MOTO WAFANIKIWA KUZIMWA KATIKA HIFADHI YA JOZANI

ZANZIBAR.

Vikosi vya ulinzi  na Uokozi kwa kushirikiana na wafanyakazi wa Wizara ya Kilimo na Mali Asili na wananchi wa Mkoa wa Kusini Unguja wamefanikiwa kuuzima moto katika Hifadhi ya Taifa ya Msitu wa Jozani  ulioibuka upande wa magharibi ya msitu huo maarufu Jozani Kovu.

Makamu wa Pili wa Rais wa Zanzibar Balozi Seif Ali Iddi alifika KATIKA eneo la tukio kuangalia athari iliyotokea kwenye msitu huo wenye hadhi ya Kimataifa kutokana na mazingira yake ya miti pamoja na wanyama adimu Duniani.

Hekta 17  kati ya elfu 5,000 zilizomo ndani ya  Hifadhi ya Taifa ya Msitu huo  zimeathirika kwa moto unaodhaniwa  kuibuka  juzi jioni  kutokana na wavunaji  haramu wa Asali.

Katibu Mkuu Wizara ya Kilimo na Mali Asili Zanzibar Nd. Afan Othman Maalim alimueleza Balozi Seif kwamba juhudi za vikosi vya ulinzi kwa kushirikiana na wananchi wa Vijiji Jirani imesaidia kuudhibiti moto huo usiingie kwenye msitu mkubwa.

HATA HIVYO KIONGOZI HUYO AMEBAINISHA  KUWA kuathirika kwa msitu huo LICHA YAkuchafuka  kwa mazingira katika eneo hilo la hifadhi ya Taifa NA  kilimo cha mpunga katika Bonde la Cheju kinaweza kuwa hatarini  kutoweka kwa kukosa rasilmali ya maji.

Akitoa shukrani Makamu wa Pili wa Rais wa Zanzibar Balozi Seif Ali Iddi ameiagiza Wizara ya Kilimo kwa kushirikiana na uongozi wa Serikali ya Mkoa wa Kusini Unguja kuchukuwa hatua za kukabiliana na wagemaji haramu wa asali ili kujaribu kuzuia uharibifu wa mazingira.

Balozi Seif alisema kwa niaba yake na Serikali ya Mapinduzi ya Zanzibar amevipongeza Vikosi vya ulinzi kwa kushirikiana na wananchi  kutokana na  juhudi kubwa walizochukuwa za kufanikiwa kuuzima moto huo.

AMEfahamisha kUWA Jozani ikiwa ni miongoni mwa Misitu miwili mikubwa katika Visiwa vya Zanzibar  UkiweMo   na wa Ngezi Kisiwani Pemba lazima iendelee kudhibitiwa kwa nguvu zote.