MAFANIKIO YALIYIPATIKANA KATIKA SEKTA YA AFYA

SERIKALI YA MAPINDUZI YA ZANZIBAR IMESEMA KUENDELEZA MAFANIKIO YALIYOPATIKANA KATIKA SEKTA YA AFYA NI SUALA INALOLIPA KIPAUMBELE KATIKA MIPANGO YAKE YA KUIMARISHA SEKTA YA AFYA NCHINI.

RAIS WA ZANZIBAR NA MWENYEKITI WA BARAZA LA MAPINDUZI DK. ALI MOHAMED SHEIN AMESEMA HAYO  WAKATI AKIZUNGUMZA NA MWAKILISHI WA SHIRIKA LA AFYA ULIMWENGUNI-WHO ZANZIBAR DK. PIERRE KAHOZI ALIYEMTEMBELEA OFISINI KWAKE IKULU KWA AJILI YA KUMUAGA BAADA YA KUMALIZA MUDA WAKE WA KULITUMIKIA SHIRIKA HILO NCHINI.

AMESEMA SERIKALI INATAMBUA CHANGAMOTO INAZOIKABILI KATIKA KUDUMISHA MAFANIKIO HAYO YAKIWEMO VITA DHIDI YA UGONJWA WA MALARIA NA KUPUNGUZA VIFO VYA MAMA WAJAWAZITO LAKINI KURUDI NYUMA KATIKA MASUALA HAYO ITAKUWA NI KOSA KUBWA.

KWA HIYO ALIMUELEZA DK. KAHOZI KUWA SERIKALI INAENDELEZA JITIHADA ZAKE ZA KUPAMBANA NA MALARIA PAMOJA NA VITA DHIDI YA VIFO VYA MAMA WAJAWAZITO KWA KUCHUKUA HATUA MBALIMBALI IKIWEMO KUONGEZA BAJETI YA SEKTA YA AFYA ILI KUENDELEZA VITA HIVYO.

AKITOLEA MFANO WA VITA DHIDI YA MALARIA, DK SHEIN ALISEMA KUWA MAFANIKIO KUTOKA UWEPO WA ASILIMIA 40 YA MAAMBUKIZI YA UGONJWA HUO HADI KUFIKIA CHINI YA ASILIMIA MOJA NI MATOKEO YA JITIHADA ZA PAMOJA KATI YA SERIKALI NA WASHIRIKA WA MAENDELEO HIVYO KUZIENZI JITIHADA HIZO NI KUIONDOA KABISA MALARIA NCHINI.

KWA UPANDE WA VIFO VYA MAMA WAJAWAZITO ALIELEZA KUWA KUMEKUWEPO NA MAFANIKIO KUTOKA VIFO 476 MWAKA 2006 HADI VIFO 221 MWAKA 2013 KWA KILA MAMA WAJAWAZITO LAKI MOJA NA JITIHADA ZAIDI ZINAFANYIKA ILI KUFIKIA MALENGO YA MILENIA KATIKA SUALA HILO.

ALIBAINISHA KUWA MBALI YA KUONGEZA BAJETI YA SEKTA YA AFYA LAKINI PIA SERIKALI YA MAPINDUZI YA ZANZIBAR IMEBORESHA MASLAHI YA WATUMISHI WA AFYA ILI KUWAVUTIA KUBAKI NCHINI KULITUMIKIA TAIFA BADALA YA KWENDA NJE AMBAPO KUSABABISHA UHABA WA WATUMISHI HAO.

KATIKA MAZUNGUMZO HAYO YALIYOHUDHURIWA PIA NA KATIBU MKUU WA WIZARA YA AFYA DK. SALEH MOHAMED JIDAWI, DK. SHEIN ALISEMA KWA UPANDE MWINGINE SERIKALI IMEWEKA MKAZO KATIKA KUFUNDISHA WATAALAMU ZAIDI WA SEKTA YA AFYA KWA KUWA HIVI SASA SEKTA HIYO INAKABILIWA NA TATIZO LA UHABA WA WATUMISHI HUSUSAN KADA YA MADAKTARI.

AKIFAFANUA ZAIDI ALIELEZA KUWA HATUA HIZO NI PAMOJA NA KUTOA MAFUNZO KWA KUSHIRIKIANA NA CHUO KIKUU CHA TIBA HUKO CUBA, KUANZISHA SKULI YA UDAKTARI KATIKA CHUO KIKUU CHA ZANZIBAR-SUZA NA KUPELEKA NJE WATUMISHI WA AFYA KUPATA MAFUNZO ZAIDI.

KWA UPANDE WAKE DK. KAHOZI ALIIPONGEZA SERIKALI YA MAPINDUZI YA ZANZIBAR KWA MAFANIKIO YAKE ILIYOYAPATA KATIKA SEKTA YA AFYA YAKIWEMO YA KUPIGA VITA UGONJWA WA MALARIA NA VIFO VYA MAMA WAJAWAZITO AMBAPO ALIHIMIZA JITIHADA ZAIDI ZIFANYWE KUHAKIKISHA KUWA MAFANIKIO HAYO YANAKUWA ENDELEVU.

KWA HIYO ALITOA WITO KWA SERIKALI KUONGEZA ZAIDI BAJETI YA SEKTA YA AFYA KWA KUWA AFYA NI SEKTA MUHIMU KWA SEKTA NYINGINE ZINAHITAJI WATUMISHI WENYE AFYA KUTEKELEZA MAJUKUMU YAO.

ALIBAINISHA KUWA KUONGEZWA BAJETI KATIKA SEKTA HIYO KITAKUWA KUVUTIO KWA WASHIRKA WA MAENDELEO NAO KUONGEZA MISAADA YAO KATIKA SEKTA HIYO IKIWA NI KIELELEZO CHA KUTHAMINI WAJIBU WA SERIKALI KATIKA KUWATUMIKIA WANANCHI WAKE.