WALIMU WAKUU WATAKIWA KUAANDAA MAZINGIRA

PEMBA.

 

MKUU WA MKOA WA KASKAZINI PEMBA  DADI FAKI DADI AMEWATAKA WALIMU WAKUU KATIKA WILAYA YA MICHEWENI KUANDAA MAZINGIRA YATAKAYO WAFANYA WANAFUNZI KUONDOA  NA DHANA KWAMBA MASOMO YA SAYANSI NI MAGUMU .

 

KAULI HIYO AMEITOA WAKATI AKIZUNGUMZA NA WALIMU WAKUU  NA WENYEVITI WA KAMATI ZA SKULI ZA WILAYA HIYO KATIKA MKUTANO ULIOFANYIKA KATIKA UKUMBI WA MIKUTANO WA SKULI YA WINGWI .

 

AMESEMA KUWA DHANA HIYO AMBAYO IMEJENGEKA MIONGONI MWA WANAFUNZI INAPASWA KUONDOSHWA ILI KUPUNGUZA TATIZO LA UPUNGUFU WA WALIMU WA MASOMO YA SAYANSI .

 

AMESEMA KUWA MOJA YA MIKAKATI HIYO  NI PAMOJA NA KUANDAA WANAFUNZI  KUPENDA KUSOMA MASOMO YA SAYANSI WAKIWA SKULI ZA MSINGI  HALI AMBAYO ITAWAJENGA UWEZO WA KUKABILIANA NA MASOMO HAYO .

 

NAO WASHIRIKI WA KIKAO HICHO WAMEIOMBA SERIKALI YA MKOA KUANDAA ZIARA MAALUMU YA KUTEMBELEA SKULI ZOTE NA KUZUNGUMZA NA WAZAZI ILI KUWAHAMISHA KUCHANGIA KAMBI ZA WANAFUNZI ZILIZOANZISHWA KWA LENGO LA KUWANDAA WANAFUNZI .

 

WAMESEMA KUWA  LICHA YA WALIMU NA KAMATI ZA SKULI KUWA NA MALENGO MAZURI YA KUINUA KIWANGO CHA ELIMU KATIKA WILAYA HIYO BADO JUHUDI ZAO ZIMEKUWA ZIKIVUNJWA NA WAZAZI AMBAO WAMEKUWA WAGUMU KUCHANGIA ILI KUENDELEZA KAMBI ZA MASOMO .