MPIGA PICHA LIYEKAMATWA ZANZIBAR BILA YA KUPANDISHWA KIZIMBANI AACHIWA KWA DHAMANA ZANZIBAR

 ZANZIBAR.

 

Jeshi la Polisi Zanzibar limemuachia kwa dhamana mpiga picha maarufu katika mihadhara yakiislam na harakati zakisiasa al-ustadh Salim Khatib Kombo mwenye umri wa miaka 38 mkaazi wa makondeko Milaya ya Magharibi Unguja baada yakuwekwa kizuizini kwa Takriban siku 39 bila yakufikishwa Mahakamani.

 

Akizungumza na Redio Adhan Fm amesema kuwa alikamatwa na Jeshi la Polisi Jumamosi Jioni ya tarehe 9/8/2014 wakati akichukuwa picha ya video ya mkutano wa chama cha National Reconstraction Allience uliofanyika katika viwanja vya Kombawapya Mjini zanzibar na baadaye kupelekwa katika kituo cha Polisi mwembemadema mjini Zanzibar.

 

Akiwa katika kituo hicho salim amesema kuwa alipewa tuhuma zakuhusika na tukio la mripuko wa bomu uliotokea katika msikiti wa darajani mjini zanzibar tarehe 13 June 2014 baada ya utekelezaji wa swala ya isha nakupelekea kifo cha muhadhiri mmoja wakiislam ambapo alilazwa siku moja na siku ya pili akasafirishwa nakupelekwa katika kituo cha salenda brige Polisi Kinondoni Mjini Dar-es-salaa hadi siku ya Jumatatu nakupelekwa katika chumba maalum kwa ajili ya mahojiano na maafisa wa usalama wa Taifa.

 

Aidha ustadh salim amesema awali alihojiwa kuhusu mripuko wa bomu uliotokea Darajani Mjini Zanzibar nakuhusishwa kuhusika nao na baadaye jioni ya Jumatatu tarehe 11 alipelekwa katika kituo cha Polisi Mabatini Wilaya ya Kinondoni na aliwekwa katika kituo hicho kwa muda wa siku 14 bila yakufanyiwa mateso yoyote isipokuwa kunyolewa ndevu.

 

Hata hivyo Mtuhumiwa huyo amesema kila siku alikuwa akipelekwa katika chumba maalum cha mahojiano ambapo baadaye mambo yalibadilika na Polisi kuchunguza simu yake nakungundua kuwa alikuwa akituma ujumbe mfupi wa maandishi kwa watu wengi kuwajuilisha waislam taarifa kuhusu kukamatwa masheikh kila zinapotokea na ndipo alipobadilishiwa tuhuma na nakuwa zauchochezi.

 

Ustadh salim amesema baada ya wiki mbili kupita alirejeshwa zanzibar nakuzuiliwa tena katika kituo cha Polisi Madema kuanzia tarehe 23/08/2014  hadi 17/9/2014 nakuhojiwa kuhusu suala la ujumbe mfupi wa maandishi aliokuwa akiituma kwa waislam kuhusu harakati za Kiislam na kukamatwa kwa masheikh Zanzibar na Tanzania bara ambao aliupa jina sufa islamic na bustani ya khabari nakutoa ufafanuzi kuhusu suala hilo.

 

Akizungumzia tuhuma mpya alizopewa amesema aliambiwa kuwa anahusika na vitendo vya uchochezi kutokana na ujumbe mfupi wa maandishi aliokuwa akiwatumia Waislam na akakubali tuhuma hizo akitegemea kuwa atapelekwa mahakamani na ilipofika tarehe 17 /09/2014 alikwenda mdogo wake kumchukulia dhamana katika kituo cha Polisi Madema na hatimaye kuachiliwa huru bila yakufikishwa Mahakamani nakutakiwa kuripoti kila wiki katika kituo hicho.

