MAKAMU WA PILI WA RAIS WA ZANZIBAR BALOZI SEIF ALI IDDI AMEIPONGEZA SERIKALI YA MAREKANI

ZANZIBAR.

   

MAKAMU WA PILI WA RAIS WA ZANZIBAR BALOZI SEIF ALI IDDI AMEIPONGEZA SERIKALI YA MAREKANI KUPITIA SHIRIKA LAKE LA MISAADA YA MAENDELEO LA US AID KWA JITIHADA ZAKE ZA KUISAIDIA ZANZIBAR KATIKA MIPANGO YAKE YA KUTAFUTA MBINU ZA KUWA TAYARI KWA KUKABILANA NA MAAFA WAKATI WOWOTE YATAPOTOKEZEA.

BALOZI SEIF AMETOA PONGEZI HIZO WAKATI AKIFUNGUA RASMI  MAFUNZO YA SIKU TANO KUHUSU ZOEZI LA KUKABILIANA NA MAAFA ZANZIBAR YANAYOFANYIKA KATIKA UKUMBI WA HOTELI YA ZANZIBAR BEACH  RESORT MAZIZINI NJE KIDOGO YA MJI WA ZANZIBAR.

AMESEMA  KUWA ZANZIBAR IMEKUWA NA HISTORIA  KUBWA YA  MAJANGA MBALI MBALI YALIYOWAHI KUIKUMBA NA KUSABABISHA MAAFA MAKUBWA  YATAYOENDELEA KUKUMBUKWA NA VIZAZI VYA SASA NA VIJAVYO.

AMESEMA KUWA  MAREKANI IMEKUWA MSHIRIKA MKUBWA KATIKA KUSAIDIA HARAKATI MBALI MBALI ZA MAENDELEO YA MIUNDO MBINU YA MAWASILIANO YA BARA BARA, HUDUMA ZA AFYA NA USTAWI WA JAMII WA ZANZIBAR JAMBO AMBALO LIMEKUWA LIKILETA FARAJA KWA WANANCHI WALIO WENGI HAPA NCHINI.

BALOZI SEIF ALIFAHAMISHA KWAMBA JUHUDI ZA ZANZIBAR KATIKA KUJIWEKA TAYARI KUKABILIANA NA MAAFA YOYOTE YATAKAYOWEZA KUTOKEA ZIMEKUJA KUFUATIA MAJANGA TOFAUTI YALIYOWAHI KUTOKEA KAMA  MARADHI YA KOLERA, AJALI ZA VYOMBO VYA USAFIRI WA BAHARINI NA MAJANGA YA  MOTO AMBAYO YAMESABABISHA VIFO VYA WATU KADHAA.

ALIFAHAMISHA  KWAMBA ZANZIBAR IKIWA MIONGONI MWA MATAIFA MACHANGA DUNIANI INAWAJIBIKA KUIMARISHA IDARA YAKE YA MAAFA KWA KUSHIRIKIANA NA TAASISI ZA ULINZI, AFYA NA MAWASILIANO ILI KUONA HUDUMA ZA KUKABILIANA NA MAAFA NCHINI ZINAPATIKANA KWA UBORA UNAOKUSUDIWA.

MAFUNZO HAYO YA  SIKU TANO KUHUSU ZOEZI LA KUKABILIANA NA MAAFA ZANZIBAR YANAYOFANYIKA  KATIKA UKUMBI WA MIKUTANO WA HOTELI YA ZANZIBAR BEACH RESORT YAMESHIRIKISHA WAWAKILISHI WA TAASISI ZA ULINZI, MAAFA, UTAWALA, PAMOJA NA WATAALAMU WA AFYA KUTOKA NCHI MBALI MBALI DUNIANI.