Mtende Renger yakubali yaishe yamuachia nafasi ya ligi kuu Kilimani City.

Timu ya Mtende Renger yenye maskani  yake kusini mwa kisiwa cha Unguja ambayo inashiriki ligi kuu soka Zanzibar kwasasa takribani misimu 4 mfululizo imewaachia nafasi hiyo ya ligi kuu msimu huu wa mwaka 2015-2016 maswahiba zao wapya Kilimani  City Cooperative Society ambao wanayo timu inashiriki ligi daraja la pili wilaya ya Mjini.

Akizungumza nasi katibu wa Kilimani City Football Club Ramadhan Juma amesema wamepata ofa kutoka kwa Mtende Renger watapewa daraja na watachanganya uongozi kwa pamoja na kwenye ligi kuu msimu huu watatumia wachezaji wale wale wa Mtende wa msimu ulopita.

“ Mtende Renger wametupa daraja, na uongozi tutashirikiana”.

Kwa upande wake katibu wa Mtende Renger Salum Sina amekiri kuwa timu yake Mtende wamewapa daraja kilimani City huku akisisitiza kuwa yeye atabakia kuwa katibu kama kawaida.

“Kweli Kilimani City tumewapa timu yetu lakini katibu nitabaki kuwa mimi kama kawaida"

Viongozi wa timu Mtende Renger wameshindwa kuongoza timu hiyo kutokana na ukata wa fedha, baada ya aliekuwa kiongozi wao mkuu anaehudumu timu kifedha kuachana nayo timu hiyo.