sheni na miaka thelathini na saba ya ccm

 

RAIS WA ZANZIBAR NA MWENYEKITI WA BARAZA LA MAPINDUZI DK. ALI MOHAMED SHEIN AMESEMA TANGU MAPINDUZI YA TAREHE 12 JANUARI, 1964 ZANZIBAR IMEKUWA IKIONGOZWA NA SERIKALI YA MAPINDUZI YA ZANZIBAR AMBAYO INA MAMLAKA KAMILI YANAYOHESHIMIWA NDANI NA NJE YA JAMHURI YA MUNGANO WA TANZANIA.

AMEFAFANUA KUWA SERIKALI YA MAPINDUZI YA ZANZIBAR NI SERIKALI HALALI INAYOTAMBULIWA KOTE ULIMWENGUNI HUKU IKIWA INAONGOZWA CHINI YA MIHIMILI MIKUU MITATU; KATIBA, BARAZA LA KUTUNGA SHERIA NA MAHKAMA ILIYO HURU.

DK. SHEIN AMBAYE PIA NI MAKAMU MWENYEKITI WA CCM ZANZIBAR ALISEMA HAYO JANA WAKATI ALIPOKUWA AKIZUNGUMZA NA MAELFU YA WANANCHI WALIOHUDHURIA UZINDUZI WA MAADHIMISHO YA MIAKA 37 YA KUZALIWA CHAMA CHA MAPINDUZI ULIOFANYIKA KATIKA KIWANJA CHA MICHEZO CHA KIEMBESAMAKI, WILAYA YA MAGHARIBI, MKOA WA MJINI MAGHARIBI UNGUJA.

“ZANZIBAR INA BENDERA YAKE, INA RAIS WAKE NA HIVYO HAKUNA ANAYEWEZA KUINGILIA MAMLAKA YA ZANZIBAR” ALISISITIZA DK. SHEIN HUKU AKIULIZA HAO WANAODAI ZANZIBAR ILIYO NA ‘MAMLAKA KAMILI’ WANATAKA NINI HASA.

ALISISITIZA KUWA HAKUNA ANAYEINGILIA MASUALA YA ZANZIBAR NA KUELEZA KUWA ZANZIBAR INAENDESHWA KWA MUJIBU WA KATIBA YAKE AMBAYO INAHESHIMIWA KAMA INAVYOHESHIMIWA KATIBA YA JAMHURI YA MUUNGANO WA TANZANIA.

“SERIKALI YA MAPINDUZI INAJIAMINI NA INAENDESHWA KWA MUJIBU WA KATIBA YAKE AMBAYO INAHESHIMIWA NA KATIBA YA JAMHURI YA MUUNGANO WA TANZANIA, SASA NANI ANAYEISHUSHIA HADHI SERIKALI YA MAPINDUZI YA ZANZIBAR?”DK. SHEIN ALIHOJI.

ALIWASHANGAA WATU WANAODAI KUTAKA ZANZIBAR YENYE ‘MAMLAKA KAMILI’ NA KUWAULIZA MAMLAKA HAYO KUTOKA WAPI WAKATI ZANZIBAR TANGU MAPINDUZI YA MWAKA 1964 IMEKUWA IKIJIENDESHA YENYEWE NA KUFANYA MAMBO YAKE BILA KUINGILIWA NA MTU.

DK. SHEIN ALIREJEA MSIMAMO WA CHAMA CHA MAPINDUZI KUHUSU MABADILIKO YA KATIBA NA KUSISITIZA KUWA CHAMA HICHO KINASIMAMIA SERA YAKE YA MUUNGANO WA SERIKALI MBILI.

“KILA MTU AMETOA MAONI YAKE KUHUSU KATIBA NA SISI TUNAONGOZWA NA SERA YETU, KATIBA YETU NA ILANI YETU HIVYO KATIKA HILI LA MUUNGANO SISI TUMESIMAMA KWENYE MUUNGANO WA SERIKALI MBILI” DK. SHEIN ALIELEZA HUKU AKISHANGILIWA NA WANA CCM NA WANANCHI WALIOHUDHURIA MKUTANO HUO.

ALISISITIZA KUWA CHAMA CHA MAPINDUZI HAKITARUDI NYUMA KATIKA MSIMAMO WAKE HUO NA KUSISITIZA KUUENZI KUULINDA NA KUUENDELEZA MUUGANO HUO.

ALIWAELEZA MAELFU YA WANANCHI WALIOKUWA WAKIKATISHA HOTUBA YAKE MARA KWA MARA KWA NDEREMO KUWA WANA CCM NA WANANCHI WANAPOADHIMISHA MIAKA 37 YA KUZALIWA KWA CCM NI KUDHIHIRISHA KUMBUKUMBU YA USHINDI WA VYAMA VYA AFRO SHIRAZI NA TANU VILIVYOWASHINDA WAKOLONI NA KUWALETEA WANANCHI UHURU WAO.

