MIAKA 51 YA MAPINDUZI LAKINI MAJI BADO KIKWAZO KATIKA BAADHI YA MITAA YA MIJI YA ZANZIBAR

WILAYA YA MJINI.

Wananchi wa shehia ya kikwajuni welesi wamelalamikia tatizo la ukosefu wa huduma ya maji safi na salama katika eneo lao NAKUPELEKEA KUPATA usumbufu wa kufuata huduma hiyo katika maeneo ya jirani.

Wakizungumza na Adhana fm radio mmoja wa wananchi hao  Bi Asia  Nassoro amesema kuwa kwa kipindi kirefu sasa huduma hiyo imekosekana  na kulazimika kununuwa  maji ambayo si salama kwa afya zao.

AmefahamishaKUWA  licha ya kuwa serikali inachukuwa jitihada mbalimbali za kuhakikisha kuwa wananchi wa visiwa vya unguja na pemba  wanapata maendeleo bila ya ubaguzi wamekuwa wakikosa  fursa hiyo ya kunufaika na matunda ya mapinduzi ya mwaka 1964.

Kwa upande wake afisa uhusiano Mamlaka ya Maji Zanzibar (ZAWA) Zahoro SUleyman  amesema KUWA tatizo la ukosefu wa huduma ya maji safi na salama limechangiwa na uchakavu wa miundo mbinu na matumizi mabaya ya wananchi.

Aidha amesema kuwa mamlaka ya maji kwa kushirikiana na wadau  husika wana mpango wa kuanzisha mradi wa kuwapatia huduma ya maji  wananchi wa maeneo ya MJI MKONGWE  na vitongoji vyake kwa lengo la kuondoa usumbufu.

Sambamba na hayo  amefahamisha kuwa mradi huo utaweza kuengeza kiwango cha upatikanaji wa maji  safi.

AMEWATAKA  wananchi KUWA na utamaduni wa kulinda na kutunza  vyanzo vya maji ili waweze kunufaika na huduma  hiyo.