JUKUMU LA KUTATUA MATATIZO YA WANANCHI BADO LITABAKI MIKONONI MWAO

WILAYA YA KASKAZINI “ B.

MBUNGE WA JIMBO LA KITOPE BALOZI SEIF ALI IDDI AMESEMA KUWA LICHA YA JUHUDI ZINAZOCHUKULIWA NA VIONGOZI KATIKA KUCHANGIA NGUVU ZA KUKABILIANA NA MATATIZO MBALI MBALI YANAYOWAKABILI WANANCHI KATIKA MAENEO YAO BADO JUKUMU HILO LITAENDELEA KUBAKIA MIKONONI MWA  WANANCHI  WENYEWE.

BALOZI SEIF  AMBAE PIA NI MAKAMU WA PILI WA RAIS WA ZANZIBAR AMEYASEMA HAYO WAKATI AKIKABIDHI MABOMBA 250 YA KUSAMBAZIA HUDUMA ZA MAJI SAFI NA SALAMA KATIKA  KITUO CHA KILIMO KILOMBERO WILAYA YA KASKAZINI “ B “ MKOA WA KASKAZINI UNGUJA.

AMESEMA KUWA VIONGOZI NA  SERIKALI KUU HUHAMASIKA  NA KUSHAWISHIKA ZAIDI KUSAIDIA HATA UWEZESHAJI NA HATA VIFAA  KWENYE MIRADI YA JAMII BAADA YA KUONA NGUVU ZA WANANCHI ZIMEANZA AU KUIENDELEZWA KATIKA KUJIKOMBOA  NA UMASKINI AU KUJITAFUTIA MAENDELEO YAO.

MABOMBA HAYO YALIYOGHARIMU JUMLA YA SHILINGI MILIONI 17,000,000/- NUSU YA GHARAMA YA FEDHA HIZO IMETOKANA NA MFUKO WA JIMBO { CDF } NA NUSU ILIYOBAKIA IMETOLEWA NA MBUNGE HUYO WA JIMBO LA KITOPE.

BALOZI SEIF PIA ALISHIRIKI KAZI YA UCHIMBAJI MTARO WA ULAZAJI WA BOMBA HIZO UNAOANZIA KWENYE KISIMA KILICHOCHIMBWA KWA AJILI YA MRADI HUO WA USAMBAZAJI MAJI AMBACHO KIMESHAKALIMIKA ULIOKWENDA SAMBAMBA NA UPATIKANAJI WA HUDUMA ZA UMEME KATIKA KISIMA HICHO.

ALIWAPONGEZA WANANCHI WA KIJIJI CHA KILOMBERO KWA KAZI KUBWA WANAYOENDELEA KUIFANYA YA KUJIONDOSHEA MATATIZO YANAYOWAKABILI IKIWEMO KUSHIRIKI KATIKA KAZI ZA USAMBAZAJI WA HUDUMA ZA MAJI SAFI.

BALOZI SEIF ALISEMA HUDUMA ZA UPATIKANAJI WA MAJI SAFI NI ZAO HIVYO LAZIMA WAHAKIKISHE WANASHIRIKI KWA NGUVU ZAO ZOTE KATIKA KUKABILIANA NA CHANGAMOTO KAMA HIZO ZA JAMII.

MAPEMA DIWANI WA WADI YA UPENJA BIBI ASHA ABDULLA MUSSA  AKIPOKEA  MCHANGO WA MABOMBA HAYO YA USAMBAZAJI MAJI SAFI KATIKA KIJIJI CHA KILOMBERO ALIMPONGEZA MBUNGE HUYO WA JIMBO LA KITOPE KWA MOYO WAKE WA KUSAIDIA KUONDOSHA MATATIZO YANAYOWAKABILI WANANCHI WA JIMBO LAKE.

AKITOA SHUKRANI KWA NIABA YA WANANCHI WA KIJIJI CHA KILOMBERO  MSIMAMIZI WA KAMATI YA MRADI WA MAJI YA KIJIJI HICHO BWANA MOH’D HAJI FAKI ALIMUHAKIKISHIA MBUNGE HUYO WA JIMBO LA KITOPE KWAMBA WANANCHI WA KIJIJI HICHO WAKO TAYARI MUDA WOWOTE KUSHIRIKI KATIKA KAZI ZA MAENDELEO WAKATI WATAPOTAKIWA KUFANYA HIVYO.

ZAIDI YA SHILINGI MILIONI 20,000,000/- ZILIZOTOLEWA NA MBUNGE WA JIMBO LA KITOPE BALOZI SEIF ALI IDDI ZIMETUMIKA KATIKA UJENZI  WA KISIMA CHA MAJI YA KILOMBERO KWA LENGO LA KUWAONDOSHEA USUMBUFU WA MIAKA MINGI WA HUDUMA ZA UPATIKANAJI WA MAJI SAFI NA SALAMA WANANCHI WA KIJIJI HICHO.