UISLAM UMEKUJA MGENI UTAONDOKA MGENI WATANUFAIKA WAGENI

DHAKA

WAZIRI WA MAWASILIANO NA TEKNOLOJIA WA BANGLADESH ABDUL LATIF SIDDIQUE AMEVUNJIA HESHIMA MATUKUFU YA KIISLAMU KWA KUTOA KAULI YA KEJELI JUU YA IBADA YA HIJJA AMBAYO YAMEWAKASIRISHA WANANCHI WA TAIFA HILO.

KATIKA KEJELI YAKE HIYO DHIDI YA UISLAM AMBAPO AMEWAAMBIA WABANGALI WANAOISHI MAREKANI KWAMBA WAISLAMU WANAOKWENDA KUHIJI KATIKA NYUMBA YA MWENYEZI MUNGU HUKO MAKKA WANAFUJA NA KUHARIBU PESA BURE.

WAZIRI HUYO AMEWATAKA MAELFU YA WABANGALI WALIOKO MAKKA KWA AJILI YA IBADA YA HIJA WAWEKEZE FEDHA ZAO KATIKA MASUALA YA KIUCHUMI BADALA YA SAFARI YA HIJA.

WAZIRI WA MAWASILIANO NA TEKNOLOJIA WA BANGLADESH AMEDAI KUWA SAFARI HIYO YA HIJA INAYOFANYWA KILA MWAKA NA WAISLAMU NI UTAMADUNI USIO SAHIHI.

DHARAU NA MATUSI HAYO YA WAZIRI WA SERIKALI YA BANGLADESH YAMEWAKASIRI SANA WANANCHI, VIONGOZI NA WAFUASI WA VYAMA MBALIMBALI NCHINI HUMO.

VIONGOZI WA VYAMA HIVYO UKIWEMO MUUNGANO WA KIISLAMU WAMETANGAZA KUWA WAZIRI HUYO WA MAWASILIANO AMERITADI NA KWAMBA ANAPASWA KUCHUKULIWA HATUA KALI ZA KISHERIA.

VILEVILE WAMETOA WITO KWA WAZIRI HUYO AFUKUZWE KATIKA BARAZA LA MAWAZIRI LA BANGLADESH.

KUONEANA MUHALI NDIO SABABU KUBWA YA KUENDELEZA VITENDO VYA UDHALILISHAJI

WILAYA YA MJINI

 

JAMII  NCHINI  IMETAKIWA  KUONDOSHA  MUHALI  ILI  KUTOKOMEZA  VITENDO VYA  UDHALILISHAJI  KATIKA  JAMII.

 

HAYO YAMESEMWA NA MRATIBU WA MRADI WA KUIMARISHA FAMILIA NDUGU MAKAME MTWANA HAJI KATIKA KONGAMANO MAALUM LILILOANDALIWA NA KIJIJI CHA SOS KUHUSIANA NA HIFADHI YA MTOTO NA MAPAMBANO JUU YA UDHALILISHAJI KATIKA UKUMBI WA MAZSONS HOTELI.

 

HATA  HIVYO  AMEIASA  JAMII  KUTOKUTENGENEZA  MAZINGIRA  YATAYOSABABISHA  KUBAKWA  KAMA  VILE  UVAAJI  WA  NGUO  ZA  KUBANA  NA  MAPAMBO.

 

SAMBAMBA NA HAYO AMEIOMBA  POLISI  JAMII  KATIKA  SHEHIA  MBALIMBALI  KUWASAIDIA  KUWALINDA  WATOTO  KUTOKANA  NA  VITENDO  VYA  UDHALILISHAJI, NA  WAO  KUWA  MSTARI  WA  MBELE  KATIKA  KUTUNZA  MAADILI.

 

AKITOA MADA KATIKA KONGAMANO HILO AFISA WA WATOTO NCHINI NGUGU MUHAMMED  JABIR  MAKAME  AMEIASWA JAMII KUTOKUWAFANYIA  WATOTO  VITENDO  AMBAVYO  VITAWAATHIRI  KIAKILI, KIMWILI  NA KISAIKOLOJIA.

