MPAPA WAOMBA MSAADA WA KUMALIZA KITUO CHAO CHA AFYA

WILAYA YA KATI.

WANANCHI WA KIJIJI CHA MPAPA  WILAYA YA KATI UNGUJA  WAMEIOMBA SERIKALI KUWATAFUTIA WAFADHILI WA KUMALIZA UJENZI WA KITUO CHAO AFYA ULIOKWAMA KWA ZAIDI YA MIAKA KUMI NA SABA.

AKIZUNGUMZA NA ADHANA  FM RADIO KWA NIABA YA WENZAKE MMOJA WA WANANCHI HAO BI MARIYA KHAMIS  AMESEMA KUWA  LICHA YA KUPOKEA  MISAADA MBALI MBALI YA UJENZI WA KITUO HICHO BADO WANAHITAJI WAFADHILI ZAIDI ILI KUKAMILISHA UJENZI WA KITUO CHAO.

AMESEMA KUWA KUKOSEKANA KWA KITUO CHA AFYA  KIJIJINI HAPO KUNAWAPELEKEA KUPATA USUMBUFU HUSUSAN  KWA KINA MAMA WAJAWAZITO NA WATOTO KUTOKANA  NAKULAZIMIKA KUFUATA HUDUMA HIYO KATIKA VIJIJI VYA MBALI VIKIWEMO MWERA, BAMBI NA UZINI.

HATA HIVYO WANANCHI HAO WAMEIOMBA   SERIKALI YA MAPINDUZI  YA ZANZIBAR KWA KUSHIRIKIANA NA WADAU MBALIMBALI   KUKAMILISHA UJENZI WA KITUO HICHO ILI KUEPUSHA MSONGAMANO WA WAGONJWA KATIKA HOSPITALI  ZA MIKOA.

WASTAAFU WATAKIWA KUTUMIA TAALUMA ZAO ILI KUCHANGIA MAENDELEO

PEMBA.

WASTAAFU WA TAASISI ZA UMMA ZA SERIKALI YA JAMUHURI YA MUUNGANO WA TANZANIA NA SERIKALI YA MAPINDUZI YA ZANZIBAR WAMETAKIWA  KUSHIRIKIANA KWA KARIBU KATIKA KUTUMIA UJUZI NA TAALUMA ZAO ZA MUDA MREFU NDANI YA JUMUIYA WANAZOZIANZISHA BAADA YA KUSTAAFU KWAO  ILI KUENDELEA  KUCHANGIA MAENDELEO YA TAIFA.

WITO HUO UMETOLEWA NA MAKAMU WA PILI WA RAIS WA ZANZIBAR BALOZI SEIF ALI IDDI WAKATI AKIZINDUA RASMI BODI YA WADHAMINI YA JUMUIYA YA WASTAAFU PEMBA KATIKA HAFLA ILIYOFANYIKA KATIKA UKUMBI WA TASAF  ULIOPO KATIKA MAJENGO YA OFISI YA MAKAMU WA PILI WA RAIS WA ZANZIBAR CHAKE CHAKE  KISIWANI PEMBA.

BALOZI SEIF AMESEMA KUWA  MASHIRIKIANO HAYO YATATOA NAFASI NZURI KWA WASTAAFU HAO KUONDOA SHAKA YA KUENDELEZA MAISHA YAO KUTOKANA NA BAADHI YAO KUPATA WAKATI MGUMU  KABLA NA BAADA YA KUSTAAFU KWA VILE WANAKUWA BADO HAWAJAJIPANGA.

AMEFAHAMISHA KUWA WAPO BAADHI YA WAFANYAKAZI WA TAASISI ZA UMMA NA ZABINAFSI AMBAO WANAOGOPA KUSTAAFU WAKATI UTARATIBU WA KUFANYA HIVYO UPO WAZI NA SAHIHI KUTOKANA NA MUONGOZO WA UTUMISHI SERIKALINI.

AKITOA TAARIFA FUPI KATIBU WA JUMUIYA YA WASTAAFU PEMBA BWANA MAJID MOH’D  AMESEMA KUWA JUMUIYA HIYO ILIYOANZISHWA MWISHONI MWA MWEZI WA MEI MWAKA 2012  IMELENGA KUWATAKA WASTAAFU KUFANYA  KAZI BADALA YA KUBWETEKA NA KUANZA TABIA YA KUOMBA OMBA AMBAYO HAIPENDEZI KATIKA JAMII.

BWANA MAJID ALISEMA WANA JUMUIYA YA WASTAAFU PEMBA WAMEPATA FARAJA KUTOKANA NA UONGOZI  IMARA WA BODI YA WADHAMINI WA JUMUIYA HIYO AMBAO UMEONYESHA UONI MPANA WA KUFIKIRIA KUBUNI MIPANGO NA MIRADI YA KUIENDELEZA JUMUIYA HIYO.

