DK SHEIN APONGEZWA NA WAZAZI NA WALEZI KWA KUTANGAZA ELIMU BURE

zanzibar.

wazazi na walezi nchini wamempongeza rais wa zanzibar dr ali mohd shein kutokana na kuondoa uchangiaji wa fedha kwa wanafunzi wa skuli za msingi.

wakizungumza na adhana fm kwa nyakati tofauti wazazi hao wamesema kuwa hatua hiyo itawatia nguvu wazazi kuwapeleka maskulini kwa wingi watoto wao.

aidha wananchi hao wamebainisha kuwa wazazi wengi wamekuwa wakilalamikia  kuongezeka michango mingi ya skuli nakupelekea baadhi ya wanafunzi wa hali za chini kusimamishwa kuhudhuria maskulini kutokana nakutolipa ada jambo ambalo linarejesha nyuma maendeleo ya elimu kwa watoto wao.

hata hivyo wazazi hao wameishauri serekali ya mapinduzi ya zanzibar kulisimamia suala hilo kwa kuhakikisha kuwa viongozi na watendaji  hawakiuki agizo hilo  la rais.