 

AMESEMA UTAFITI  ULIOFANYIKA  MWAKA  2009  UNAONYESHA  KUWA  WAFANYAJI  WA  VITENDO VYA  UDHALILISHAJI  WA  WATOTO  KIJINSIA  NI  WATU  WA  KARIBU  NA  FAMILIA.

 

HATA HIVYO AMESEMA  LICHA  YA  MATENDO  YA  UDHALILISHAJI  KUFANYWA  NA WATU  WAZIMA LAKINI  PIA  NA  WATOTO  WENYEWE  HUDHALILISHANA  KIJINSIA.

 

VILE VILE AMESEMA KUMEKUWA  NA  TABIA  YA  BAADHI  YA  WALEZI  NA  VIONGOZI  WA  TAASISI  MBALIMBALI  KUPITIA  MAMLAKA  WALIYO  NAYO KUSULUHISHA  KESI  ZA  UDHALILISHAJI  KIJINSIA  KIENYEJI.

 

KWA UPANDE WA MJUMBE KUTOKA TAMWA BI SHARIFA MAULIDI AKIZUNGUMZIA  UTATUZI  WA  MIGOGORO  AMESEMA  NI LAZIMA  KUREJESHA  MALEZI  YA  PAMOJA  KATIKA  JAMII  NA  KUIMARISHA  NDOA  ILI  KUILEA  JAMII  KATIKA  MAADILI.

 

WAKICHANGIA MADA WASHIRIKI  WA  KONGAMANO HILO WAMEIOMBA  SERIKALI  KUFANYA  MABADILIKO  YA  SHERIA  ZA  USHAHIDI  KWANI  IMEKUWA  NDIO  KIKWAZO  KIKUBWA  CHA  KUENDELEA  KWA  UDHALILISHAJI  WA  WATOTO KIJINSIA.   

WAZIRI WA HABARI UTALII,UTAMADUNI NA MICHEZO WA ZANZIBAR ATEMBELEA OMAN

MUSCAT, OMAN.      

WAZIRI WA HABARI, UTAMADUNI, UTALII NA MICHEZO MH. SAID ALI MBAROUK AMEUELEZEA USHIRIKIANO BAINA YA OMAN NA ZANZIBAR KUWA DAIMA UTAKUWEPO NA UTAENDELEA KUKUA KUTOKANA NA KUTANUKA KWA MAENEO MAPYA YA USHIRIKIANO KATIKA NYANJA MBALI MBALI ZA MAENDELEO.

AMESEMA NI JAMBO LA FARAJA KUONA KUWA HIVI SASA ZANZIBAR NA OMAN ZINATAMBUA UMUHIMU WA KUTANUA MAENEO HAYO YA USHIRIKIANO KATIKA SEKTA ZA UCHUMI, UTALII NA MICHEZO KWA LENGO LA  KUWANUFAISHA WATU WA PANDE ZOTE MBILI.

MHE. SAIDI ALI MBAROUK AMEYAELEZA HAYO KATIKA NYAKATI TOFAUTI WAKATI ALIPOKUWA NA MAZUNGUMZO NA MAWAZIRI  WA SEKTA ZA HABARI, MICHEZO, UTAMADUNI NA UTALII MJINI MUSCAT OMAN LEO, AKIWA KATIKA ZIARA YAKE YA SIKU NNE YA KUKUTANA NA VIONGOZI MBALI MBALI WA NCHI HIYO KWA LENGO LA KUKUZA USHIRIKIANO BAINA YA NCHI HIZO MBILI.

MAPEMA AKIZUNGUMZA NA WAZIRI WA HABARI WA OMAN, SHEIKH DK. ABDULLA MONAIM BIN MANSOOR AL HUSANI, ALITOA SHUKRANI ZAKE KWA SERIKALI YA OMAN KWA MISAADA YAKE KWA ZANZIBAR NA KUSIFU NIDHAMU   YA VYOMBO VYA HABARI VYA NCHI HIYO KATIKA KUWAUNGANISHA WATU NA KUWAWEZESHA KUJENGA UCHUMI IMARA.

