AGGREY NA ZUNGU WATINGA MAZOEZI JANA KWA MARA YA KWANZA

Siku zinazidi kukaribia kwa mashindano ya  Cecafa  Challenge Cup 2015 ambapo kwa upande wa timu ya taifa ya Zanzibar (Zanzibar Heroes) kama kawaida wanaendelea kujifua kila siku asubuhi kwenye uwanja wa Amaan.

kwenye mazoezi wachezaji waliofika uwanjani hapo ni 22 ambapo watatu wameengezeka wakiwemo wawili wa Azam Aggrey Morris na Ame Ali (Zungu) pamoja mlinda mlango wa Hard Rock Idrissa Ali.

Mpaka sasa wachezaji ambao hawajafika mazoezini ni wanne (4) ambao ni Khamis Ali “Chichi” (KMKM), Nassor Masoud “Cholo” (Stand United, na wawili wa Yanga Matteo Anton Simon na Said Makapu.

Wachezaji watatu wengine waliokuwa hawajafika mazoezini Zanzibar Heroes ambao wanajulikanwa walipo ni Nadir Haroub “Canavaro” (Yanga), Mwinyi Haji (Yanga) na Mudathir Yahya (Azam) wote wapo kwenye timu ya taifa ya Tanzania (Taifa Stars).

Katika mazoezi ya leo tumebahatika kuzungumza na wachezaji wawili walipomaliza mazoezi ambao ni Agrrey Morris na Ame Ali wote wakimsifia kocha wao Malale Hamsini kwa dozi anayowapa.

Aggrey aliulizwa na mtandao huu kwanini amechelewa kufika mazoezi ambao wenzake tangu jumatatu wameanza yeye kafika leo.

“ Mimi niliomba ruhusa kwa mwalimu kuwa nina dharura ndo mana nimefika leo, na kwa upande wa mazoezi ni mazuri sana mana kocha anajua kufundisha, naamini tutafanya vizuri kwenye mashindano”. Alisema Aggrey Morris.

Na kwa upande wake Ame Ali “Zungu” amesema mazoezi matamu kweli kweli.

“ Mazoezi matamu, nimekuja leo tu lakini nimerizika, nakujibu swali lako Kisandu kwanini sijaja mazoezi siku zote hizo, mimi Kisandu nimeajiriwa kwenye timu ya Azam na siwezi kuja tu kama sijapokea taarifa kwa mabosi wangu, nilipoambiwa Azam ndo leo umeniona”. Alisema Ame Zungu.