WIZARA YA UWEZESHAJI ,USTAWI WA JAMII, VIJANA , WANAWAKE NA WATOTO IMESHAURIWA KUENDELEA NA MPANGO WAKE WA KUWAJENGEA UWEZO WANAWAKE

ZANZIBAR.

WIZARA YA  UWEZESHAJI ,USTAWI WA JAMII, VIJANA , WANAWAKE NA WATOTO IMESHAURIWA KUENDELEA NA MPANGO WAKE WA  KUWAJENGEA UWEZO WANAWAKE KIUCHUMI, KISIASA NA MASUALA YA UONGOZI KWA LENGO LA KUWAFANYA KUWA WATENDAJI BORA KATIKA SHUGHULI ZAO. 

 

USHAURI HUO UMETOLEWA NA WASHIRIKI WA MAFUNZO YA KUWAJENGEA UWEZO VIONGOZI WANAWAKE NCHINI WAKATI WAKITOA SHUKRANI ZAO KWA WIZARA HIYO PAMOJA NA MWEZESHAJI WA MAFUNZO HAYO YANAYOENDELEA KWENYE UKUMBI WA KITENGO CHA KUPAMBANA NA MALARIA, MWANAKWEREKWE. 

 

WAMESEMA KUWA WIZARA IMEFANYA JAMBO ZURI LA KUWAPATIA MAFUNZO KWA WAKATI HUU KUTOKANA NA  WANAWAKE WENGI KUONGOZA TAASISI MBALI MBALI HAPA NCHINI. 

 

WASHIRIKI HAO WAMESEMA WAMEWEZA KUJIFUNZA MAMBO MENGI AMBAYO YAMEWAAMSHA NA KUWA NA ARI YA KUBADILIKA KWA KUFANYA KAZI KWA KUJIAMINI NA KUWA WABUNIFU KATIKA TAASISI ZAO ILI KULETA UFANISI KAZINI. 

 

WAMEAHIDI KUYATUMIA MAFUNZO HAYO IPASAVYO ILI KULETA MABADILIKO KATIKA SEKTA ZAO NA KUHAKIKISHA MAZINGIRA YA SEKTA HIZO YANABADILIKA SAMBAMBA NA KUBORESHA HALI ZA WAFANYAKAZI. 

 

NAE MHADHIRI MWANDAMIZI KUTOKA CHUO KIKUU CHA MZUMBE, MOROGORO AMBAE NI MKUFUNZI WA MAFUNZO HAYO DR, ANDREW SULLE AMEWASISITIZA VIONGOZI HAO KUFANYA KAZI VIZURI ILI WANANCHI WAONE NA WAWEZE KUFAIDIKA NA UTUMISHI WAO. 

 

AIDHA AMESEMA KUWA VIONGOZI WANAHITAJIKA KUELEWA MPANGO MKAKATI,DIRA NA MWELEKEO WA TAASISI ZAO KWA KUFANYA HIVYO WATAWEZA KUJUA NAMNA YA SHUGHULI ZANAVYOENDESHWA KATIKA TAASISI ZAO. 

 

PIA DR. ANDREW AMEWATAKA KUACHA KUJIFUNGIA NDANI BADALA YAKE KUFIKIRIA KUBADILISHA MAMBO KIMAENDELEO KATIKA TAASISI ZAO NA KUTUMIA FURSA YA KUANGALIA UFANISI WA SEKTA NYENGINE ZILIZOFAULU.