AMESEMA HATUA HII YA  MFANO WA KUIGWA INATOKANA NA USIMAMIZI  MADHUBUTI  KWA VYOMBO VYA HABARI NA KUJALI KUWAJIBIKA KWA JAMII KWA VILE VINATOA NAFASI YA KUWAPATIA TAARIFA ZA KUTOSHA JUU YA HARAKATI ZA KUJIENDELEZA NA KUJENGA USTAWI NA MAENDELEO   YAO.

AMESHAURI HAJA YA KUWEPO NA UTARATIBU WA KUBADILISHANA WATAALAMU NA VIPINDI ILI KILA NCHI IWEZE KUJIFUNZA KUTOKA UPANDE MWENGINE KWA  KUTAMBUA MAENDELEO YANAYOFIKIWA NA KILA UPANDE NA HIVYO KUTOA FURSA ZA KUWAWEZESHA VIJANA NA VYOMBO VYA HABARI KUONGEZA KASI YA UTEKELEZAJI WA MAJUKUMU YAO KWA PAMOJA HASA KWA VILE NI TEGEMEO KUBWA LA TAIFA KATIKA KUJENGA UCHUMI.

KATIKA ZIARA YAKE HIYO YA SIKU NNE, MHESHIMIWA SAIDI ALI MBAROUK PIA ALIPATA FURSA YA KUBADILISHANA MAWAZO NA NAIBU WAZIRI WA UTAMADUNI NA MAMBO YA KALE, SHEIKH HAMAD HILAL AL MAAMARI NA WAZIRI WA MICHEZO, SHEIKH SHALLAL SAAD MOH’D AL SAAD NA KUTUWAMA ZAIDI KATIKA MASUALA YA KUBADILISHANA WATAALAMU WA MICHEZO NA KUYAHUISHA MAJENGO YA KIHISTORIA YENYE MNASABA NA OMAN.

WAKATI HUO HUO,  MHE. SAID ALI MBAROUK AMEITAKA OMAN KUFUNGUA FURSA NYENGINE KWA KUISAIDIA ZANZIBAR KATIKA KUANZISHA HOTELI ZA KITALII ZA HALAL UTARATIBU AMBAO OMAN TAYARI IMEUANZISHA NA KUPATA MAFANIKIO YAKE.

AMEFAHAMISHA KUWA UTARATIBU WA HOTELI KAMA HIZO ZA HALAL NI MUAFAKA KATIKA VISIWA VYA ZANZIBAR KWA VILE ZITAONGEZA SOKO LA IDADI YA WATALII WANAOHITAJI KUPUMZIKA KATIKA MAENEO YENYE UTULIVU WA MAADILI YA KIDINI NA KIUTAMADUNI.

KATIKA ZIARA YAKE HIYO WAZIRI HUYO WA HABARI, UTAMADUNI, UTALII NA MICHEZO ALIPATA FURSA YA KUSHIRIKI KATIKA  KARAMU RASMI ILIYOANDALIWA KWA AJILI YAKE  NA UJUMBE  WA WATU WATATU ALIYOFUATANA NA MWENYEJI WAKE WAZIRI WA HABARI WA OMAN SHEIKH DK. ABDULLA MONAIM ILIYOFANYIKA KATIKA JUMBA LA SERIKALI LA OPERA MJINI MUSCAT.

