ZECO

ZANZIBAR.

SHIRIKA LA UMEME ZANZIBAR (ZECO) LIMESEMA KUWA LINAKUSUDIA KUPANDISHA TENA BEI YA UMEME BAADA YA MAMLAKA YA UDHIBITI WA HUDUMA ZA NISHATI NA MAJI (EWURA) KULIRUHUSU SHIRIKA LA UMEME TANZANIA (TANESCO) KUONGEZA BEI YA UMEME.

AKIZUNGUMZIA SUALA HILO MENEJA WA SHIRIKA LA UMEME ZANZIBAR, NDUGU HASSAN ALI MBAROUK, AMESEMA KUWA TARATIBU ZA KUONGEZA BEI YA UMEME ZINAFANYWA, AMBAPO HADI SASA MALIPO HAYO MAPYA HAIJAFAHAMIKA YATAANZA LINI.

AMESEMA KUWA KWA SASA WATEJA WA SHIRIKA HILO WATAENDELEA KULIPA BEI YA SASA WAKATI SHIRIKA LIKIENDELEA NA UTARATIBU WA KUWEKA BEI MPYA.

BEI HIYO MPYA INAKUJA WAKATI HIVI KARIBUNI SHIRIKA HILO LILIPANDISHA GHARAMA ZA HUDUMA ZA UMEME, AMBAZO ZINALALAMIKIWA NA WATEJA.

AMESEMA KUWA BEI HIYO MPYA, INAWEZA KUWASHTUA WATEJA, NA NDIO HALI YA BIASHARA NA KWAMBA ZECO HAINA BUDI KURIDHIA MABADILIKO HAYO.

AMEWATAKA WATEJA KUTUMIA UMEME KWA UANGALIFU ILI KUPUNGUZA MATUMIZI YASIYO YA LAZIMA.

HIVI KARIBUNI, MKURUGENZI MDHIBITI UCHUMI WA EWURA, ND. FELIX NGAMLAGOSI,ALITANGAZA RASMI ONGEZEKO LA GHARAMA ZA UMEME KWA ASILIMIA 50 GHARAMA AMBAZO ZILIANZA KUTUMIKA RASMI JANUARI MOSI 2014.