TANZANIA ITAKUWA MWENYEJI WA MKUTANO WA 22 WA KIMATAIFA WA CHAMA CHA WAHASIBU WAKUU

DAR-ES-SALAAM.

TANZANIA ITAKUWA MWENYEJI WA MKUTANO WA 22 WA KIMATAIFA WA CHAMA CHA WAHASIBU WAKUU WA SERIKALI WA NCHI ZA MASHARIKI NA KUSINI MWA AFRIKA UTAKAOFANYIKA NCHINI KUANZIA MACHI 09, HADI 12  MWAKA 2015.

KAULI HIYO IMETOLEWA NA MHASIBU MKUU WA SERIKALI,MWANAIDI MTANDA KWA NIABA YA KATIBU MKUU WA WIZARA YA FEDHA DKT. SERVACIUS LIKWELILE  MJINI DAR ES SALAAM ALIPOKUWA AKIZUNGUMZA NA WAANDISHI WA KHABARI KUHUSIANA NA MKUTANO HUO UTAKAOFANYIKA NCHINI.

MHASIBU  HUYO AMESEMA KUWA MGENI RASMI KATIKA MKUTANO HUO ANATARAJIWA KUWA RAIS WA JAMHURI YA MUUNGANO WA TANZANIA DKT. JAKAYA KIKWETE.

KATIKA MKUTANO HUO, MADA MBALIMBALI ZINATARAJIWA KUJADILIWA ZIKILENGA KUKUZA USHIRIKIANO MIONGONI MWA NCHI WANACHAMA KATIKA MASUALA YA HESABU ZA SERIKALI NA KUTOA FURSA YA KUWA NA JUKWAA KWA AJILI YA WASHIRIKI ILI KUFANYA TATHMINI KWA KUJADILIANA NA KUBADILISHANA UZOEFU MBALI MBALI.

AIDHA, MKUTANO HUO UNALENGA KUHAMASISHA MAENDELEO YA WATENDAJI WAHASIBU WA SERIKALI NA KUTOA MAFUNZO STAHIKI KUPITIA UTEKELEZAJI WA PROGRAM SHIRIKISHI KWA KUJIFUNZA UZOEFU WA MASUALA MBALI MBALI NDANI YA NCHI WANACHAMA.

MKUTANO WA WAHASIBU HAO UNATARAJIWA KUWA NA WASHIRIKI ZAIDI YA 1000 WAKIWEMO WAHASIBU WAKUU 14 KUTOKA NCHI WANACHAMA NA WADAU WENGINE.