WANANCHI WA VIJIJINI WAHAKIKISHIWA KUWEKEWA MIUNDOMBINU YA MASOKO

Naibu Katibu Mkuu Wizara ya Uwezeshaji, Ustawi wa Jamii ,Vijana, Wanawake na Watoto Nd. ALI KHAMIS JUMA amesema Serikali imejipanga kikamilifu ili kuhakikisha wananchi wa vijijini wanaekewa miundombinu ya kuhakikisha masoko , uongezaji thamani za bidhaa na huduma za kifedha vijijini zinaimarika nchini.
Kauli hiyo ameitoa huko katika ukumbi wa mikutano wa Eacrotanal , Kikwajuni mjini hapa wakati  akifungua warsha ya siku mbili (2) ya wadau mbali mbali kutoka Unguja na Pemba wakiwemo maafisa Ushirika  wa wilaya na mikoa , chama kikuu cha akiba na mikopo juu ya mradi wa  kuongeza huduma za kifedha kwa wananchi wa vijijini (MIVARF).
Naibu Katibu Mkuu huyo amesema Ushiriki wa kila mwananchi wa vijijini utamuharakishia  mlengwa kupata huduma za kifedha kupitia taasisi husika na kupata fursa  za kukopa  ili kuona malengo ya taifa  ya kuondoa umasikini yanafikiwa.
Amesema Wizara yake imekamilisha  sera ya uwepo wa vyama vya akiba na mikopo SACCOSS na vikoba ambapo  kutatoa fusa za watu kuona umuhimu wa mitaji pamoja na kuona fursa ya kwenda kukopa kwa ajili ya kuimarisha uzalishaji mali.
Aidha amefahamisha kuwa kuwepo kwa mradi huo pia kutahakikisha  na kuona kuwa fedha zinazokopeshwa  zinarudishwa na kwamba kila mtu anasimamia majukumu yake katika utendaji ili kufikia malengo yaliyokusudiwa.
Nae mkufunzi katika warsha hiyo ambae ni afisa uangulizi na tathmini wa mradi huo  wa MIVARF unaosimamiwa na Wizara ya Kilimo na Maliasili kwa hapa Zanzibar Bw. KHATIB MOH’D KHATIB amesema mradi huo wa miaka saba (7) ambao unatekelezwa Tanzania nzima utagharimu jumla ya dola za Kimarekani miliono mia moja na sabiini (170) utaweza kuimarisha  huduma za kifedha  pia kupunguka kwa hofu ya kupata hasara kwa taasisi za kifedha  pamoja na kuongezeka kwa idadi yake .
Nao washiriki wa warsha hiyo wakichangia mada wamesema wamefarajika sana kupata taarifa ya MIVARF  na kueleza kuwa mradi huo utaleta ukombozi mkubwa kwa wananchi wengi kiuchumi na kufikia lengo  la kuondoa umasikini nchini.
Warsha hiyo imeandaliwa na Idara ya vyama vya Ushirika kwa mashirikiano na Wizara ya Kilimo na Maliasili Zanzibar na kufadhiliwa na Benki ya Maendeleo ya Afrika (ADB).

ZOEZI LA USAJILI WA ARDHI LAENDELEA ZANZIBAR

MKOWA WA MJINI MAGHARIBI.

SERIKALI YA MAPINDUZI YA ZANZIBAR IMESEMA ITAENDELEA NA ZOEZI LA USAJILI WA ARHI KWA MAENEO MBALIMBAALI YA MIJINI NA VIJIJINI KWA LENGO LA KUPUNGUZA  MIGOGORO YA ARDHI  INAYOJITOKEZA KATIKA JAMII.

AKIZUNGUMZA  KATIKA SHEREHE ZA UTOWAJI WA KADI ZA USAJILI WA ARDHI KWA WANANCHI, WAZIRI WA ARDHI,MAKAAZI,MAJI NA NISHATI MH: RAMADHAN ABDALLAH SHAABAN  AMESEMA HALI HIYO YA KUSAJILI KWA KUTUMIA NJIA TEKNOLOJIA ITAPELEKEA WANANCHI KUONDOKANA NA USUMBUFU WA KUMILIKI MAENEO YAO.

AMEFAHAMISHA KUWA ZOEZI LA USAJILI WA ARDHI NI HATUWA MOJA WAPO YA MATUNDA YA SERIKALI YA MAPINDUZI YA 1964 KATIKA KUENDELEZA HAKI KWA WANANCHI WAKE ILI WAPATE UMILIKI HALALI WA ARDHI YAO.

