REDIO ZA KIISLAM ZANZIBAR ZAPANIA KUSHIRIKIANA

  UONGOZI WA RADIO ADHANA UMEKUTANA NA UONGOZI WA RADIO ALNOOR FM KATIKA OFISI ZA RADIO ALNOOR LEO HUKO MTONI KIDATU  KWA LENGO LA KUJENGA MASHIRIKIANO KATIKA SHUGHULI ZA RADIO ZA KIISLAM.

           WALIOKUTANA KATIKA MAZUNGUMZO HAYO NI PAMOJA NA MWENYEKITI WA BODI SH SALUM ABDUSALAMY NA MKURUGENZI WA RADIO ADHANA KWA UPANDE MMOJA NA MKURUGENZI MKUU SH NADIR MOHD MAHFOUDH NA NAIBU MKURUGENZI SH RASHID SALIM WA RADIO ALNOOR KWA UPANDE WA PILI PAMOJA NA WATENDAJI WAKUU WA PANDE ZOTE MBILI, AMBAPO WAMEKUBALIANA  KUANGALIA MAENEO YA KUSHIRIKIANA NA KUSAIDIANA KATIKA KUFIKIA LENGO LA RADIO ZAO LA KUELIMISHA NA KUUNGANISHA UMMA WA WAISLAMA.

          AKIZUNGUMZIA UMUHIMU WA KUKUTANA NA KUBADILISHANA MAWAZO KATIKA UENDESHAJI WA RADIO ZA KIISLAM MKURUGENZI MKUU WA RADIO ALNOOR SH NADIR MOHD AMESEMA RADIO ZETU HIZI ZINA MATATIZO MENGI AMBAYO KWA KUSAIDIANA TUNAWEZA KUYATATUA HIVYO NI VYEMA KUA PAMOJA KATIKA KAZI ZETU.

             NAE MWENYEKITI WA BODI YA RADIO ADHANA SH SALUM ABDUSALAMY AMESEMA FIKRA HII INAFAA KUFANYIWA KAZI HARAKA  ILI KUKABILI KWA PAMOJA CHANGAMOTO ZILIZOPO SAMBAMBA NA KUSAIDIA TAIFA  KUHAMASISHA WANACHI KULINDA MAZINGIRA YANAYOCHAFULIWA NA CHUPA ZA PLASTIC KWA KUANDAA VIPINDI VYA KUHAMASISHA WANANCHI.