Waumini Wa Dini Yakiislam

Waumini Wa Dini Yakiislam Kote Nchini Wametakiwa Kuwa Tayari Kujitolea Kwa Hali Na Mali Kwaajili Ya Dini Yao.

Wito Huo Umetolewa Na Al-Ustadh Saleh Ali Wakati Akizungumza Na Waislam Katika Muhadhara Mkubwa Ulioandaliwa Na Jumuiya Na Taasisi Zakiislam Zanzibar  Katika Msikiti Wa Mkwajuni Kidombo Wilaya Ya Kaskazini A Unguja.

Aidha Muhadhiri Huyo Ameelezea Kuskitishwa Kwake Na Jinsi Waislam Wanavyonyanyaswa Nakudhalilishwa Katika Sehemu Mbali Mbali Duniani.

Ameelezea Haja Kwa Waislam Kufanya Maandalizi Yakutosha Ili Kukabiliana Ipasavyo Na Maadui Wa Dini Yao.

Muhadhara Huo Uliondaliwa Na Jumuiya Na Taasisi Zakiislam Zanzibar Umehudhuriwa Na Mamia Ya Waislam Kutoka Mkoa Wa Kaskazini Unguja Na Maeneo Jirani.

RAIS SHENI ATEUWA WATENDAJI NA KUWAAPISHA

RAIS WA ZANZIBAR NA MWENYEKITI WA BARAZA LA MAPINDUZI DK. ALI MOHAMED SHEIN LEO AMEWAAPISHA ND. AHMED KASSIM HAJI KUWA NAIBU KATIBU MKUU OFISI YA MAKAMU WA PILI WA RAIS NA BIBI RUKIA MOHAMED ISSA KUWA MJUMBE WA KAMISHENI YA UTUMISHI WA UMMA NCHINI.

KUAPISHWA KWA WATENDAJI HAO KUNAFUATIA UTEUZI WAO ULIOFANYIKA HIVI KARIBUNI AMBAPO MHESHIMIWA RAIS WA ZANZIBAR NA MWENYEKITI WA BARAZA LA MAPINDUZI ALIMTEUA PIA DK. MOHAMED SEIF KHATIB KUWA MWENYEKITI WA BARAZA LA KISWAHILI ZANZIBAR.

MIONGONI MWA VIONGOZI WALIOHUDHURIA HAFLA HIYO YA KUAPISHWA NI PAMOJA NA MAKAMU WA PILI WA RAIS BALOZI SEIF ALI IDDI, JAJI MKUU WA ZANZIBAR MHESHIMIWA OMAR MAKUNGU, SPIKA WA BARAZA LA WAWAKILISHI MHESHIMIWA PANDU AMEIR KIFICHO, MUFTI MKUU WA ZANZIBAR SHEIKH OMAR SALEH KABI, KATIBU MKUU KIONGOZI DK. ABDULHAMID YAHYA MZEE, MSTAHIKI MEYA WA MANISPAA YA MJI WA ZANZIBAR MHESHIMIWA KHATIB ABDULRAHMAN KHATIB NA MKUU WA MKOA WA MJINI MAGHARIBI ABDALLA MWINYI KHAMIS.

SHENI AKUTANA NA IGP ERNEST MANGU

RAIS WA ZANZIBAR NA MWENYEKITI WA BARAZA LA MAPINDUZI DK. ALI MOHAMED SHEIN AMEKUTANA NA KUFANYA MAZUNGUMZO NA MKUU WA JESHI LA POLISI NCHINI INSPEKTA JENERALI WA POLISI ERNEST MANGU.

MKUU HUYO WA JESHI LA POLISI ALIFIKA IKULU KUJITAMBULISHA BAADA YA KUTEULIWA HIVI KARIBU NA RAIS WA JAMHURI YA MUUNGANO WA TANZANIA DK. JAKAYA MRISHO KIKWETE KUSHIKA WADHIFA HUO.

KATIKA MAZUNGUMZO HAYO DK. SHEIN ALIMPONGEZA IGP MANGU KWA KUTEULIWA KUSHIKA WADHIFA HUO NA KUMSHUKURU KWA KUKUBALI UTEUZI HUO AMBAO UNAMPA JUKUMU KUBWA LA KUONGOZA JESHI HILO AMBAO WAJIBU WAKE WA KWANZA NI KULINDA USALAMA WA RAIA NA MALI ZAO.

DK SHEIN ALIMUELEZA IGP MANGU KUWA JESHI LA POLISI ZANZIBAR LINASHIRIKI VYEMA KATIKA KUHAMI UCHUMI WA ZANZIBAR KWA KUSHIRIKIANA NA IDARA MAALUM ZA SERIKALI YA MAPINDUZI YA ZANZIBAR KATIKA KUKABILIANA NA MAGENDO YA KARAFUU NA PIA ULINZI KATIKA MAENEO MBALIMBALI YA HASA YA KITALII.

