SERIKALI YA ZANZIBAR KUAGIZA VIFAA VIPYA KWA UJENZI WA BARABARA

RAIS WA ZANZIBAR AMBAYE PIA NI MWENYEKITI WA BARAZA LA MAPINDUZI DK. ALI MOHAMED SHEIN AMESEMA SERIKALI IMEAMUA KUAGIZA VIFAA VIPYA VYA UJENZI WA BARABARA ILI KUHAKIKISHA KUWA MIRADI YOTE YA BARABARA ILIYOPANGWA IWEZE KUTEKELEZWA NA KUKAMILIKA IFIKAPO MWEZI AGOSTI MWAKA UJAO.

 

AKIZUNGUMZA NA VIONGOZI WA MASHINA NA WENYEVITI WA MASKANI ZA CHAMA CHA MAPINDUZI WILAYA YA KASKAZINI ‘B’, DK. SHEIN AMESEMA SERIKALI INAFANYA HIVYO ILI KUONGEZA KASI YA UJENZI WA BARABARA KWA KUWA HIVI SASA VIFAA VILIVYOPO HAVIWEZI KUTEKELEZA MRADI ZAIDI YA MMOJA KWA WAKATI MMOJA.

 

HATA HIVYO AMESEMA KUWA SERIKALI INATAZWA NA MAMBO MADOGO MADOGO LAKINI FEDHA ZA KUTOSHA ZIPO KUFANYA KAZI HIYO HIVYO WAMEAMUA KUAGIZA VIFAA ZAIDI ILI KUONGEZA KASI KWA KUTEKELEZA MIRADI ZAIDI YA MOJA KWA WAKATI MMOJA HIVYO MATARAJIO NI KUKAMILISHA MIRADI HIYO KWENYE MWEZI AGOSTI 2015.

 

SAMBAMBA NA HAYO AMEWAHAKIKISHIA WANANCHI WA WILAYA HIYO KUWA BARABARA ZA WILAYA HIYO ZILIZOMO KATIKA MPANGO WA SERIKALI ZITAJENGWA KATIKA KIPINDI HICHO HIVYO WANACHOTAKIWA KWAO NI KUWA SUBIRA.