KUZINDULIWA KWA MITAMBO MIPYA NA YA KISASA YA KIWANDA CHA UCHAPAJI

RAIS WA ZANZIBAR NA MWENYEKITI WA BARAZA LA MAPINDUZI DK. ALI MOHAMED SHEIN AMESEMA KUZINDULIWA KWA MITAMBO MIPYA NA YA KISASA YA KIWANDA CHA UCHAPAJI NI UTEKELEZAJII WA DHAMIRA YA SERIKALI YA KULETA MABADILIKO MAKUBWA KATIKA UCHAPISHAJI WA NYARAKA ZA SERIKALI NCHINI.

KWA HIYO AMEUTAKA UONGOZI NA WATUMISHI WA IDARA YA UPIGAJI CHAPA NA MPIGACHAPA MKUU WA SERIKALI KUIFAHAMU VYEMA DHAMIRA HIYO YA SERIKALI ILI UTENDAJI WAO UZINGATIE UTEKELEZAJI WA DHAMIRA HIYO

.

DK. SHEIN AMESEMA HAYO JANA WAKATI AKIZINDUA RASMI JENGO JIPYA LA IDARA YA MPIGACHAPA MKUU WA SERIKALI PAMOJA NA MITAMBO MIPYA YA KIWANDA CHA UCHAPAJI HUKO MARUHUBI MJINI UNGUJA IKIWA NI SEHEMU YA SHAMRASHAMRA ZA MAADHIMISHO YA MIAKA 50 YA MAPINDUZI YA ZANZIBAR.

“TUMEFANYA HIVI KWA LENGO LA KUFANYA MABADILIKO MAKUBWA KATIKA UCHAPISHAJI WA NYARAKA ZA SERIKALI NA TULIPOONA MSAADA UNACHELEWA TULIAMUA KUTUMIA FEDHA ZETU WENYEWE”DK. SHEIN ALIELEZA.

AMEITAKA IDARA YA MPIGACHAPA MKUU WA SERIKALI KUHAKIKISHA KUWA INATEKELEZA IPASAVYO MALENGO YA SERIKALI KATIKA NYANJA HIYO YA UCHAPISHAJI HUKU IKIZINGATIA MAZINGIRA YA BIASHARA YALIYOPO SASA.

“LAZIMA MUWE TAYARI KUBADILIKA NA KUZINGATIA MAZINGIRA YA KIBIASHARA YALIYOPO SASA KWA KUBADILI TABIA, MWELEKEO NA MTAZAMO WENU KATIKA KUTENDA KAZI ZENU” DK. SHEIN ALIWAELEZA WATUMISHI WA IDARA HIYO.

ALIWAKUMBUSHA WATUMISHI HAO KUWA KAZI YAO YA KUCHAPA NYARAKA ZA SERIKALI NA HATA ZA WATEJA WENGINE NI JUKUMU LINALOHITAJI UMAKINI, UTULIVU NA USIRI MKUBWA HIVYO NI WAJIBU WAO KUZINGATIA MAZINGIRA HAYO YA KAZI.

“NYARAKA ZOTE ZA SERIKALI NI SIRI HADI PALE ZITAKAPOTANGAZWA NA MAMLAKA HUSIKA HIVYO KAZI ZENU ZOTE NI SIRI HIVYO ZINAHITAJI UMAKINI MKUBWA NA UTULIVU” ALISEMA DK. SHEIN.

ALILIELEZA TUKIO HILO LA UZINDUZI WA JENGO NA MITAMBO HIYO MIPYA KUWA NI KIELELEZO CHA AZMA YA SERIKALI KUIREJESHA TENA HISTORIA YA IDARA YA UCHAPAJI NCHINI.

KWA HIYO ALIUAGIZA UONGOZI WA IDARA HIYO KUUTANGAZIA UMMA HUDUMA AMBAZO ZINAWEZA KUPATIKANA ILI KUVUTIA WATEJA IKIWA NI UTEKELEZAJI WA LENGO LA SERIKALI LA KUIFANYA IDARA HIYO KUJIENDESHA KIBIASHARA HUKU AKISISITIZA UONGOZI KUHAKIKISHA KUWA WATEJA WOTE WANALIPIA HUDUMA WANAZOPEWA KWA WAKATI HATA KAMA NI WIZARA AU IDARA ZA SERIKALI.

RAIS WA ZANZIBAR NA MWENYEKITI WA BARAZA LA MAPINDUZI ALITUMIA FURSA HIYO KUISHUKURU TIMU YA MAKATIBU WAKUU WAKIONGOZWA NA KATIBU MKUU KIONGOZI KWA KUAFIKI RAI YAKE YA KUTAKA ENEO HILO LA MARUHUBI KUENDELEA KUTUMIA KWA SHUGHULI ZA SERIKALI BADALA YA KUPEWA SEKTA BINAFSI.

KUFUATIA UAMUZI HUO ENEO HILO HIVI SASA LINATUMIKA KAMA OFISI ZA IDARA YA MPIGACHAPA MKUU WA SERIKALI, BOHARI KUU YA MADAWA, OFISI ZA MKEMIA MKUU WA SERIKALI NA MAABARA YA TAASISI YA VIWANGO ZANZIBAR –ZBS.

AKIZUNGUMZA KABLA YA KUMKARIBISHA MGENI RASMI WAZIRI WA NCHI OFISI YA MAKAMU WA PILI WA MOHAMED ABOUD MOHAMED ALIELEZA KUWA BAADA YA KUKAMILISHA AWAMU YA KWANZA TARATIBU ZINAFAYIKA KUANZA UTEKELEZAJI WA AWAMU YA PILI YA MRADI HUO AMBAO ALIBAINISHA KUWA AWAMU HIYO ITAKAPOKAMILIKA KIWANDA KITAKUWA NA UWEZO WA KUFANYA KAZI NYINGI ZAIDI.

ALISEMA KIWANDA HICHO KINA UWEZO WA KUKIDHI MAHITAJI YOTE YA UCHAPISHAJI KWA SERIKALI NA AWAMU YA PILI ITAKAPOKAMILIKA MAGAZETI YA SERIKALI YATAKUWA YAKICHAPISHWA KIWANDANI HAPO.

ALISISITIZA KUWA AZMA YA KUKIFANYA KIWANDA HICHO KIJIENDESHE KIBIASHARA INAFANYIWA KAZI NA UONGOZI UTAFANYA KILA JITIHADA KUHAKIKISHA MITAMBO HIYO INATUNZWA VIZURI NA KUDUMU KWA MIAKA MINGI IJAYO.

AKIELEZA HISTORIA YA KIWANDA CHA UCHAPAJI ZANZIBAR WAZIRI HUYO ALISEMA KIWANDA KILIANZA WAKATI WA UTAWALA WA KIKOLONI MWAKA 1875 HUKO KATIKA JENGO LA BEIT EL AJAIB FORODHANI NA BAADAE KUHAMISHIWA KATIKA JENGO JINGINE NYUMA YA MAKUBUSHO YA MFALME FORODHANI HADI MWAKA 1956 KILIPOHAMISHIWA SAATENI AMBAKO KILIDUMU HADI MWAKA 2013 KILIPOHAMIA MARUHUBI.

HAFLA YA UZINDUZI WA JENGO HILO LA UCHAPAJI NA MITAMBO MIPYA AMBAYO IMEGHARIMU KWA PAMOJA KARIBU SHILINGI BILIONI 4.2 ILIHUDHURIWA NA VIONGOZI MBALIMBALI AKIWEMO MAKAMU WA PILI RAIS BALOZI SEIF ALI IDDI.