WAANDISHI WA KHABARI NCHINI WANA NAFASI KUBWA YA KUITUMIA TAALUMA YAO KATIKA KUSAIDIA WANANCHI KUFANIKISHA VYEMA KURA YA MAONI

ZANZIBAR.

 

MAKAMU WA PILI WA RAIS WA ZANZIBAR BALOZI SEIF ALI IDDI AMESEMA KUWA WAANDISHI WA KHABARI NCHINI WANA NAFASI KUBWA YA KUITUMIA TAALUMA YAO KATIKA KUSAIDIA WANANCHI KUFANIKISHA VYEMA  KURA YA MAONI INAYOTARAJIWA KUFANYIKA MWEZI WA APRILI PAMOJA NA UCHAGUZI MKUU WA MWEZI OKTOBA MWAKA HUU.

BALOZI SEIF  AMEELEZA HAYO KATIKA MAHAFALI YA SITA YA KUWATUNUKU VYETI NA STASHAHADA WAHITIMU 105 WA CHUO CHA UANDISHI WA KHABARI ZANZIBAR YALIYOFANYIKA KATIKA VIWANJA VYA WIZARA YA KHABARI, UTAMADUNI, UTALII NA MICHEZO KIKWAJUNI MJINI ZANZIBAR.

AMESEMA KUWA WANAHABARI WATAPOJIKITA VIZURI KUFANYA KAZI ZAO KWA KUZINGATIA MAADILI YA TAALUMA YAO NA UZALENDO NI DHAHIRI KWAMBA WATAISAIDIA JAMII KATIKA KULINDA AMANI ILIYOPO NA KULIFANYA TAIFA KUPIGA HATUA KUBWA YA MAENDELEO.

AMEELEZEA FARAJA YAKE KUTOKANA NA MAENDELEO MAKUBWA YALIYOPATIKANA TOKEA KUANZISHWA KWA CHUO CHA HABARI ZANZIBAR AMBAPO JUMLA YA WANACHUO MIA 628 WAMEHITIMU NGAZI MBALI MBALI TOKEA MWAKA 2010.

MAKAMU WA PILI WA RAIS WA ZANZIBAR ALISEMA SERIKALI YA MAPINDUZI YA ZANZIBAR INAELEWA CHANGAMOTO KUBWA ZINAZOKIKABILI CHUO CHA HABARI ZANZIBAR LIKIWEMO ENEO LA UJENZI WA MAJENGO MAPYA YA KUDUMU AMBAPO TAYARI IMESHATENGA ENEO LA UKUBWA WA MITA 180 KWA 150 LITAKALOJENGWA MAJENGO HAYO.

AMESEMA KUWA SERIKALI ITATENGA FUNGU MAALUM LA FEDHA MWAKA HUU WA 2015/2016 KWA AJILI YA KUENDELEZA MRADI WA UJENZI WA MAJENGO MAPYA  LIKIWEMO LA GHOROFA MBILI PAMOJA NA KUYAFANYIA MATENGENEZO MAKUBWA MAJENGO MAWILI YATAKAYOTUMIKA KAMA OFISI ZA CHUO.

AKISOMA RISALA YA WAHITIMU HAO CHUO CHA WAANDISHI WA HABARI  MUHITIMU ABOUBAKAR HARITH BAKARI AMESEMA KUWA WAHITIMU HAO WAMEAHIDI KUTUMIA VIZURI KALAMU ZAO ILI LENGO LA TAALUMA WALIYOIPATA LIWEZE KUFANIKIWA.

AMESEMA KUWA YAPO MAFANIKIO YANAYOJICHOMOZA KWA WANAFUNZI WA CHUO HICHO WAKATI WANAPOKUWA KWENYE MAZOEZI YA VITENDO AMBAPO BAADHI YA VITUO VYA HABARI HUONYESHA ISHARA YA KUTAKA KUWAAJIRI KUENDELEA NA KAZI KWENYE VITUO HIVYO.

MAPEMA MKUU WA CHUO CHA HABARI ZANZIBAR DR. ABOUBAKAR SHEIKH RAJAB ALISEMA JUHUDI ZA UONGOZI WA CHUO HICHO ZIMEPELEKEA KUONGEZEKA KWA IDADI YA WANAFUNZI WANAODAHILIWA KILA MWAKA.