ZANZIBARKUENDELEA KUIMARISHA UHUSIANO NA USHIRIKIANO WA KIHISTORIA KATI YAKE NA JAMHURI YA KIISLAMU YA IRAN

ZANZIBAR.

SERIKALI YA MAPINDUZI YA ZANZIBAR IMEELEZA AZMA YAKE YA KUENDELEA KUIMARISHA UHUSIANO NA USHIRIKIANO WA KIHISTORIA KATI YAKE NA JAMHURI YA KIISLAMU YA IRAN AMBAYO INAIUNGA MKONO ZANZIBAR KATIKA KUIMARISHA SEKTA MBALI MBALI ZA MAENDELEO. 

RAIS WA ZANZIBAR NA DK. ALI MOHAMED SHEIN AMEYASEMA HAYO WAKATI  AKIZUNGUMZA NA WAZIRI WA MAMBO YA NJE WA JAMHURI YA KIISLAMU YA IRAN, JAVAD ZARIF, IKULU MJINI ZANZIBAR. 

KATIKA MAZUNGUMZO HAYO, DK. SHEIN AMESEMA KUWA ZANZIBAR INA MENGI YA KUJIFUNZA KUTOKA KWA NDUGU ZAO WA IRAN NA KUTOA PONGEZI  KWA NCHI HIYO KWA KUENDELEA KUIUNGA MKONO ZANZIBAR KATIKA SEKTA ZA MAENDELEO IKIWEMO SEKTA YA ELIMU NA AFYA.

DK. SHEIN ALIELEZA KUWA ZANZIBAR INATHAMINI UHUSIANO NA USHIRIKIANO WA KIHISTORIA KATI YA NCHI MBILI HIZO NA KUSISITIZA KUWA NCHI HIYO IMEKUWA IKITOA USHIRIKIANO MKUBWA KATIKA SEKTA YA ELIMU KWA KUTOA NAFASI ZA MAFUNZO KWA VIJANA WA ZANZIBAR KWENDA KUSOMA NCHINI HUMO. 

AMESEMA KUWA ZANZIBAR IMEKUWA NA MABADILIKO MAKUBWA YA KIMAENDELEO HIVYO KUIMARISHWA KWA UHUSIANO KATI YAKE NA IRAN  KUTAZIDI KUKUZA MAENDELEO HAYO HASUSAN  KATIKA SEKTA YA KILIMO MAFUNZO YA UFUNDI NA AFYA AMBAPO IRAN IMEAHIDI KUIUNGA MKONO ZANZIBAR. 

NAE WAZIRI WA MAMBO YA NJE WA JAMHURI YA KIISLAMU YA IRAN, JAVAD ZARIF ALIUPONGEZA UHUSIANO NA USHIRIKIANO WA KIHISTORIA ULIOPO KATI YA NCHI HIYO NA ZANZIBAR NA KUSISITIZA KUWA ZIARA YAKE NI MIONGONI MWA HATUA ZA KUKUZA UHUSIANO HUO. 

WAZIRI ZARIF ALIMUELEZA DK. SHEIN KUWA IRAN ITAENDELEA KUIUNGA MKONO ZANZIBAR KATIKA KUIMARISHA SEKTA ZA MAENDELEO ZIKIWEMO ELIMU, AFYA, UVUVI NA  KILIMO HUKU AKISISITIZA HAJA YA KUKUZA MAHUSIANO KATI YA WIZARA YA KILIMO YA ZANZIBAR NA ILE YA IRAN KWA LENGO LA KUINUA SEKTA HIYO KWA PANDE ZOTE MBILI.