwe kwa upande wa Pemba kwa kuwatumia wataalamu wazalendo.

Kwa upande wa huduma za afya Dk. Shein alisema kuwa katika mwka 2015 huduma hizo zimeimarishwa kwa kuongeza kasi ya kusomesha wataalamu, upatikanaji dawa na huduma mbali mbali pamoja na kuziimarisha hospitali kwa kutekeleza miradi ya ujenzi.

Akieleza kuhusu kuimariaka kwa sekta ya elimu mnamo mwaka 2015, Dk. Shein alisema kuwa mafanikio makubwa yamepatikana ikiwa ni pamoja na kuanza na kumalizika kwa miradi ya ujenzi wa skuli, kuongeza fani za mafunzo katika vyuo vikuu na taasisi za elimu ya juu sambamba na kutekeleza lengo al kuondoa gharama za kuchangia elimu maskulini.

“Lengo letu ni kuifanya elimu ya msingi kuwa bure huku tukiandaa utaratibu ili elimu ya sekondari nayo iwe bure kama ilivyodhamiriwa na Muasisi wa Mapinduzi yetu ya mwaka 1964”,alisema Dk. Shein.

Alieleza kuimarika kwa miradi ya ujenzi wa miji na majengo ya kisasa katika sehemu mbali mbali ili kuweza kuijenga taswira mpya ya Zanzibar katika kipindi kifupi kijacho. Aidha, alieleza kukamilika kwa viwanja vya kufurahishia watoto hapa nchini.

Aidha, Dk. Shein alitumia fursa hiyo kutoa wito kwa wananchi wote kuwa walinzi wa miundombinu iliyopo na wasichelee kuwafichua wale wote wanayoiharibu na kueleza kusikitishwa kwake katika mwaka uliomalizika baadhi ya watu waliiharibu miundombinu hiyo kwa kuweka mbele maslahi yao binafsi na kusahau maslahi ya wote.

Sambamba na hayo, Dk. Shein alieleza kuwa Serikali inaendelea kutoa ruzuku kwa huduma za matrekta na pembejeo za kilimo kwa wakulima ambao kwa msimu wa mwaka 2015/2016 tani 750 za mbolea na lita 15,000 za dawa ya kuulia magugu zimekwishanunuliwa.

Kwa upande wa zao la Karafuu Dk. Shein alisema kuwa wakulima wameitikia vyema wito wa Serikali wa kuuza karafuu zao  katika vituo vya ZSTC ambapo katika msimu wa ununuzi wa karafuu wa mwaka 2015/2016, hadi kufikia mwezi Novemba, 2015 jumla ya tani 962.7 za karafuu zenye thamani ya Tshs. Bilioni 13.471 zimenunuliwa katika vituo vya ununuzi wa karafuu vya SSTC Unguja na Pemba.

Akieleza kuhusu uchaguzi Mkuu uliofanyika tarehe 25, Oktoba mwaka 2015 ambapo wananchi wa Zanzibar walishiriki katika kuwachagua viongozi wao ambapo kwa upande wa uchaguzi wa viongozi wa Jamhuri ya Muungano wa Tanzania uliosimamiwa na Tume ya Taifa ya Jamhuri ya Muungano wa Tanzania umemaliza na CCM kupata ushindi, Dk. Shein alitumia fursa hiyo kumpongeza Mhe. Dk. John Pombe Magufuli kwa kuchaguliwa kuwa Rais wa Jamhuri ya Muungano wa Tanzania na Mhe. Samia Suluhu Hassan kwa kuchaguliwa kuwa Makamu wa Rais.

Aidha, Dk. Shein alieleza kuwa kwa upande wa Zanzibar Tume ya uchaguzi uliufuta uchaguzi huo tarehe 28 Oktoba, 2015 baada ya kubainika kutokea kwa kasoro kadhaa kama zilizvyoelezwa na Tume hiyo.

Dk. Shein alisema kuwa katika suala zima la hali ya kisiasa ya Zanzibar, iliyojitokeza baada ya kufutwa kwa uchaguzi Mkuu, viongozi walishauriana kukutana ili kufanya mazungumzo ya kutafuta suluhu kwa njia ya amani, ili nchi iendelee kuwa na amani, umoja na mshikamano na hatimae wakakubaliana kuanza mazunguzmo hayo.

Kwa mujibu wa maelezo ya Dk. Shein katika risala hiyo, mazungumzo hayo yanayowahusisha viongozi sita yamefikia hatua kubwa na bado yanaendelea na kueleza kuwa taarifa kamili ya mazungumzo hayo itatolewa mara yatakapokamilika.

Pamoja na hayo, Dk. Shein alitumia fursa hiyo kuwaeleza wananchi kuwa tarehe 12 Jamuari 2016 Zanzibar itaadhimisha miaka 52 ya Mapinduzi ambapo kama kawaida, sherehe hizo zitatanguliwa na matukio mbali mbali ya shughuli za uzinduzi wa miradi ya maendeleo na uwekaji wa mawe ya msingi.