ALIONGEZA KUWA ANAFARAJIKA KUONA KUWA KUNA UHUSIANO MZURI NA USHIRIKIANO WA KARIBU KATI YA JESHI LA POLISI ZANZIBAR NA WANANCHI HALI AMBAYO IMESAIDIA KATIKA KUIMARISHA ULINZI NA USALAMA NCHINI KUPITIA POLISI JAMII.

AMEFAFANUA KUWA MFUMO WA POLISI JAMII UMESAIDIA KULETA UTULIVU KATIKA MITAA HIVYO KUPUNGUZA VISA VYA UHALIFU KAMA VYA UVUNJAJI WA NYUMBA NA WIZI.

KWA HIVYO ALISEMA KWA UJUMLA HALI YA ULINZI NA USALAMA NCHINI NI SHWARI PAMOJA NA KUBAINISHA KUWA YAPO MATUKIO YA HAPA NA PALE YA WIZI HASA KATIKA MAENEO YA WATALII.

DK. SHEIN AMEMWAMBIA IGP MANGU KUWA SERIKALI YA MAPINDUZI YA ZANZIBAR IMEKUWA IKICHUKUA HATUA KADHA WA KADHA KUIMARISHA USALAMA KATIKA MAENEO YENYE SHUGHULI ZA KITALII LAKINI ALIBAINISHA KUWA JESHI LA POLISI HALINA BUDI KUWA MSTARI WA MBELE KATIKA KUUNGA MKONO HATUA HIZO.

AKIFAFANUA ZAIDI, DK. SHEIN ALISEMA USALAMA KATIKA SEKTA YA UTALII NI KIPAUMBELE CHA KWANZA KWA KUWA SEKTA HIYO, KWA MUJIBU WA MPANGO WA KUPUNGUZA UMASIKINI NA KUKUZA UCHUMI ZANZIBAR-MKUZA, NDIO SEKTA KIONGOZI KATIKA UCHUMI AMBAYO INAIPATIA ZANZIBAR ASILIMIA 80 YA FEDHA ZA KIGENI NA KUCHANGAIA ASLIMIA 27 YA PATO LAKE.

KATIKA MAZUNGUMZO HAYO IGP MANGU AMBAYE ALIKUWA AMEFUATANA NA NAIBU INSPETA JENERALI WA POLISI ABDULRAHMAN KANIKI NA KAMISHNA WA POLISI ZANZIBAR CP HAMDANI OMAR MAKAME ALIMUELEZA RAIS KUWA JESHI LAKE LIMEJIPANGA KUTEKELEZA MAJUKUMU YAKE IKIWEMO KUKABILIANA NA VITENDO VYOTE VYA KIHALIFU.

ALIELEZA KUWA JESHI LAKE LINAJIIMARISHA ZAIDI KATIKA MASUALA YA UCHUNGUZI WA MATUKIO YA KIHALIFU ZAIDI ILI KUZUIA VITENDO HIVYO KUFANYIKA KABLA HAVIJALETA ATHARI KWA JAMII.

SHEIN AKUTANA NA WAZIRI WA FEDHA WA TANZANIA

RAIS WA ZANZIBAR NA MWENYEKITI WA BARAZA LA MAPINDUZI DK. ALI MOHAMED SHEIN AMEKUTANA NA WAZIRI WA FEDHA WA SERIKALI YA JAMHURI YA MUUNGANO WA TANZANIA MHESHIMIWA SAADA MKUYA SALUM.

 

WAZIRI SAADA ALIFIKA IKULU KUJITAMBULISHA RASMI YEYE NA MANAIBU WAKE ADAM KIGOMA ALI MALIMA NA MWIGULU LAMECK NCHEMBA KUFUATIA MABADILIKO YA BARAZA LA MAWAZIRI YALIYOFANYWA HIVI KARIBUNI NA RAIS JAMHURI YA MUUNGANO WA TANZANIA DK. JAKAYA MRISHO KIKWETE AMBAPO MABADILIKO HAYO YALIIGUSA WIZARA HIYO.

 

KATIKA MAZUNGUMZO YAKE NA WAZIRI HUYO NA UJUMBE WAKE DK. SHEIN ALISISITIZA UMUHIMU WA USHIRIKIANO NA UTENDAJI KAZI WA PAMOJA ILI KUKIDHI MATARAJIO YA SERIKALI PAMOJA NA MATUMAINI MAKUBWA WALIYONAYO WATANZANIA KWAO.

