SHAMSI VUAI

Aliyekuwa Waziri wa Ulinzi na Jeshi la Kujenga Taifa, Shamsi Vuai Nahodha amesema KUWA licha ya kuvuliwa uwaziri ataendelea kuwa kiongozi wa kisiasa na kukitumikia chama chake na wananchi bila ya kuvunjika moyo.

Nahodha, ambaye ni Mbunge wa Kuteuliwa NA MWAKILISHI WA JIMBO LA MWANAKWEREKWE  ametoa kauli hiyo siku chache baada ya kuondolewa kATIKA Baraza la Mawaziri na Rais Jakaya Kikwete kutokana na matatizo yaliyotokea katika utekelezaji wa Operesheni Tokomeza Ujangili.

Akihutubia wanachama wa CCM waliomlaki na kumsikiliza kATIKA  Ofisi ya chama hicho Mkoa wa Mjini Magharibi, Nahodha aMEsema yaliyomtokea ni mambo ya kawaida katika medani za utumishi wa umma.

AMEBAINISHA KUWA amewajibika serikalini kutokana na matakwa ya wajibu katika utendaji wa pamoja na kusema kitendo hicho ni mfano wa ajali inayoweza kumkuta mtu yeyote katika safari ya maisha.

AMEsema  KUWA alikabidhiwa dhamana na viongozi wake ili kulitumikia taifa na kutimiza wajibu ipasavyo katika nyadhifa mbalimbali na yaliyomtokea ameyapokea kwa mikono miwili na hana kinyongo.

Kuhusu Muungano wa Tanganyika na Zanzibar, Nahodha aMEsema  KUWA angependa ubaki katika mfumo na Serikali mbili na kusema pamoja na uzuri wake, zipo changamoto na kasoro zinazohitaji kurekebishwa na kuwa na muungano wenye nguvu za kiuchumi.