DK SHEIN AMUAPISHA NDUGU ABEID JUAMA ALI KUWA MKUU WA WILAYA YA MICHEWENI

Zanzibar                                                      7.12.2015

RAIS wa Zanzibar na Mwenyekiti wa Baraza la Mapinduzi Mhe. Dk. Ali Mohamed Shein leo amemuapisha  Ndugu Abeid Juma Ali, kuwa Mkuu wa Wilaya ya Micheweni Pemba.

Wakati huo huo, Dk. Shein amemuapisha ndugu Ali Khamis Juma, kuwa Naibu Katibu Mkuu wa Wizara ya Fedha katika hafla iliyofanyika Ikulu Mjini Zanzibar na kuhudhuriwa na viongozi mbali mbali wa Serikali ya Mapinduzi Zanzibar.

Miongoni mwa viongozi waliohudhuria katika hafla hiyo ni Dk. Mwinyihaji Makame Waziri wa Nchi Ofisi ya Rais, Ikulu na Utawala Bora, Waziri wa Fedha Mhe. Omar Yussuf Mzee, Waziri wa Nchi Ofisi ya Rais, Tawala za Mikoa na Idara Maalum Mhe. Haji Omar Kheir, Mwanasheria Mkuu wa Zanzibar Said Hassn Said .

Wengine ni Mkuu wa  Mkoa wa Mjini Magharibi Mhe. Abdalla Mwinyi Khamis, Kadhi Mkuu wa Zanzibar Sheikh Khamis Haji, Naibu Mufti Mkuu wa Zanzibar Sheikh  Hassan Othman Ngwali, Meya wa Manispaa ya Mji wa Zanzibar Khatib Abrahman Khatib,Washauri wa Rais wa Zanzibar na viongozi wengine wa Serikali.

Rajab Mkasaba, Ikulu Zanzibar