Dk. Shein alitumia fursa hiyo kutoa wito kwa wananchi wote kujitokeza kwa wingi katika matukio mbali mbali yaliopangwa katika maadhimisho hayo ambapo pia, kushiriki kwao kwenye sherehe ya maadhimisho hayo ni hatua ya kuyaendeleza malengo ya Mapinduzi kwa shabaha ile ile waliokuwa nayo waasisi wa Zanzibar.

Dk. Shein pia, alitoa wito kwa wananchi kuzingatia kanuni za afya kwa kuimarisha usafi na kuzitaka Baraza la Manispaa na Mabaraza ya Miji kwa Pemba na Halmashauri zote za Wilaya kuchukua hatua za uzoahji wa taka na kuwataka wananchi wote kushiriki katika kiisafisha miji na maeneo wanayoishi hapo siku ya Januari 3 mwaka 2016.

Sambamba na hayo, Dk. Shein aliwakumbusha wananchi kuwa kesho tarehe 1 Januari ni siku ya kujitokeza kufanya mazoezi hivyo wajitokeze kwa  wingi kufanya mazoezi.

Rajab Mkasaba, Ikulu Zanzibar

DOKTA SHEIN ASHIRIKI SIKU YA MAZOEZI KITAIFA

  Zanzibar                                                            1.1.2016

RAIS wa Zanzibar na Mwenyekiti wa Baraza la Mapinduzi Dk. Ali Mohamed Shein ameshiriki kikamilifu katika maadhimisho ya siku ya mazoezi Kitaifa yalioanza katika viwanja vya Tumbaku hadi uwanja wa Amaan na kusisitiza kuwa mazoezi ni tiba mbadala ya maradhi mbali mbali yanayojulikana na yasiyojulikana ambayo yanaisumbua jamii katika maisha yao ya kila siku.

Katika hotuba yake aliyoitoa mara baada ya kupokea maandamano ya  vilabu mbali mbali vya mazoezi vya hapa Unguja, Pemba pamoja na vilabu kutoka Tanzania Bara, huko katika uwanja wa Amaan mjini Zanzibar, Dk. Shein alieleza kuwa mazoezi ni kinga na yanapunguza uwezekano wa kupata maradhi mbali mbali.

Akiyataja baadhi ya maradhi ambayo yanaweza kuondoshwa kwa kufanya mazoezi Dk. Shein alisema  ni pamoja na maradhi ya saratani, kisukari, ugonjwa wa moyo na shindikizo la damu sambamba na kusaidia kupunguza uzito na unene uliokithiri.

Dk. Shein aliwataka wananchi na wanamichezo wasingojee mpaka wapate maradhi ndipo waanze kufanya mazoezi  na badala yake wajipangie muda wa mazoezi angalau dakika 30 kwa siku kwani kuna faida kubwa katika kukabiliana na maradhi yanayoathiri afya.

“Iwapo hakuna tatizo tujipe mazoea ya kutembea kwa miguu kwa safari zetu za karibu na hata kuepuka kuanda ‘lifti’ kama unapokwenda pana uwezekano wa kufika kwa ngazi ya kawaida kwani yote haya yana faida katika kuimarisha afya zetu”, alisema Dk. Shein.

Aidha, Dk. Shein alieleza kufurahishwa sana na utaratibu wa kufanya mazoezi kupitia vilabu kwani njia hiyo ina faida nyingi zaidi badala ya kufanya mazoezi kwa mtu mmoja mmoja ambapo pia hatua hiyo, inaimarisha umoja na mshikamano.

Dk. Shein, alitumia fursa hiyo kuwapongeza akina mama ambao zamani hawakuwa wakionekana kuwa wengi katika shughuli za michezo na hasa wanapofikia umri wa watu wazima lakini siku hizi kwa sababu ya kupata mwamko na kufahamu umuhimu wa mazoezi wamekuwa wengi kama walivyojitokeza katika maadhimisho hayo.

Kwa upande wa wastaafu, Dk. Shein alieleza kufurahishwa kwake kwa kuwaona baadhi ya wastaafu walioshiriki mazoezi hayo na kueleza kuwa anaamini mazoezi yana mchango mkubwa kwa wastaafu kwa kuimarisha afya na furaha katika maisha yao.

Dk. Shein alisema kuwa Serikali ya Mapinduzi ya Zanzibar inathamini umuhimu wa kuiendeleza sekta ya michezo kwa kuzingatia historia ya Zanzibar ya kuwa na vipaji vya michezo mbali mbali na kuahidi kuwa Serikali itaendelea kuimarisha miundombinu ya michezo kwa kukamilisha kazi ya uwekaji wa mpira wa kukimbilia katika uwanja wa Gombani na ujenzi wa uwanja wa Mao-tse-tung kwa kushirikiana na Serikali ya China.

Dk. Shein alieleza kuridhishwa kwake na  Wizara ya Elimu na Mafunzo ya Amali kwa kushirikiana na Wizara ya Habari, Utamaduni, Utalii na Michezo katika kutekeleza lengo la kurudisha vuguvugu la michezo katika maskuli kwa lengo la kuibua vipaji.