“TUNAPOADHIMISHA MIAKA 37 YA CCM AMBACHO NI MATOKEO YA MUUNGANO WA HIARI WA VYAMA VYA ASP NA TANU, TUNAADHIMISHA PIA KUMBUKUMBU YA USHINDI WA VYAMA VYETU HIVYO DHIDI YA WAKOLONI NA KUTULETEA UHURU WETU” DK. SHEIN ALISEMA.

ALIFAFANUA KUWA WAASISI WA VYAMA HIVYO WAKIONGOZWA NA MZEE ABEID AMANI KARUME NA MWALIMU JULIUS NYERERE WALIFANYAKAZI KUBWA YA KUWAONDOA WAKOLONI NCHINI AMBAPO KWA UPANDE WA ZANZIBAR ILIBIDI WAFANYE MAPINDUZI KULETA UHURU BAADA YA NIJA ZA KAWAIDA KUSHINDIKANA.

ALIWAKUMBUSHA WANA CCM NA WANANCHI KWA JUMLA KUWA MIEZI MICHACHE IJAYO WATAADHIMISHA MIAKA 50 YA MUUNGANO KATI YA JAMHURI YA WATU WA ZANZIBAR NA JAMHURI YA TANGANYIKA ULIOZAA JAMHURI YA MUUGANO WA TANZANIA HIVYO NI WAKATI MUAFAKA KWAO KUZINGATIA KUMBUKUMBU HIYO MUHIMU KATIKA HISTORIA YA KUJITAWALA.

MAKAMU MWENYEKITI HUYO WA CCM ALITUMIA FURSA HIYO KUMTAMBULISHA MGOMBEA NAFASI YA UWAKILISHI KATIKA UCHAGUZI MDOGO WA JIMBO LA KIEMBESAMAKI MAHMOUD THABIT KOMBO NA KUWATAKA WANANCHI KUMPIGIA KURA ILI CCM IWEZE KUKAMILISHA UTEKELEZAJI WA ILANI YAKE KATIKA JIMBO HILO.

AKIZUNGUMZA KATIKA MKUTANO HUO KATIBU MKUU WA CCM KANALI MSTAAFU ABDULRAHMAN KINANA ALIMPONGEZA MAKAMU MWENYEKITI WA CCM ZANZIBAR KWA KUKIONGOZA CHAMA HICHO KWA UMAHIRI MKUBWA NA KUIFANYA ZANZIBAR KUENDELEA KUWA TULIVU NA YENYE UMOJA.

AMESEMA CCM ILIZALIWA ZANZIBAR MIAKA 37 ILIYOPITA KISIWANI UNGUJA NA HADI LEO SERIKALI ZOTE MBILI ZIMEENDELEA KUONGOZWA NA CHAMA HICHO HIVYO NI USHINDI MKUBWA KWA WANA CCM.

KATIBU MKUU HUYO ALIWAPONGEZA WANANCHI WA ZANZIBAR KWA KUADHIMISHA MIAKA 50 YA MAPINDUZI NA KUWATAKA KUJIVUNIA MAENDELEO WALIYOYAPATA KATIKA KIPINDI HICHO CHA MIAKA 50.

“MAADHIMISHO HAYO NI USHINDI MKUBWA KWA WANANCHI WA ZANZIBAR KWA KUWA NDANI YA MIAKA 50 HIYO WAKO WALIYOYABEZA NA WAKO WALIOJITAHIDI KUYAPINGA KWA NGUVU ZAO ZOTE LAKINI WAMESHINDWA NA LEO HII YAMEFIKIA MIAKA 50 NA YATADUMU NA 50 MINGINE” ALISISITIZA KINANA.

ALIWAELEZA WANANCHI HAO KUWA CHAMA CHA MAPINDUZI KITAENDELEA NA JUKUMU LAKE LA KUWALETEA MAENDELEO WANANCHI KWA KUTEKELEZA MIPANGO MBALIMBALI YA MAENDELEO KAMA ILIVYOELEZWA KATIKA ILANI YAKE YA UCHAGUZI PAMOJA NA MIPANGO YA KITAIFA.

ALIWAAMBIA WANA CCM HAO KWAMBA CHAMA CHA MAPINDUZI DAIMA KITAENDELEA KUTEKELEZA JUKUMU LAKE LA KUTENDA MEMA KWA WANANCHI WOTE WA TANZANIA WAKATI VYAMA VYA UPINZANI VITAENDELEA NA JUKUMU LAO LA KUSEMA. “KUSEMA RAHISI KULIKO KUTENDA” ALISEMA KATIBU MKUU WA CCM.

UZINDUZI WA SHEREHE HIZO ULIHUDHURIWA NA VIONGOZI MBALIMBALI WA CCM AKIWEMO MJUMBE WA KAMATI KUU AMBAYE PIA NI MAKAMU WA PILI WA RAIS BALOZI SEIF ALI IDDI NA NAIBU KATIBU MKUU WA CCM ZANZIBAR BWANA VUAI ALI VUAI.