MAPEMA AFISA MDHAMINI WIZARA YA KATIBA NA UTAWALA BORA PEMBA NDUGU  OMAR KHAMIS JUMA AMESEMA  KUWA JUMUIYA YA WAFANYAKAZI  WASTAAFU PEMBA INAFANYA KAZI KWA UMAKINI MKUBWA NA WIZARA HIYO TOKEA KUASISIWA KWAKE MWAKA ULIOPITA.

JUMUIYA YA WAFANYAKAZI WASTAAFU KISIWANI PEMBA IMEANZISHWA TAREHE 23 MEI MWAKA 2012 NA KUSAJILIWA RASMI  MWEZI DISEMBA MWAKA 2012.

HATUA MBALI MBALI ZACHUKULIWA KATIKA KUWAFIKISHIA WANANCHI MAENDELEO

WILAYA YA  KUSINI .

NAIBU WAZIRI WA MIUNDO MBINU NA MAWASILIANO ISSA HAJJI USSI GAVU AMESEMA KUWA SERIKALI YA MAPINDUZI YA ZANZIBAR ITAENDELEA KUCHUKUWA HATUA MBALIMBALI ILI KUWAPATIA WANANCHI MAENDELEO.

AKIZUNGUMZA KATIKA UZINDUZI WA MRADI WA MAJI CHUMVI KUWA BARIDI HUKO KATIKA KIJIJI CHA UZI NG”AMBWA   AMESEMA KUWA LENGO LA SERIKALI NI KUWASOGEZEA WANANCHI WAKE WA MJINI NA VIJIJINI  MAENDELEO YA HARAKA ZAIDI ILI KUWAEPUSHIA USUMBUFU KATIKA KUFUATA HUDUMA ZA KIJAMII.

AMEFAHAMISHA KUWA MADHUMUNI YA MAPINDUZI YA MWAKA 1964 NI KUJENGA MAISHA BORA  ILI  JAMII IWEZE KUONDOKANA NA DHULMA NA UNYONGE  WA WAKOLONI.

KWA UPANDE WAKE NAIBU KATIBU MKUU WIZARA YA ARDHI MAKAAZI MAJI NA NISHATI MUSTAFA ABUOD JUMBE AMESEMA  UTEKELEZAJI WA MIRADI NI KATIKA MATUNDA MAPINDUZI  AMBAYO YAMETILIA MKAZO  SUALA LA USAMBAZAJI WA HUDUMA YA MAJI SAFI NA SALAMA KWA WANANCHI WA VISIWA VYA UNGUJA NA PEMBA.

HATA HIVYO AMEWAOMBA WANANCHI WA KIJIJI CHA UZI KUILINDA NA KUITUNZA MIUNDOMBINU HIYO KWA KUSAMINI JITIHADA ZA SERIKALI ZA KUWASOGEZEA MAENDELEO KATIKA SHEHIA HIYO.

MRADI HUO UMEGHARIMU JUMALA YA SHILINGI  MILIONI MIA NNE NA ARUBAINI NA TATU NA UNATARAJIWA KUWANUFAISHA ZAIDI YA WANANCHI ELFU MOJA MIA MBILI WA KIJIJI CHA UZI.   

ZSTC YASHAURIWA KUJENGA HOTELI YA KITALII

PEMBA.

MAKAMU WA PILI WA RAIS WA ZANZIBAR BALOZI SEIF ALI IDDI AMELISHAURI   SHIRIKA LA TAIFA BIASHARA ZANZIBAR { ZSTC } KUANGALIA UWEZEKANO WA KUJENGA KITEGA UCHUMI CHA HOTELI YA KIMATAIFA NDANI YA ENEO LA KIWANDA CHA MAKONYO WAWI CHAKE CHAKE KISIWANI PEMBA ILI KUONGEZA MAPATO YAKE.

BALOZI SEIF  AMETOA USHAURI HUO WAKATI AKIUFUNGUA RASMI UKUMBI WA KISASA WA MIKUTANO WA SHIRIKA LA TAIFA LA BIASHARA ZANZIBAR { ZSTC }  {MAKONYO CONFERENCE HALL } KATIKA KIWANDA CHA MAKONYO WAWI CHAKE CHAKE  IKIWA NI SHAMRA SHAMRA ZA MAADHIMISHO YA KUSHEREHEKEA MIAKA 51 YA MAPINDUZI YA ZANZIBAR YA MWAKA 1964.

AMESEMA  KUWA HATUA HIYO YA UJENZI WA HOTELI YA KIMATAIFA PIA ITASAIDIA KUONDOKANA NA USUMBUFU WA MALAZI KWA WAGENI MBALI MBALI WA KITAIFA NA KIMATAIFA WATAKAOFIKA KATIKA UKUMBI MPYA ULIOJENGWA NA SHIRIKA HILO KWA AJILI YA MIKUTANO.

BALOZI SEIF ALISEMA SHIRIKA LA TAIFA LA BIASHARA ZANZIBAR  NI MIONGONI MWA MASHIRIKA YA UMMA YANAYOFANYA KAZI ZAKE VIZURI  AMBAPO UJENZI WA UKUMBI WAKE WA MIKUTANO WA  MAKONYO NI SEHEMU MOJA WAPO YA MAGEUZI YA MAENDELEO YANAYOENDELEA KUTEKELEZWA NA SHIRIKA HILO.