KWA UPANDE WAKE MRAJISI WA ARHI ZANZIBAR BI MWANAMKAA ABDUL-RAHMAN AMESEMA LENGO LA ZOEZI HILO NI KUPUNGUZA ENGEZEKO LSA KESI ZA MIGOGORO YA ARDHI NA KUONDOA TATIZO  LA WIZI WA UTUMIAJI WA NYARAKA ZA BANDIA KWA WAMILIKI WA NYUMBA HIZO.

AIDHA AMEFAFANUA KUWA MATUMIZI YA KADI ZA UMILIKI WA ARDHI YATAWASAIDIA WANAFAMILIA KUONDOKANA NA TATIZO LA UDANGANYIFU WA MAENEO HAYO.

JUMLA   YA WANANCHI KUTOKA   SHEHIA KUMI NA NANE (18) ZA WA MKOWA WA MJINI MAGHARIBI  WAMEKABIZIWA KADI HIZO ZA UMILIKI WA ARDHI AMBAPO ZOEZI LA USAJILI WA ARDHI  LILIZINDULIWA  MNAMO TAREHE 23 MACHI 2013 NA RAISI ZANZIBAR AMBAE PIA NI MWENYEKITI WA BARAZA LA MAPINDUZI DK: ALI MOH”D SHEIN.

WANANCHI WA MSUMBIJI WAENDELEA KUKUMBUKA MSAADA WA TANZANIA

CHAMA cha FRELIMO kimesema Wananchi wa Msumbiji wataendelea kukumbuka na kuthamini juhudi mbali mbali zilizochukuliwa na Watanzania wakati wa harakati za ukombozi na kuwafanya kuwa watu huru.

 

Kauli hiyo imetolewa na Mjumbe wa Kamati Kuu ya Chama cha FRELIMO Bibi Nyeleti Mondlane, alipokuwa na mazungumzo maalum na Uongozi wa CCM Zanzibar, hapo Afisi Kuu ya CCM, Kisiwandui.

 

Amesema Wananchi wa Msumbiji wana kila sababu ya kuwapongeza Watanzania kutokana na misaada yao ya hali na mali, jambo lililosaidia kwa kiasi kikubwa wananchi wa Msumbiji kujikomboa na kuishi wakiwa watu huru ndani ya nchi yao huru.

 

Mjumbe huyo wa Kamati Kuu ya FRELIMO na pia ni Mbunge, amesema nchi hiyo imo katika amani na utulivu mkubwa, hali inayotoa fursa kwa Serikali ya FRELIMO  kuweza kufanikisha shughuli za kimaendeleo kwa maslahi ya wananchi na Taifa kwa ujumla.

 

Ametumia kikao hicho kutoa wito kwa Wana FRELIMO wanaoishi Zanzibar kuendeleza mashirikiano ya karibu na wananchi wa Tanzania, CCM na Serikali zake, ili umoja na maendeleo kwa wananchi wa pande zote mbili.

 

Naye Mjumbe wa Kamati Kuu ya Taifa ya CCM Mhe. Khadija Hassan Aboud, amemuhakikishia Bibi Mondlane kuwa Chama Cha Mapinduzi kitafanya kila linalowezekana kuhakikisha uhusiano wa kihistoria baina ya CCM na FRELIKO unaendelezwa kwa nguvu zote.

 

Amesema Vyama vya CCM mrithi wa ASP na FRELIMO, vina undugu wa kihistoria uliodumu kwa miaka mingi na kumesisitiza haja kwa Viongozi wa Vyama hivyo wanapaswa kuuendeleza na kuudumisha kwa manufaa ya wananchi wa nchi hizo.

 

Bibi Mondlane yupo Visiwani Zanzibar kwa ziara ya kikazi ya kichama, ambapo katika mazungumzo hayo aliongoza Ujumbe wa watu watano, akiwemo Balozi Mdogo wa Msumbiji nchini Zanzibar Bwana Jorge Augusto Menezes.