 

ALIELEZA KUWA KUKABIDHIWA KWAO KUIONGOZA WIZARA HIYO YENYE MAJUKUMU MAZITO NA INAYOTEGEMEWA NA SERIKALI KATIKA UTEKELEZAJI WA SHUGHULI ZAKE NI CHANGAMOTO AMBAYO WANAPASWA KUIKABILI KWA KUDHIHIRISHA WELEDI NA UWEZO WAO KWA KUFANYA KAZI KWA PAMOJA NA KWA KARIBU NDANI YA WIZARA NA KWA KUSHIRIKIANA NA WIZARA NYINGINE.

 

DK. SHEIN ALIELEZA MATUMAINI YAKE KUWA UONGOZI HUO MPYA WA WIZARA UTAENDELEA PIA KUFANYA KAZI KWA KARIBU NA WIZARA YA FEDHA YA SERIKALI YA MAPINDUZI ZANZIBAR KATIKA KUTEKELEZA MAJUKUMU YAKE KWA MAMBO YANAYOZIHUSU SERIKALI ZOTE MBILI.

 

RAIS WA ZANZIBAR NA MWENYEKITI WA BARAZA LA MAPINDUZI AMEMPONGEZA WAZIRI SAADA NA MANAIBU WAKE KWA UTEUZI HUO NA PIA KUWASHUKURU KWA KURIDHIA UTEUZI HUO KITENDO AMBACHO ALIKIELEZA KUWA KINADHIHIRISHA DHAMIRA YAO YA KWELI YA KUWATUMIKIA WANANCHI.

 

NAYE WAZIRI WA FEDHA BIBI SAADA MKUYA SALUM ALIMSHUKURU MHESHIMIWA RAIS KWA KUWAPA FURSA YA KUKUTANA NAE AMBAPO WAMEWEZA KUJIFUNZA MENGI KUTOKANA NA NAHASA ZAKE WAKATI WA MAZUNGUMZO HAYO.

ALIONGEZA KUWA UJIO WAKE NA TIMU YAKE UMELENGA SIO TU KUJITAMBULISHA BALI PIA KUUHAKIKISHIA UONGOZI WA SERIKALI YA MAPINDUZI YA ZANZIBAR KUWA WIZARA YAKE ITAENDELEA KUFANYA KAZI KWA USHIRIKIANA NA KWA KARIBU WAKATI WOTE.

 

WAZIRI SAADA ALIBAINISHA KUWA ANATAMBUA KUWA WIZARA HIYO INASHUGHULIKIA PIA MASUALA YA MUUNGANO HIVYO ATAHAKIKISHA KUWA KUNAKUWEPO NA USHIRIKIANO WA KARIBU NA UTEKELEZAJI WA HARAKA WA MALENGO YALIYOWEKWA KWA MANUFA YA SERIKALI ZOTE MBILI.

 

MAZUNGUMZO HAYO YALIHUDHURIWA PIA NA KATIBU MKUU KIONGOZI DK. ABDULHAMID YAHYA MZEE, KATIBU MKUU WA WIZARA YA FEDHA YA SERIKALI YA MUUNGANO WA TANZANIA DK. SERVACIUS LIKWELILE, KATIBU MKUU WIZARA YA FEDHA YA SERIKALI YA MAPINDUZI YA ZANZIBAR BWANA OMAR MUSSA, MKURUGENZI WA TAWI LA BENKI KUU YA TANZANIA, ZANZIBAR BWANA NICODEMUS MBOJE NA MENEJA WA UTAWALA NA FEDHA WA TAWI HILO BWANA MANSOUR ABDALLA.

UKOSEFU WA HAKI ZA BINAADAMU MISRI

CAIRO

SHIRIKA LA KUTETEA HAKI ZA BINAADAMU LA AMNESTY INTERNATIONAL LIMEKOSOA VIKALI UKATILI WA VIKOSI VYA USALAMA VYA MISRI DHIDI YA WAANDAMANAJI WANAOMUUNGA MKONO RAIS ALIYEONDOLEWA MADARAKANI MUHAMMAD MORSI.

KATIKA RIPOTI ILIYOTOLEWA JANA JUMATANO KABLA YA MAADHIMISHO YA MWAKA WA TATU WA MAPINDUZI YA WANANCHI MWAKA 2011 YALIYOMUONDOA MADARAKANI DIKTETA HOSNI MUBARAK, AMNESTY IMESEMA WATAWALA WA MISRI WANATUMIA KILA NJIA INAYOWEZEKANA KUWAKANDAMIZA WAPINZANI NA KUKIUKA HAKI ZA BINAADAMU.

