MAALIM SEIF NA WAJUMBE WA MAGEREZA AFRIKA MASHARIKI

ZANZIBAR

 

MAKAMU WA KWANZA WA RAIS WA ZANZIBAR, MHE. MAALIM SEIF SHARIF HAMAD AMESEMA NI JUKUMU LA TAASISI ZINAZOSIMAMIA MAGEREZA KATIKA ENEO LA AFRIKA MASHIRIKI KUWEKA MAZINGIRA BORA YATAKAYOWEZA KUHAKIKISHA USALAMA NA HAKI KWA WAFUNGWA NA WATU WALIOMO VIZUIZINI.

 

MAALIM SEIF AMESEMA HAYO ALIPOKUWA AKIFUNGUA MKUTANO WA KANDA UNAOWASHIRIKISHA WAJUMBE KUTOKA ETHIOPIA, MAURITIUS, KENYA, UGANDA NA TANZANIA KUJADILI USALAMA MAGEREZANI, ADHABU MBADALA, KUTOKOMEZA DAWA ZA KULEVYA PAMOJA NA MARADHI YA UKIMWI ULIOFANYIKA HOTELI YA ZANZIBAR OCEAN VIEW KILIMANI MJINI ZANZIBAR.

 

MAKAMU WA KWANZA WA RAIS AMESEMA KUNA KILIO KIKUBWA MIONGONI MWA MATAIFA TAFAUTI KUTOKANA NA KUWEPO MAZINGIRA YASIYORIDHISHA KATIKA MAGEREZA HALI AMBAYO IMEKUWA NI CHANZO CHA KUVUNJWA KWA HAKI ZA WAFUNGWA AMBAPO PIA HUCHANGIA WATU HAO KUPATA ATHARI ZA KIAFYA.

 

AMELEZA KUWA MSONGAMANO WA WAFUNGWA NA MAHABUSU KATIKA MAGEREZA MENGI UNACHANGIA KUKOSEKANA KWA HUDUMA KAMA VILE KUPATA MWANGAZA WA KUTOSHA, HEWA SAFI AMBAPO MATOKEO YAKE KIWANGO CHA MARADHI YA KIFUA KIKUU NA MAAMBUKIZI YA UKIMWI NI YA KIWANGO CHA JUU KATIKA SEHEMU HIZO.

 

MAALIM SEIF AMESEMA HAYO YANAJITOKEZA LICHA YA KUWEPO MIKATABA YA KIMATAIFA JUU YA HAKI ZA WATU WANAOTUMIKIA VIFUNGO NA WALIOPO VIZUIZINI NA KWAMBA MKUTANO HUO UNAPASWA KUJA NA MAJIBU YA NAMNA BORA KWA NCHI HIZO ZINAVYOWEZA KUKABILIANA NA CHANGAMOTO HIZO NA KUDUMISHA HAKI ZA WATU HAO.