WARIOBA AMEVITAKA VYAMA VYA SIASA NCHINI HUMO KUZINGATIA MATAKWA YA WANANCHI KATIKA SUALA LA KURA YA MAONI

DAR-ES-SALAAM.

ALIYEKUWA MWENYEKITI WA TUME YA MABADILIKO YA KATIBA, JAJI MKUU MSTAAFU JOSEPH SINDE WARIOBA AMEVITAKA VYAMA VYA SIASA NCHINI HUMO KUZINGATIA MATAKWA YA WANANCHI KATIKA SUALA  LA KURA YA MAONI YA KATIBA INAYOPENDEKEZWA BADALA YA KUWAGAWA.

WARIOBA AMESEMA  KUWA ANAAMINI KWAMBA, BAADHI YA VIPENGELE VILIVYOKATALIWA KATIKA RASIMU YA KATIBA, IPO SIKU VITAFANYIWA KAZI ILI KUONDOA MIGONGANO HUKU AKISISITIZA, KISHERIA KURA YA MAONI SIYO MWISHO WA MCHAKATO.

WAZIRI MKUU HUYO MSTAAFU WA JAMHURI YA MUUNGANO WA TANZANIA AMESEMA KUWA, KWA SASA, BADALA YA KUWAWEKA WANANCHI PAMOJA NA KUKUBALIANA WANACHOTAKA , UPO MVUTANO HUKU WENGINE WAKITAKA KATIBA ILIYOPENDEKEZWA IKUBALIWE NA WENGINE WAKITAKA WANANCHI WAIKATAE.

HAYO YAMEKUJA HUKU KAMBI YA UPINZANI NCHINI KUPITIA UMOJA WA KATIBA YA WANANCHI (UKAWA) UKITANGAZA KUTOSHIRIKI KATIKA KURA IJAYO YA MAONI YA KATIBA.