Alisema kuwa katika mradi huo ambao matayarisho yake yameanza tangu mwezi Mei mwaka jana na unatarajiwa kuanza mwezi Februari mwaka huu na unatarajiwa kumaliza mwaka 2017, Serikali ya Mapinduzi ya Zanzibar itachangia Shilingi milioni 480 na fedha zote zilizobaki zitatolewa na Serikali ya Watu wa China.

Katika mradi wa ujenzi wa mji wa kisasa katika maeneo ya Fumba ambao matayarisho yake yamekwishaanza, pia, utajumuisha ujenzi wa kiwanja cha michezo wenye uwezo wa kuchukua watu 45,000.

Pia, Dk. Shein alisema kuwa  katika eneo la Kijini Matemwe katika Mkoa wa Kaskazini Unguja Kampuni ya ‘Penny Royal’ inayojenga mji wa kisasa katika eneo hilo, vile vile itajenga kiwanja cha Kimataifa cha mchezo wa gofu chenye juma la vishimo 18.

Dk. Shein alitumia fursa hiyo kueleza umuhimu wa kuzingatia nidhamu katika michezo ili kuepuka migogoro hasa katika vilabu vya michezo hapa Zanzibar kwani migogoro hupunguza nidhamu michezoni na huviza maendeleo ya michezo.

Dk. Shein alisema kuwa yeye akiwa ni mwaka michezo anahuzunishwa na kusikitishwa sana na migogoro na mivutano michezoni kwani sio jambo linalotoa taswira nzuri ya maendeleo ya michezo hapa Zanzibar.

“Nawasihi wanamichezo wenzangu tufanye kila linalowezekana kuepuka mizozo isiyo ya lazima michezoni ili kwa pamoja tuweze kufikia azma yetu ya kurudisha hadhi ya Zanzibar katika tasnia ya michezo”,alisema Dk. Shein.

Dk. Shein aliwaeleza wanamichezo hao wa mazoezi ya viungo Zanzibar kuwa ataendelea kushirikiana nao na hata wanapotaka vifaa vya michezo ataendelea kuwatafutia pamoja na misaada mengine kwa kutambua kuwa wanakila sababu ya kudeka kwa Rais wao.

Aidha, Dk. Shein alimuagiza Waziri wa Kilimo na Maliasili Dk. Sira Ubwa Mamboya, kukutana na uongozi wa Chama cha Mchezo wa Mazoezi ya Viungo Zanzibar (ZABESA) kwa lengo la kuwakabidhi eneo la kilimo waliloliomba na kuwataka wachague ni kilimo cha aina gani wanakusudia kulima.

Dk. Shein alitoa pongezi kwa Wizara ya Habari, Utamaduni, Utalii na Michezo kwa kushirikiana na (ZABESA) pamoja na Baraza la Michezo pamoja na wanavilabu wote kwa kufanikisha bonaza hilo linalofanyika kila ifikapo Januari 1 ya kila mwaka.

Dk. Shein pia, alitoa wito kwa wanamichezo wote nchini pamoja na wananchi kujitokeza kwa wingi kuangalia michuano ya Kombe la Mapinduzi ambayo ni maalumu kwa kuadhimisha Mapinduzi matukufu ya Januari 12, mwaka 1964 huku akisisitiza kuwa timu za Zanzibar zihakikishe kombe la Mapinduzi linabaki nyumbani.

Nae Mwenyekiti wa Baraza la Michezo Zanzibar (BMZ) Sharifa Khamis,  aliwaeleza wanamichezo hao pamoja na wananchi walioshiriki maadhimisho ya siku ya mazoezi kitaifa kuwa  Dk. Shein ndie aliyedhamini maadhimisho hayo na kumpongeza kwa juhudi zake hizo huku akisisitiza kuwa wanamichezo wataendelea kudeka kwa Rais wao huyo kwani anawajali.

Nao wanavilabu haokutoka vikundi zaidi ya 40 kutoka Unguja, Pemba na Tanzania Bara katika risala yao walitoa pongezi kwa Dk. Shein kwa kushirikiana nao katika bonaza hilo sambamba na kuendelea kuwaunga mkono huku wakiwasisitiza wananchi kufanya mazoezi na kuiomba Serikali kuweka siku maalum kwa watendaji wote Serikalini kufanya mazoezi.

Katika bonanza hilo Dk. Shein alikabidhi vyeti kwa vilabu mbali mbali vya Unguja, Pemba na Tanzania Bara, Shirika la Bandari, Kocha wa kike ambaye ni muasisi wa bonaza hilo Bi Nasra Juma Ramadhan.

Viongozi mbali mbali walishiriki katika bonanza hilo la maadhimisho ya siku ya mazoezi na kuungana na Rais kwa matembezi tokea viwanja vya Tumbaku hadi uwanja wa Aman mjini Unguja, akiwemo Makamu wa Pili wa Rais Balozi Seif Ali Idd.

Rajab Mkasaba, Ikulu Zanzibar