hospitali za Zanzibar hazifanyi biashara ya vipimo vya aina yoyote katika maabara zake

ZANZIBAR.

 

Waziri wa  Afya Zanzibar  Mahmoud Thabiti Kombo amesema KUWA hospitali za Zanzibar hazifanyi biashara ya vipimo vya aina yoyote katika maabara zake bali huwataka  wananchi kuchangia kwa baadhi ya vipimo hivyo na kupewa risiti mara baada ya kuchangia huduma hiyo.

 

Hayo ameyaeleza wakati akijibu  la mwakilishi wa Jimbo la Muyuni Jaku Hashim Ayoub katika ukumbi wa Baraza la Wawakilishi huko Chukwani Wilaya ya Magharibi Unguja.

 

AmeELEZEA  haja kwa wananchi kudai risiti ya malipo wakati wanapochangia huduma hiyo ili iwe ndio uthibitisho wa malipo hayo na IWAPO ikitokea kwa mwananchi yoyote kutopewa risti hiyo kwa ajili  ya huduma aliyochangia  anatakiwa  kutoa taarifa kwa uongozi wa hospitali aliyolipia au kutoa taarifa kwa watendaji wa wizara hiyo.

 

Aidha  amesema kuwa uongozi wa Wizara hiyo hauna taarifa juu ya kuwepo kwa wizi wa baadhi ya vifaa vya matibabu na kuuzwa kwa wananchi kutoka kwa watendaji wa wizara hiyo hivyo amesema Wizara yake italifanyia kazi tatizo hilo ipasavyo ili kulipatia ufumbuzi unaofaa na kuwataka wananchi kushirikiana na Serikali kwa kutoa taarifa IWAPO waTabaini kuwepo kwa tatizo hilo kwa maslahi yao na Taifa kwa ujumla.