MKUU WA AMNESTY INTERNATIONAL MASHARIKI YA KATI NA AFRIKA KASKAZINI HASSIBA HADJ SAHRAOU AMESEMA 'BAADA YA KUPITA MIAKA MITATU, MATAKWA YA 'MAPINDUZI YA JANUARI 25' YA KUTAKA KUHESHIMIWA HAKI ZA BINAADAMU HAYAJAFIKIWA.

WATU KADHAA WALIOONGOZA MAPINDUZI HAYO WAKO KOROKORONI HUKU UKANDAMIZAJI NA UKIUKAJI SHERIA UKIWA JAMBO LA KAWAIDA.' SHIRIKA HILO LA KUTETEA HAKI ZA BINAADAMU LIMEONGEZA KUWA WATU 1,400 WAMEUAWA NA VIKOSI VYA USALAMA KATIKA MACHAFUKO YA KISIASA YALIYOANZA JULAI 3 MWAKA JANA BAADA YA JESHI KUMUONDOA MADARAKANI MORSI.

WAFUASI WA MORSI WAMEKUWA WAKIANDAMANA MARA KWA MARA WAKITAKA AREJESHWE MADARAKANI.

KENYA KUTOTUMA WANAJESHI S. KUSINI

NAIROBI

KENYA IMESEMA HAITATUMA WANAJESHI WAKE KATIKA NCHI JIRANI YA SUDAN KUSINI PAMOJA NA KUWA UMOJA WA MATAIFA UMEIOMBA IFANYE HIVYO.

HAYO YAMEBAINISHWA JANA NA WAZIRI WA MAMBO YA NJE WA KENYA BI. AMINA MOHAMMAD AMBAYE AMESEMA UMOJA WA MATAIFA UMEITAKA NAIROBI ITUME ASKARI 5,500 ILI KUZUIA KUENEA VITA SUDAN KUSINI.

AMESEMA SERIKALI YA KENYA ITASAIDIA KUREJESHA AMANI NCHINI HUMO KWA NJIA ZA KIDIPLOMASIA.

BI. AMINA AMEDOKEZA KUWA BARAZA LA USALAMA LA UMOJA WA MATAIFA LIMEZIOMBA NCHI KADHAA ZIKIWEMO KENYA NA RWANDA KUCHANGIA KIKOSI CHA ASKARI 5,500 KATIKA NCHI HIYO ILIYOTUMBUKIA VITANI TOKEA DESEMBA 15 MWAKA JANA.

AKIJIBU MADAI KUWA UAMUZI WA UGANDA KUTUMA WANAJESHI WAKE JUBA NI TISHIO KWA MAZUNGUMZO YA AMANI NCHINI HUMO, BI. AMINA AMESEMA UAMUZI WA KAMPALA KUTUMA ASKARI WAKE JUBA UMEIDHINISHWA NA SERIKALI YA SUDAN KUSINI PAMOJA NA JUMUIYA YA KIENEO YA IGAD.

WAKATI HUO HUO KATIBU MKUU WA IGAD MAHBOUB MAALIM AMESEMA MAZUNGUMZO YA UPATANISHI YANAENDELEA VIZURI MJINI ADDIS ABABA, ETHIOPIA. 

UMOJA WA MATAIFA UMETANGAZA KUWA WATU KARIBU NUSU MILIONI WAMEKIMBIA MAKAZI YAO SUDAN KUSINI KUTOKANA NA MAPIGANO MAKALI AMBAYO YAMEGEUKA KUWA YA KIKABILA BAINA YA KABILA KUBWA ZAIDI LA DINKA LA RAIS SALVA KIIR NA KABILA LA NUER LA RIEK MACHAR ANAYEONGOZA UASI.

MAKAMO SOUTH

ZANZIBAR                               

 

MAKAMU WA KWANZA WA RAIS WA ZANZIBAR MHE. MAALIM SEIF SHARIF HAMAD, AMEONDOKA NCHINI LEO KUELEKEA AFRIKA KUSINI KWA ZIARA YA SIKU MBILI YA KISIASA.

 

AKIWA NCHINI HUMO MAALIM SEIF ATASHIRIKI KATIKA MKUTANO MKUU WA MUUNGANO WA VYAMA VYA KILEBERALI NA DEMOCRAT VINAVYOJUMUISHA BAADHI YA NCHI ZA ULAYA, PACIFIC, AFRIKA NA CARIBBEAN.

 

KATIKA MKUTANO HUO UNAOTARAJIWA KUFANYIKA MJINI CAPETOWN, MAALIM SEIF AKIWA KATIBU MKUU WA CHAMA CHA WANANCHI CUF, ANATARAJIWA KUPATA FURSA YA KUWASILISHA HOTUBA YAKE KWENYE MKUTANO HUO.