MATTEO AANZA MAZOEZI NA KUTUPIA GOLI MOJA KWENYE MECHI YA KIRAFIKI

MATTEO ANZA LEO MAZOEZI NA KUTUPIA MOJA KWENYE MECHI

Zanzibar  Heroes waanza vyema mchezo wa kirafiki uliosukumwa jioni ya jana kwenye uwanja wa Amaan walipoifunga kombain ya Wilaya ya Mjini bao 3-1.

Mabao ya Zanzibar heroes yamefungwa na  Aggrey Morres dk 42,Rashid Abdallah dk 76 na Matheo Simon dk 84 na bao pekee la kufuta machozi la Combine ya wilaya ya mjini limefungwa na Abdillah Rajab dk 74.

Mbali na mchezo huo Katika Mazoezi yao asubuhi  mahudhurio kwa wachezaji yamekuwa na idadi kubwa baada ya kuongezeka Nassor Massoud Cholo, Said Juma Makapu pamoja na Matteo Anton Simon na kukifanya kikosi hicho kuwa na jumla ya wachezaji 25 kasoro watatu waliokuwepo taifa stars Nadir Haroub, Mwinyi Haji na Mudathir Yahya , wakati Khamis Chichi pia ndie mchezaji pekee aliekuwa hajajiunga na wenzake mpaka sasa ambapo kocha Malale Hamsini akisema ndo basi kwa mchezaji huyo kucheza Heroes kwa mwaka huu.

 Timu hiyo  (Zanzibar Heroes) leo hii mazoezi yake yamefikia siku ya 5 kwenye uwanja wa Amaan ambapo wanafanya kila siku asubuhi.

Kocha Malale Hamsini kafurahishwa sana  kuona idadi wachezaji wengi kufika mazoezi.

“Nimefurahi sana  kaja Cholo, Matteo na Makapu, lakini Chichi pekee hajaja kwaiyo nshamuondosha kwenye kikosi changu” . Alisema Malale.

Kwa upande wa mechi za kujipima nguvu kwa michezo ya kimataifa kocha Malale amesema anayo nia hiyo ya kucheza na taifa jengine.

“Ripoti yangu nimewaandikia viongozi ndani yake pia nahitaji mechi ya Kubwa ya Kitaifa ukiachia ya leo ya Wilaya ya Mjini”.

Mbali na kocha pia tumezungumza na  wachezaji Nassor Massoud Cholo, Matteo Anton na Said Makapu ambao wote kwa mara ya kwanza wamefika leo mazoezini.

Kwa upande wa Nassor Massoud amesema alikuwa hana taarifa ndo mana akawa hajafika mazoezini na pia alikuwa ana matatizo ya kifamilia.

“Nilikuwa na matatizo ya kifamilia na pia sijapigiwa simu ya kuitwa ila naipenda timu yangu ya Zanzibar na ndio maana leo nipo hapa mazoezini”. Alisema Cholo.

Kwa upande wake Said Juma Makapu kiungo mkabaji wa Yanga amesema walikuwa hawana ruhusa ya kuja kwenye timu hiyo kwasababu klabu yake ndio yenye dhamana.

“Sababu ilionifanya nichelewe kufika mazoezini ni ruhusa, kwasababu bila ya ruhusa ya katibu wangu wa Yanga siwezi kuja lakini jana nimepewa ruhusa na leo nimekuja hapa Amaan”. Makapu alisema.

Nae Matteo Anton Simon aliekuja mazoezi kwa mara ya kwanza leo hii na kwenye mechi katupia moja wavuni jioni ya leo walipoitwanga wilaya ya Mjini 3-1 amesema mazoezi mazuri tu leo alikuja na alichelewa kwasababu ya ruhusa.

“ Ukweli sisi tupo kwenye timu lazima tupewe taarifa kwenye timu yetu licha ya kuwa nimesikia taarifa ya kikosi kwenye Clouds Fm  lakini lazima nifate utaratibu si unajua tena klabu yetu ni kubwa”. Matteo alisema.

Zanzibar Heroes ipo kundi B pamoja na Burundi, Kenya na Uganda kwenye mashindano ya CECAFA Chalenj Cup yanayotarajiwa kufanyika tarehe 21 ya mwezi huu ambapo siku hiyo pia  Zanzibar Heroes wakiwa kundi B watacheza (21/11/2015)  mchezo wao wa

Kwanza Burundi vs Zanzibar,  24/11/2015 Uganda vs Zanzibar  na wa mwisho kwenye kundi lao  tarehe 27/11/2015 Kenya vs Zanzibar .