MAGAZETI YENYE MAANDISHI YA QUR-AN

ZANZIBAR

WAUMINI WA DINI YA KIISLAM NCHINI WAMETAKIWA KUCHUKUA TAHADHARI WAKATI WANAPOFUNGIWA BIDHAA MBALI MBALI KWA KUTUMIA MAGAZETI AMBAYO MARA NYINGINE HUWA NA MAANDISHI MATAKATIFU YA QUR-AN.

WITO HUO UMETOLEWA LEO NA MUFTI MKUU WA ZANZIBAR SAMAHATU SHEKHE SALEH OMAR KAABI ALIPOKUTANA NA BAADHI YA VIJANA OFISINI KWAKE WALIOMPELEKEA MAGAZETI AMBAYO HUTUMIWA NA WAFANYA BIASHARA KWA AJILI YA KUFUNGIA BIDHAA MBALI MBALI HUKU BAADHI YA MAGAZETI HAYO YAKIWA NA AYA ZA QUR-AN NA HADITHI ZA MTUME.

KWA MUJIBU WA TAARIFA ILIYOTOLEWA NA KATIBU WA MUFTI WA ZANZIBAR FADHILATU SHEKHE FADHILI SORAGA AMESEMA MUFTI MKUU AMELAANI VIKALI MTINDO HUO ULIOZUKA NA ZAIDI KATIKA SIKU ZA HIVI KARIBUNI.

AMESEMA WAUMINI WOTE WANAPASWA KUHESHIMU MAANDISHI HAYO MATAKATIFU NA NI MAKOSA MAKUBWA KWA MAANDISHI HAYO KUTUMIKA KUFUNGIA BIDHAA.

HATA HIVYO OFISI YA MUFTI ZANZIBAR IMEWATAKA WAINGIZAJI WOTE WA MAGAZETI YA KUFUNGIA BIDHAA KUTOKA NCHI ZA KIARABU,WANUNUZI NA WALE WANAOFUNGIA NA WALE WANAOFUNGIA BIDHAA KWA MAGAZETI HAYO KUHAKIKISHA KWAMBA AYA ZA QUR-AN TAKATIFU HAZITUMIKI NA HADITHI ZA MTUME (S.A.W) HAZITUMIKI KWA MALENGO HAYO.