WANANCHI KWA KUSHIRIKIANA NA VIONGOZI WANA NAFASI KUBWA YA KULINDA NA KUENDELEZA USHIRIKIANO

ZANZIBAR.

SEREKALI YA MAPINDUZI YA ZANZIBAR  IMESEMA KUWA WANANCHI  KWA KUSHIRIKIANA NA VIONGOZI WANA NAFASI KUBWA YA KULINDA NA KUENDELEZA USHIRIKIANO KATIKA MALEZI YA WATOTO WANAOISHI KATIKA MAZINGIRA MAGUMU.

HAYO YAMEELEZWA  LEO NA WAZIRI WA NCHI OFISI YA MAKAMO WA KWANZA WA RAISI FATMA ABDUL-HABIB FEREJI  WAKATI AKIFUNGUA MKUTANO MKUU WA JUMUIYA YA KUSAIDIANA KWA HALI NA MALI(JUKUHAMA) KATIKA UKUMBI WA EACROTANAL MJINI ZANZIBAR.

AMESEMA KUWA  SUALA LA USHIRIKIANO NI MUHIMU KWA LENGO LA KUIKOMBOA JAMII KATIKA WIMBI LA MMONG’ONYOKO WA MADILI AMBAO HUCHANGIA KUTOPATIKANA  KWA MAENDELEO YA HARAKA.

 HATA HIVYO  WAZIRI  HUYO AMEFAHAMISHA KUWA WAZAZI WATAKAPOENDELEZA MALEZI YA PAMOJA WATAWEZA KUIHAMASISHA JAMII  KUONDOKANA NA VITENDO VIOVU IKIWEMO UDHALILISHAJI WA WANAWAKE NA WATOTO WANAOISHI  KATIKA MZAINGIRA MAGUMU.

AKIZUNGUMZIA SUALA LA  MATUMIZI YA  DAWA ZAKULEVYA AMESEMA KUWA VIJANA WENGI WAMEATHIRIWA NA UTUMIAJI WA MADAWA HIZO JAMBO AMBALO LINALOWAPELEKEA VIJANA HAO KUISHI KATIKA HALI NGUMU.

KWA UPANDE WAKE KATIBU WA JUMUIYA HIYO ABDUL-RAHMANI SULTANI AMESEMA  KUWA LENGO LA KUANZISHA JUMUIYA HIYO NI KUWASAIDIA WATOTO YATIMA NA WASIOJIWEZA PAMOJA NA KUWAHAMASISHA VIJANA KUSHIRIKI KATIKA KAZI ZA  AMALI  ILI ZIWEZE KUWASAIDIA KWA KUWAEPUSHA NA MAZINGIRA HATARISHI WANAPOMALIZA ELIMU YA LAZIMA.

NAO VIJNA WALIOSHIRIKI KATIKA MKUTANO HUO WAMESEMA KUWA KUWEPO KWA JUMUIYA HIZO KUTAWEZESHA VIJANA KUJIKINGA NA VIKUNDI HATARISHI KATIKA MITAA AMBAVYO HUWASABABISHIA KUFANYA MAMBO MAOVU.