AMEUPONGEZA UONGOZI  NA WATENDAJI WA SHIRIKA LA TAIFA LA BIASHARA ZANZIBAR KWA JUHUDI ZAO ZINAZOPELEKEA ZAO LA KARAFUU NCHINI KUZALISHWA KWA WINGI NA KUPATIKANA KWA BEI NZURI YA MAUZO KWA WAKULIMA.

MAPEMA MWENYEKITI WA BODI YA WAKURUGENZI WA SHIRIKA LA ZSTC BWANA KASSIM MAALIM SULEIMAN ALISEMA KUWA SHIRIKA HILO LIMO KATIKA HARAKATI ZA MAGEUZI ILIYOJIPANGIA KATIKA KIPINDI CHA MIAKA 10.

AKISOMA  RISALA YA WAFANYAKAZI WA SHIRIKA HILO MWAKILISHI WA CHAMA CHA TUICO – ZSTC NDUGU SULEIMAN JUMA ALISEMA WAFANYAKAZI WA SHIRIKA HILO WAMEAHIDI KUTEKELEZA WAJIBU WAO KWA NGUVU ZAO ZOTE.

AKIMKARIBISHA MGENI RASMI KATIKA HAFLA HIYO WAZIRI WA BIASHARA, VIWANDA NA MASOKO ZANZIBAR  NASSOR AHMED MAZRUI ALIWATAKA WANANCHI KUSHIRIKIANA NA UONGOZI  NA WATENDAJI WA SHIRIKA LA ZSTC AMBALO NDILO LINALOJENGA UCHUMI NA MAENDELEO YA TAIFA.

UKUMBI WA MIKUTANO WA MAKONYO ULIOPO WAWI CHAKE CHAKE KISIWANI  PEMBA UJENZI WAKE UMEGHARIMU ZAIDI YA SHILINGI ZA KITANZANIA MILIONI MIA NNE NA THAMANINI NA NANE    { 488,000,000/-.

COMORO NA ZANZIBAR ZAENDELEZA MASHIRIKIANO

ZANZIBAR.

RAIS WA ZANZIBAR DK. ALI MOHAMED SHEIN AMESISISTIZA KUWA ZANZIBAR ITAENDELEZA UHUSIANO NA USHIRIKIANO WA KIHISTORIA ULIOPO KATI YAKE NA COMORO HASUSAN KATIKA UIMARISHAJI WA SEKTA ZA MAENDELEO NA UTAMADUNI.

DK. SHEIN AMEYASEMA HAYO WAKATI ALIPOFANYA MAZUNGUMZO NA BALOZI WA COMORO NCHINI TANZANIA DK. AHMADA EL BADAOUI MOHAMED, IKULU MJINI ZANZIBAR.

KATIKA MAZUNGUMZO HAYO DK. SHEIN AMESEMA KUWA ZANZIBAR INAJIVUNIA UHUSIANO NA USHIRIKIANO HUO WA MUDA MREFU SAMBAMBA NA MAINGILIANO NA UHUSIANO WA WATU WAKE KATI YA NCHI MBILI HIZO AMBAPO WAMEWEZA KUIMARISHA UDUGU WAO WA KIHISTORIA.

KUTOKANA NA HATUA HIYO, DK. SHEIN AMESEMA KUWA MASHIRIKIANO KATIKA UIMARISHAJI WA SEKTA ZA MAENDELEO SAMBAMBA NA UTEKELEZAJI WA MKATABA WA MAKUBALIANO ULIOTIWA SAINI MWAKA JANA WAKATI WA  ZIARA YAKE ALIYOIFANYA NCHINI HUMO UTASAIDIA KUIMARISHA JUHUDI HIZO.

DK. SHEIN ALISEMA KUWA UTEKELEZAJI WA MAKUBALIANO HAYO UTASAIDIA KWA KIASI KIKUBWA KUIMARISHA USHIRIKIANO KATI YA ZANZIBAR NA COMORO AMBAO UMEWEZA KUKUZA UDUGU MIONGONI MWA WATU WAKE.

NAE BALOZI WA COMORO NCHINI TANZANIA DK. AHMADA EL BADAOUI MOHAMED AMESEMA KUWA COMORO INATHAMINI SANA UHUSIANO NA USHIRIKIANO WA MUDA MREFU KATI YAKE NA ZANZIBAR AMBAO NCHI YAKE UMEAHIDI KUUDUMISHA KWA MANUFAA YA PANDE ZOTE MBILI.

BALOZI HUYO ALISEMA KUWA COMORO NA ZANZIBAR INA HISTORIA KUBWA KATIKA KUTOA ELIMU HASUSAN YA DINI YA KIISLAMU NA KUELEZA KUWA MASHEKHE WENGI WAKUBWA WA COMORO ELIMU YAO HIYO WAMEIPATA  ZANZIBAR AKIWEMO BABA YAKE MZAZI.