ZANZIBAR JUANZISHA MFUMO WA Land Information Service

ZANZIBAR.

Idara ya Ardhi na Mazingira inatarajia  kufanya Uzinduzi wa Mfumo wa Mtandao wa Upatikanaji Taarifa za Ardhi Zanzibar (Zanzibar Land Information Service) (ZALIS) itakayosaidia upatikanaji wa taarifa sahihi za Ardhi nchini.  

Kwa mujibu wa taarifa iliyotolewa na Idara hiyo uzinduzi huo  utafanyika KESHO katika jengo la Ardhi liliopo Forodhani Mjini Zanzibar.

TAARIFA HIYO imeONGEZA KUWA mtandao huo wenye teknolojia rahisi itakayosaidia kwa kiasi kikubwa upatikanaji wa Khabari na taarifa zote za Ardhi ikiwemo usajili, utambuzi, upimaji, uhaulishaji eneo, kijografia, mipaka na kuongeza ufanisi wa shughuli zote ardhi kwa kiasi kikubwa.

mfumo wa ZALIS utarahisisha upatikanaji wa taarifa na takwimu zinazohitajika Kijamii na Kiuchumi juu ya masuala ya Ardhi na kuzifanya shughuli hizo kuwa rahisi na nyepesi zaidi.

Aidha Serikali ya Finland kupitia Wizara yake ya Mambo ya Nchi za Nje imekuwa KUisaidia Zanzibar katika masuala mbalimbali ikiwemo Maji, Mazingira, Misitu pamoja na Ardhi kwa zaidi ya miaka 10 hadi sasa.

Taarifa hiyo imefahamisha kuwa maendeleo ya usajili wa Ardhi yamekuwa yakiendelea vizuri nchini ambapo hadi sasa jumla ya viPANDE 34,000 vimeshapatiwa usajili wa kudumu.

Mfumo wa ZALIS umefadhiliwa na Serikali ya Finland ambao umegharimu zaidi ya shilingi milioni 100 ambapo mgeni rasmi katika Uzinduzi huo anatarajiwa kuwa Balozi wa Finland nchini Tanzania Bi. Sinnika Antilla.