BARAZA LA VIJANA ZANZIBAR LAIVA

ZANZIBAR

MKURUGENZI WA IDARA YA MIPANGO , SERA NA UTAFITI WA WIZARA YA UWEZESHAJI ,USTAWI WA JAMII, VIJANA ,WANAWAKE NA WATOTO BIBI MHAZA GHARIB JUMA AMESEMA WIZARA YAKE IMEANZA KUTEKELEZA HATUA YA PILI YA UANZISHWAJI WA BARAZA LA VIJANA LA ZANZIBAR BAADA YA KUMALIZIKA HATUA YA KUTIWA SAINI SHARIA HIYO NA RAIS WA ZANZIBAR NA MWEYEKITI WA BARAZA LA MAPINDUZI MHE. DKT ALI MOHAMMED SHEIN BAADA YA KUPITISHWA NA BARAZA LA WAWAKILISHI.

MKURUGENZI HUYO AMEYASEMA HAYO HUKO KATIKA UKUMBI WA MIKUTANO WA WIZARA HIYO, MWANAKWEREKWE WAKATI WA KIKAO MAALUMU CHA KIKAZI CHA KUZIPITIA KANUNI ZITAKAZOONGOZA BARAZA LA VIJANA LA ZANZBAR, KIKAO KILICHOSHIRIKISHA MAAFISA KUTOKA IDARA TAFAUTI ZA WIZARA HIYO NA WADAU KUTOKA TAASISI MBALI MBALI ZINAZOSHUGHULIKIA MAENDELEO YA VIJANA NCHINI.

MKURUGENZI HUYO AMESEMA TOKEA MWAKA 2000 WIZARA ILIKUWA KATIKA MCHAKATO WA KUANZISHWA BARAZA LA VIJANA LA ZANZIBAR AMBALO SASA LIMEFIKIA HATUA NZURI YA KUZIPITIA KANUNI ZILIZOANDALIWA AMBAZO ZITAWALETEA VIJANA WOTE NCHINI MAENDELEO KATIKA NYANJA ZOTE.

AMESEMA BAADA YA KANUNI HIZI KUPITIWA NA KUWEKWA VIZURI ZAIDI BARAZA HILO LITAANZA KAZI RASMI PAMOJA NA VIJANA NA WANANCHI KUPEWA ELIMU INAYOHITAJIKA KUHUSIANA NA BARAZA HILO.

MAPEMA AKIWASILISHA KANUNI HIZO KWA WADAU WASHIRIKI, MTAALAMU MUELEKEZI KATIKA KUANDAA KANUNI HIZO ND. OMAR SURURU KHALFAN AMESEMA KANUNI HIYO INA VIFUNGU VINANE (8) YENYE JUMLA YA SEHEMU THALATHINI NA TISA (39) AMBZO KUWEPO KWAKE KUTAONGOZA KUWALETEA VIJANA MAENDELEO PAMOJA NA MUSTAKABALI WAO. 

AMESEMA BARAZA LA TAIFA LA VIJANA LITAFANYA KAZI KWA UKARIBU ZAIDI NA BARAZA LA VIJANA LA WILAYA PAMOJA NA BARAZA LA VIJANA LA SHEHIA KATIKA KUYATAFUTIA UFUMBUZI WA KUFAA MATATIZO YANAYOWAKABILI VIJANA KATIKA MAENEO WANAYOISHI.

WAKICHANGIA WAKATI WA KUZIPITIA KANUNI HIZO MAAFISA NA WADAU HAO WAMESEMA KANUNI HIZO NI NZURI LAKINI UTEKELZAJI WAKE ZAIDI YAANGALIWE MAZINGIRA YA SHERIA HUSIKA INAYOSIMAMIWA NA KANUNI HIYO ILI KUONDOA MGONGANO NA KULETA UFANISI.