CUF YASEMA HAITASHIRIKI KATIKA KURA YA MAONI YA KATIBA MPYA

ZANZIBAR.

CHAMA CHA WANANCHI CUF, KIMESEMA KUWA KINAUNGA MKONO  TAMKO LILILOTOLEWA NA UMOJA WA KATIBA YA WANANCHI (UKAWA) HIVI KARIBUNI LA KUSUSIA KURA YA MAONI KUHUSU KATIBA MPYA INAYOPENDEKEZWA.

AKITANGAZA UAMUZI HUO KATIKA MKUTANO WA HADHARA WA UZINDUZI WA KAMATI ZA UCHAGUZI ZA CHAMA HICHO ULIOFANYIKA KATIKA VIWANJA VYA MNAZI MMOJA ZANZIBAR, KATIBU MKUU WA CUF MAALIM SEIF SHARIF HAMAD AMESEMA KUWA WAMEAMUA KUFANYA HIVYO KWA MADAI KUWA TARATIBU ZILIZOTUMIKA KUANDIKA KATIBA HIYO NI BATILI NA HAZIKUBALIKI.

AKIZUNGUMZIA KUHUSU KAMATI ZA UCHAGUZI, MAALIM SEIF AMEWATAKA WAJUMBE WA KAMATI HIZO KUFANYA KAZI KWA UMAKINI NA UADILIFU, NA KUWATAHADHARISHA WAJUMBE WASIOWEZA KAZI HIYO KUACHIA NGAZI MAPEMA, ILI KUEPUKA KUCHUKULIWA HATUA ZA KISHERIA.

AMESEMA KUWA KUZINDULIWA KWA KAMATI HIZO NI HATUA MOJA MUHIMU YA MKAKATI WA CHAMA HICHO KUELEKEA UCHAGUZI MKUU WA OKTOBA MWAKA HUU, NA KWAMBA UZINDUZI HUO UMEFANYIKA KWA MAFANIKIO.

AMESEMA KUWA KAZI KUBWA YA KAMATI HIZO KATIKA NGAZI ZOTE ZA MATAWI, MAJIMBO, WILAYA NA TAIFA, NI KUHAKIKISHA USHINDI MKUBWA KWA CHAMA HICHO KATIKA UCHAGUZI MKUU UJAO.

KATIKAM UZINDUZI HUO WA KAMATI ZA UCHAGUZI MAALIM SEIF AMEKABIDHI VIFAA MBALI MBALI VYA KUFANYIA KAZI KATIKA ZONI ZA CHAMA HICHO, WILAYA NA MAJIMBO, VIKIWEMO MAGARI 14, VESPA 50 NA VIFAA VYA OFISINI.

MAPEMA AKIZUNGUMZA KATIKA MKUTANO HUO, MSHAURI WA MIKAKATI WA KATIBU MKUU WA CUF MANSOUR YUSSUF HIMID, AMESEMA CHAMA HICHO KINAKUSUDIA KUUNDA SERIKALI ITAKAYOTHAMINI UTU WA WATU WENGINE, DHAMA AMBAYO ILIKUWA MIONGONI MWA DHAMIRA ZA MUASISI WA MAPINDUZI YA ZANZIBAR MAREHEMU MZEE ABEID AMANI KARUME.

UZINDUZI WA KAMATI HIZO ULIKWENDA SAMBAMBA NA MATEMBEZI YA WANAKAMATI KUTOKA MAJIMBO YOTE UNGUJA NA PEMBA, YALIYOANZIA VIWANJA VYA MALINDI HADI MNAZI MMOJA.